O‘zbekistonda nemis tilini o‘rganuvchi o‘quvchilar o‘rtasida ifodali o‘qish bo‘yicha tanlov
Download 7.86 Kb. Pdf ko'rish
|
2016/ 06-sonli Press-reliz Тoshkent, 2016 yil 8 noyabr O‘zbekistonda nemis tilini o‘rganuvchi o‘quvchilar o‘rtasida ifodali o‘qish bo‘yicha tanlov Germaniya Federativ Respublikasining Toshkentdagi elchixonasi 2016 yil 7 noyabr kuni Jahon iqtisodiyoti va diplomatiya universiteti qoshidagi „Shayxontohur“ akademik litseyi binosida O‘zbekistonda nemis tilini o‘rganuvchi o‘quvchilar o‘rtasida ifodali o‘qish bo‘yicha o‘zining 9-tanlovini o‘tkazdi. Tanlovda Germaniyaning 16 nafar hamkor maktabi o‘quvchilari bilan birgalikda O‘zbekistonning turli shahar va tumanlaridan tanlab olingan qo‘shimcha 13 nafar maktab va akademik litseylarning ichki saralash bosqichida aniqlab olingan o‘quvchilari ishtirok etishdi. Til bilish darajasi bo‘yicha uch xil guruhga taqsimlangan o‘quvchilarning nemis tilidagi matnni tushunishi va uni ifodali o‘qish bo‘yicha qobiliyatlari Gyote instituti, Xorijdagi maktablar bo’yicha Germaniya markaziy boshqarmasi (ZfA) va Germaniya elchixonasi vakillaridan iborat uchta hay‘at guruhi tomonidan baholandi. „A“ guruhida Toshkent shahridagi 60-sonli maktabning 9-sinf o‘quvchisi Aziz Imamov g‘oliblikni qo‘lga kiritdi. 2-o'rinni O‘zDJTU qoshidagi 2-sonli akademik litseyning 1-bosqich o‘quvchisi Renata Baybekova, 3-o‘rinni esa Samarqand shahridagi 51-sonli maktabning 9- sinf o‘quvchisi Daler Saidov egallashdi. „B“ guruhida Urganch shahridagi 19-sonli maktabning 9-sinf o‘quvchisi Azizbek Jonibekzoda 1-o‘rinni egalladi. 2-o'rinni Urganch shahridagi 2-sonli akademik litseyning 1- bosqich o‘quvchisi Shahnoza Satibayeva, 3-o‘rinni esa Andijon viloyati Oltinko‘l tumanidagi 48-sonli maktabning 9-sinf o‘quvchisi Iroda Akbarova qo‘lga kiritishdi. „C“ guruhida Samarqand shahridagi 2-sonli axborot texnologiyalari akademik litseyining 1- bosqich o‘quvchisi Kamola Xojiyeva 1-o‘rinni egalladi. 2-o'rinni Buxoro shahridagi 4-sonli akademik litseyning 1-bosqich o‘quvchisi Firuza Gafurova, 3-o‘rinni esa Farg‘ona viloyati Bag‘dod tumanidagi 5-sonli maktabning 9-sinf o‘quvchisi Oydin Aliyeva qo‘lga kiritishdi. Tanlov yakunida ishtirokchilar shamdon yasash, qo‘shiq kuylash yoki sahna ko‘rinishini namoyish etish borasida o‘z iqtidorlarini o‘zaro ko‘rsatish imkoniyatiga ham ega bo‘lishdi. O‘ziga xos an‘anaga aylangan ushbu tanlov o‘quvchilarni o‘zaro raqobat orqali qo‘llab- quvvatlaydi va nemis tilini o‘rganishda ularga zavq ulashadi. Download 7.86 Kb. Do'stlaringiz bilan baham: |
ma'muriyatiga murojaat qiling