O'zbekistonning birinchi Prezidenti Islom Karimov tomonidan ilgari surilgan milliy- ma'naviy tiklanish konsepsiyasining nazariy va metodologik ahamiyati

O'zbekistonning birinchi Prezidenti Islom Karimov tomonidan ilgari surilgan milliy- ma'naviy tiklanish konsepsiyasining nazariy va metodologik ahamiyati.


Reja:


1.Islom Karimov tomonidan milliy – ma`naviy tiklanish konsepsiyasining ishlab chiqilishi va uning mohiyati.
2. Mustaqillik yillarida milliy ma`naviyatning tiklanishi va rivojlanishida Islom Karimovning xizmatlari.
3. «Ma`naviyat» tushunchasining mohiyati.
4. Ma`naviyatning asosiy kategoriyalari, uning rivojlanish qonuniyatlari.

Islom Karimov tomonidan milliy – ma`naviy tiklanish konsepsiyasining ishlab chiqilishi va uning mohiyati.

Islom Karimov tomonidan milliy – ma`naviy tiklanish konsepsiyasining ishlab chiqilishi va uning mohiyati.
Ma`naviyat jamiyat taraqqiyoti millat kamoloti va shaxs barkamolligini belgilab beruvchi asosiy mezonlardan biri hisoblanadi, chunki ma`naviyat rivojlangandagina jamiyatda iqtisodiy va ijtimoiy-siyosiy barqarorlik vujudga keladi hamda mamlakat va millat taraqqiy etadi. Bu o`z navbatida shaxsning barkamol rivojlanishi uchun zarur bo`lgan zamin bo`lib xizmat qiladi.Buni chuqur his qilgan va o`z qalbidan o`tqazgan Prezidentimiz Islom Karimov mamlakatimiz o`z mustaqilligini qo`lga kiritgandan so`ng ona zaminimizda Demokratik jamiyat qurishning nazariy konsepsiyasini ishlab chiqar ekan, iqtisodiy va ijtimoiy-siyosiy hayotni qayta qurishni milliy ma`naviy tiklanish bilan uyg`un holatda bo`lishi kerakligini ilmiy jixatdan asoslab berdi. U o`zining “O`zbekistonning o`z istiqloli va taraqqiyot yo`li” nomli asarida mustaqillikdan keyin O`zbekistonni rivojlantirishning ma`naviyat sohasidagi strategik vazifalarini ham belgilab berdi.
Islom Karimov ushbu asarida mustaqil O`zbekistonni rivojlantirishning ma`naviy- axloqiy negizlarini belgilab berar ekan, “O`zbekistonning yangilash va rivojlantirishning o`z yo`li to`rtta asosiy negizga asoslanadi”- deb ko`rsatadi va quyidagilarni belgilab beradi, umuminsoniy qadriyatlarga sodiqlik; xalqimizning ma`naviy me`rosini mustahkamlash va rivojlantirish; insonning o`z imkoniyatini erkin namoyon qilishi; vatanparvarlik. Islom Karimov shunday yozadi: “Mustaqil O`zbekistonning kuch qudrat manbai-xalqimizning umuminsoniy qadriyatlarga sodiqligidir. Xalqimiz adolat tinchlik ahil qo`shnichilik va insonparvarlikning nozik kurtaklarini asrlar osha avaylab-asrab kelmoqda. O`zbekistonni yangilashning oliy maqsadi ana shu an`analarni qayta tiklash, ularga yangi mazmun bag`ishlash zaminimizda tinchlik va Demokratiya, farovonlik, vijdon erkinligi va har bir kishini kamol topishi uchun zarur shart - sharoitlar yaratishdir.”1
I. A. Karimov asarida mamlakatimizda milliy ma`naviyatni tiklash va rivojlantirish davlat siyosatida ustuvor vazifa ekanligiga e`tibor qaratib quyidagi konseptual g`oyani ilgari suradi.U shunday yozadi: “Oldin odamlarga moddiy boylik berish, so`ngra ma`naviyat to`g`risida o`ylash kerak deydiganlar haq bo`lmasa kerak. ma`naviyat- insonning, xalqning, jamiyat, davlatning kuch qudratidir. U yo`q joyda hech qachon baxt-saodat bo`lmaydi. Prezidentimiz tomonidan ilgari surilgan bu konseptual g`oyaning nazariy va amaliy ahamiyati shundaki: birinchidan bu bilan muallif sobiq sho`rolar davrida ma`naviyatni rivojlantirishga 3 -darajali omil sifatida qaralishining ijtimoiy –siyosiy; iqtisodiy va ma`naviy-ma`rifiy inqirozining ham sabablarini ko`rsatib beradi. Ikkinchidan ma`naviyatni rivojlantirmasdan, shaxsning ma`naviy -ruhiyatini o`zgartirmasdan turib jamiyatda ko`zlangan maqsadni amalga oshirish mumkin emasligiga e`tiborini qaratgan. Prezidentimizning yana bir muhim konseptual g`oyasi ma`naviyat shaxsning eng muhim mezoni va shuning bilan birga uni kamolotga eltuvchi, o`z-o`zini anglatuvchi va imkoniyatlarini yuzaga chiqaruvchi ulkan omil ekanligini ilmiy asoslanganligidir.
I. A. Karimovning milliy- ma`naviy tiklanishga bag`ishlangan konsepsiyasida vatanparvarlikning shaxs ma`naviyatining ajralmas qismi ekanligini asoslab berish alohida o`rinni egallaydi. Haqiqatdan ham o`z vatanini sevmagan uning har bir qarich yeri uchun mas`ulligini his etmagan har bir inson ma`naviy jihatdan qashshoq hisoblanadi.
Prezidentimiz mazkur asarida milliy-ma`naviy tiklanish vazifasini amalga oshirishga bag`ishlangan konsepsiyalarni o`zining boshqa asarlarida ijodiy rivojlantirgan, taraqqiyotimizning yangi bosqichida yuzaga kelayotgan muammolarni hal qilish ehtiyojlariga mos ravishda uning yangi yo`nalishlarini belgilab bergan.
Xususan, ular “O`zbekiston iqtisodiy isloxatlarni chuqurlashtirish yo`lida”,”O`zbekistonning siyosiy-ijtimoiy va iqtisodiy istiqbolining asosiy tamoyillari”,”Amir Temur -faxrimiz, g`ururimiz”,”Barkamol avlod O`zbekiston taraqqiyotining poydevori”,”Tarixiy xotirasiz kelajak yo`q“, “Jamiyatimiz mafkurasi xalqni-xalq, millatni-millat qilishga xizmat etsin”,”O`zbekiston XXI asrga intilmoqda”, kabi asarlarida o`z ifodasini topgan.
Prezidentimizning asarlarida ilgari surilgan konseptual g`oyalarni umumlashtiradigan bo`lsak, ular quyidagi yo`nalishlarni o`z ichiga oladi
-ma`naviy me`ros va diniy qadriyatlarni chuqur o`zlashtirish, millatimizni o`z-o`zini anglashiga erishish,milliy g`urur va iftihor tuyg`ularini izchillik bilan mustahkamlash;
-mustaqillik sharoitida milliy g`oya va milliy mafkurani shakllantirish hamda uni xalqimiz dunyoqarashiga aylanishiga erishish;
-ta`lim tizimini islox qilish, kadrlar tayyorlashning milliy dasturini amalga oshirish asosida barkamol avlodni shakllantirish, sog`lom avlod dasturini amalga oshirish asosida jismoniy baquvvat, ruhi, fikri sog`lom, iymon-e`tiqodi butun,bilimli, ma`naviyati yuksak, mard va jasur vatanparvar avlodimizni shakllantirish;
-milliy-ma`naviy salohiyatimizni jaxon sivilizatsiyasidagi o`rnini tiklash va bugungi kunda ma`naviyat, ma`rifat, fan, texnika, texnologiya yutuqlarini chuqur o`zlashtirish asosida hozirgi zamon umumjaxon ma`naviyati tizimi rivojlanishiga hissa qo`shish; yoshlar ma`naviyatining milliy istiqlol g`oyalari bilan boyitib borish, ular ongida mafkuraviy immunitetni kuchaytirish-insoniyatni asrlar davomida yaratgan va umumjaxon mulkiga aylangan barcha boyliklarini milliy-ma`naviy salohiyatimizning ajralmas qismiga aylantirish kabilardir. Islom Karimov milliy mafkuraning milliy ma`naviy tiklanish va mamlakatimizda Demokratik jamiyat qurishdagi ahamiyati va rolini ilmiy asoslashga katta e`tibor qaratadi. Milliy-mafkura millatni birlashtiradi, mafkurasiz odam jamiyat davlat o`z yo`lini yo`qotadi. Prezidentimizning milliy ma`naviy amalga oshirishga xizmat qiluvchi yana bir konseptual g`oyasi sog`lom avlodni tarbiyalash voyaga yetkazish zaruriyatini ilmiy asoslanganligidir.Uning sog`lom avlod konsepsiyasida shaxsning jismonan, ruhan baquvvat bo`lishi yuksak bilim, ma`naviyat, tafakkur va fidoiy vatanparvar bo`lishi kabi talablarga javob beradigan avlodni nazarda tutadi. Shuning uchun ham u “...farzandlari sog`lom yurt qudratli bo`ladi, qudratli yurtning farzandlari sog`lom bo`ladi”- degan g`oyani ilgari suradi. Milliy-ma`naviy tiklanishimizda yoshlarimiz ma`naviyatini yuksak darajada ko`tarish, ularning hozirgi zamon fan, texnika va texnologiya yutuqlarini chuqur o`zlashtirishlari katta omil ekanligi prezidentimiz tomonidan ilmiy asoslangan.
Prezidentimiz tomonidan ishlab chiqilgan milliy-ma`naviy tiklanish va yangilanish konsepsiyasi juda katta nazariy va metodalogik ahamiyatga ega; ular quyidagilardan iborat:
Birinchidan, bu konsepsiya sobiq SHo`rolarning totalitar tuzumi sharoitida boy milliy ma`naviy madaniyatimizning inqirozga yuz tutganligi va uning sabablarini tushunishga;
ikkinchidan, sobiq SHo`rolarning o`tkazgan zo`ravonligi, zulmi va jinoyatkorona xatti - harakatlariga qaramasdan, milliy - ma`naviy me`rosimizning ildizlari mustahkam bo`lganligi uchun bu zo`rovonliklarga bardosh berib, o`z salohiyat va xususiyatlarini saqlab qololganligini tushunib yetishga xuddi shuningdek, ana shu omil mustaqilligimiz sharoitida kuch, qudrat, milliy g`urur va iftihor tuyg`ularimiz uchun manba bo`layotganligini tushunib yetishga;
uchunchidan, har bir millat, u son jixatdan kichikmi yoki kattami undan qatiy nazar mustaqillik ularning har biri uchun havo va suvdek zarur ekanligini, faqat mustaqillik millatni milliy - ma`naviyatini saqlab qolishga, uni rivojlantirish va keyingi avlodga yetkazish baxtiga muyassar etadigan asosiy omil ekanligini tushunishga, bu esa har bir millatdoshimiz va vatandoshimizni mustaqillikdek ulug` ne`matni saqlab kolishi uchun fadoiylik ko`rsatishi ma`naviyatning yuksak belgisi ekanligini qalban his qilishga imkon beradi;
to`rtinchidan, milliy-ma`naviy tiklanishning mohiyati, ”ma`naviyat” tushunchasi, uning shaxs, millat kamoloti, davlat va jamiyat taraqqiyotidagi o`rnini bilib olishga, uni rivojlantirish uchun me`rosimizni chuqur o`zlashtirish tinmay izlanish, ma`rifat, fan, texnika va texnologiya yutuqlarini sabot bilan o`zlashtirish hamda Prezidentimizning bugungi taraqqiyotimizni ta`minlaydigan “kuch-bilim va tafakkurda”-degan ilmiy va amaliy ahamiyatga ega bo`lgan konseptual g`oyasiga izchillik bilan amal qilishimiz;
beshinchidan, milliy mustaqilligimizni mustahkamlash va isloxatlarni amalga oshirish jarayonida milliy-ma`naviy tiklanishimiz oldida turgan vazifalar ko`lamini bilib olishga va uni amalga oshirishda umummilliy safarbarlik harakatini avj oldirishda fidoiylik ko`rsatish zarurligi;
oltinchidan, talaba yoshlarning milliy-ma`naviy tiklanish borasida ular oldida turgan vazifalarni bilib olishga, milliy g`urur, iftihor, fadoiylik, vatanparvarlikni shakllantirish-mastaqillikni mustahkamlash va taraqqiyotimizning asosiy sharti ekanligini tushunib yetish;
yettinchidan, milliy istiqlol g`oyasining ma`no va mazmunini chuqur anglashimiz, mutaqillikni mustahkamlash jarayonida ma`naviy yangilanishimiz borasida strategik vazifalarimizni asosiy yo`nalishlari va ko`lamini chuqur bilib olishimiz hamda ularni amalga oshirishda fidoiylik ko`rsatishimizning ahamiyatii tushunib yetishimiz zarurligi kabilardir.
Prezidentimiz ishlab chiqqan milliy-ma`naviy tiklanish konsepsiyasida insoniyatning asrlar davomida yaratgan va umumjaxon mulkiga aylangan barcha boyliklarini milliy ma`naviyatimizning ajralmas qismiga aylantirish ham asosiy o`rinni egallaydi.
Mustaqillik yillarida milliy - ma`naviyatning tiklanishi va rivojlanishida Islom Karimovning xizmatlari.
Prezidentimizning milliy - ma`naviy tiklanishimiz borasidagi qilgan xizmatlari xaqida fikr yuritganda, ularning konseptual g`oyalarini ishlab chiqish bilan bir qatorda ana shularni amalga oshirish borasida qilayotgan katta xizmatlari haqida alohida ta`kidlash lozim bo`ladi. Jumladan, 1994 yildayoq respublikamizda “Ma`naviyat va ma`rifat” jamoatchilik markazini tuzish to`g`risida farmon chiqarganlari, ularning faoliyatini takomillashtirish haqida g`amxo`rlik ko`rsatayotganliklarini aytish joiz. Mustaqillik yillirida ma`naviy me`rosimiz rahnamolari nomlari tiklandi, ular tavallud topgan kunlar nishonlanmoqda, asarlari chop etildi va etilmoqda. Chunonchi, Bahouddin Naqshband tavalludining 675 yilligi; Najmiddin Kubro tavalludining 850 yilligi keng nishonlandi. 1998 yilda Imom al-Buxoriy hazratlarining 1225 yilliklari, Ahmad al- Farg`oniyning 1200 yilligi nishonlanishida bosh - qosh bo`lganliklarini ta`kidlash lozim.
Mustaqillik yillari Qur`oni Karim o`zbek tiliga tarjima qilinib ko`p nusxada chop etildi. Imom al-Buxoriyning to`rt jildlik hadislari chop etish tugallandi. Xoja Ahmad Yassaviyning “Xikmatlar” to`plami chop etildi. Ko`plab Qur`oni Karim sharhlarigi oid kitoblar ham chop etilganligini va ulardan xalqimiz bahramand bo`layotganligining guvohi bo`lib turibmiz.
Mustaqillik yillari Iydi Ramazon va Qurbon Hayit kunlari diniy qadriyatlarimizning bayrami sifatida nishonlanmoqda. Navro`z umumxalq bayrami sifatida xalqimiz hayotidan mustahkam o`rin oldi. Har yili 3000 dan ortiq vatandoshlarimiz muborak haj safarlarini ado etmoqdalar. Mustaqillik yillari masjid va madrasalar ta`mirlandi.
Amir Temur, Mirzo Ulug`bek, Bobur Mirzolarning nomi qayta tiklandi. Amir Temur tavalludining 660 yilligi keng nishonlandi, Mirzo Ulug`bekning esa 600 yilligi keng nishonlandi va shu munosabat bilan yurtimizda beqiyos ma`naviy - ma`rifiy ishlar amalga oshirildi.
Milliy – ma`naviy tiklanishimiz borasida Prezidentimiz tomonidan amalga oshirilgan mihim nazariy va amaliy ahamiyatgi ega bo`lgan ishlar qatoriga yana quyidagilarni qo`shish lozim bo`ladi:
a) milliy – ma`naviy tiklanishimizning ilmiy nazariy konsepsiyasini ishlab chiqilganligi va istiqbolda ma`naviy taraqqiyotimizning XXI asrdagi vazifalarini belgilab berganligi;
b) milliy – ma`naviy tiklanishning mamlakatimizning totalitarizmdan Demokratik jamiyatga o`tish sharoitidagi o`zigi xos xususiyatlarini ilmiy asoslab berganligi va uning faqat milliy, ijtimoiy – ma`naviy tafakkurimizda emas, shuning bilan birga umumijtimoiy – falsafiy tafakkur taraqqiyotida yangi yo`nalish boshlab berganligini ham ta`kidlash lozim bo`ladi .
«Ma`naviyat» tushunchasining mohiyati.
Moddiy narsalar odamga jismoniy oziq va quvvat bersa, ma`naviyat unga ruhiy oziq va qudrat bag`ishlaydi. Faqat moddiy jihatdan ta`minlanish bilan kifoyalanish – ongsiz va ruhsiz mahluqotga xos ma`naviyatga intilish esa ruh va ong egasi bo`lmish odamzotgagina xos fazilatdir. Ma`naviyat odamning ruhiy va aqliy olami majmui kabi murakkab ijtimoiy hodisadir.
Yuqorida aytganimizdek, ma`naviyat juda keng qamrovli tushuncha bo`lib, uni bir jumlada ifodalash nihoyatda mushkul.
Ma`naviyat ko`proq inson qalbiga, botiniy tomoniga qaratilganligi bilan ajralib turadi. Shu ma`noda ma`naviyat inson qalbidagi ilohiy bir nur sanaladiki, bu ilohiy nur hech bir jonzotda yo`q.
Prezidentimiz Islom Karimovning nazariy qarashlariga, milliy qadriyatlarimizni, tarixiy va madaniy me`rosimizni tiklash borasidagi amaliy faoliyatlariga tayanishimiz, uni o`zimiz uchun dasturulamal qilib olishimiz maqsadga muvofiq. Yurtboshimiz “Turkiston” gazetasi muxbirining savolariga javoblarida, ma`naviyat ham borliq, tabiat, jamiyat kabi uzluksiz harakatdagi jarayon ekanligi, inson fikri,tafakkuri, his – tuyg`usi tinim bilmaganidek, ularning mahsuli bo`lmish ma`naviyat ham doimo o`zgarish va yangilanishda bo`lishini uqtirib: “Ma`naviyat avvalambor odamni ruhan poklanishga, qalban ulg`ayishga chorlaydigan , inson ichki dunyosini, irodasini baquvvat , iymon – e`tiqodini butun qiladigan vijdonini uyg`otadigan kuch...” deb ta`riflagan edilar. Bu ta`rifda inson faoliyatining barcha ma`naviy qirralari qamrab olingan bo`lib, biz bundan buyon ma`naviyat xaqida so`z yuritganimizda unga metodologik asos sifatida tayanamiz .
Keyingi paytlarda ma`naviyatga oid e`lon qilinayotgan maqolalarda, o`tkazilayotgan anjumanlarda “Ma`naviyat” tushunchasiga ta`rif berish , uning jamiyat, inson va millat taraqqiyotidagi o`rniga katta e`tibor qaratilmoqda . Xususan, taniqli faylasuf A. Jalolov “Mustaqillik mas`uliyati” asarida “Ma`naviyat – insonning zot belgisi, uning faoliyatining ajralmas tarkibiy qismi, ongi, aql – zakovatining mahsuli”,- deb ta`riflagan. “Hayot falsafasi va falsafa hayoti” maqolasida bu ta`rifni yanada kengaytirib, mukammalroq tarzda quyidagicha ta`riflaydi: “Ma`naviyat - inson faoliyatining ruhiy mazmuni bo`lib, kishilar uning vositasida o`zlarini anglaydilar, jamiyatni, tabiatni, ularning mavjudligi hamda taraqqiyoti xususiyatlarini o`rganadilar, qonunlarini kashf etadilar va ularga tayanib, o`z turmush sharoitlari, amaliy faoliyatlari muammolarini hal etadilar”.
“Vatan tuyg`usi” kitobining mualliflari “Ma`naviyat – jamiyatning, millatning va yoki ayrim bir kishining ichki hayoti, ruhiy kechinmalari, aqliy qobiliyati, idrokini mujassamlashtiruvchi tushuncha”, - deb ta`riflaganlar.
A. Erkayevning fikricha, “Ma`naviyat – insonning ijtimoiy - madaniy mavjudot sifatidagi mohiyatidir, ya`ni insonning mehr – muruvvat, adolat, to`g`rilik, sofdillik, vijdon, or – nomus, vatanparvarlik, go`zallikni sevish, zavqlanish, yovuzlikka nafrat, iroda, matonat va shu kabi ko`plab asl insoniy hislatlari va fazilatlarining uzviy birlik, mushtaraklik kasb etgan majmuidir”.
Ma`naviyat muammosi bilan anchadan buyon shug`ullanib kelayotgan olimlarimizdan biri M. Imomnazarov mazkur masalaga bag`ishlab ikkita kitob chiqardi. Muallif birinchi kitobida “Ma`naviyat inson qalbidagi ilohiy nur ...”, - deb yozgan bo`lsa, ikkinchi kitobida “Ma`naviyat – inson qalbida, ko`ngil ko`zgusida aks etgan haqiqiat nuridir, deyilgan ta`rif darhaqiqat, so`fiyona ramziy ta`rifdir, zotan boshqacha ta`rif bu cheksiz mohiyatni cheklab qo`yadi”, - deb yozadi.
Yuqoridagilardan kelib chiqib, ma`naviyat – insonning ruhiyatini, uning o`z – o`zini anglashi didi, farosati, adolat bilan razillikni, yaxshilik bilan yomonlikni, go`zallik bilan xunuklikni, vazminlik bilan johillikni ajrata bilish qobiliyatini, aql – zakovatini, yuksak maqsad va g`oyalarni qo`ya bilish, ularni amalga oshirish uchun harakat qilish va intilish salohiyatidir, - deb ta`rif berish o`rinli deb hisoblaymiz.
Ma`naviyat har doim ma`rifat bilan uyg`un holatda rivojlanib boradi. Ma`rifat - bilish, bilim, ma`lumot degan ma`noni anglatadi.
Ma`naviyatning asosiy kategoriyalari, uning rivojlanish qonuniyatlari
Ma`naviyat ham o`zining bir qator kategoriyalariga – tushunchalariga va rivojlanish qonuniyatlariga egadir. Uning tushunchalariga shaxsning o`z – o`zini anglashi, bilimdonlik, qalbi tozalik, saxiylik, samimiylik, hayrihohlik, iymonlilik, halollik, e`tiqodlilik, diyonatlilik, poklik, mehr – shafqatlik , vijdonlilik, rostgo`ylilik, adolatparvarlik, ota – onaga hurmat, oilaga sadoqat, vafodorlik, to`g`rilik va boshqalar; millatning vakili sifatida: milliy o`z – o`zini anglash, millatparvarlik, vatanparvarlik, millat taqdiriga nisbatan mas`liyatni, milliy manfaat ustuvorligini his etish, milliy til, milliy tarix, adabiyot, san`at, urf – odatlar, an`analar, qadriyatlar, davlat tizimiga hurmat, qonunlarga hurmat va itoatkorlik, vazminlik, o`z kasbining mohir ustasi bo`lish, mamlakat ichki va tashqi faoliyatidan habardor bo`lish va uni qo`llab – quvvatlash, mamlakat ijtimoiy, siyosiy, iqtisodiy, ma`naviy hayotida faollik va boshqalar kiradi.
Ma`naviyat rivojlanishi ham ma`lum qonuniyatlarga tayanadi. Garchand bunday qonuniyatlar bir necha yo`nalish va jarayonlarni o`z ichiga olsa ham, ularni yirik guruhlarga ajratish mumkin.
Birinchi guruhga shaxs, millat yoki jamiyatning ichki salohiyati bilan bog`liq bo`lgan qonuniyatlar kiradi.
Ikkinchi guruhga qonuniyatlariga shaxslar va millatlarning o`zaro munosabatlari jarayonida sodir bo`ladigan “o`zaro ta`sir” va “o`zaro boyitish” orqali namoyon bo`ladigan jarayonlar kiradi.
Ma`naviyat ana shu o`zaro munosabatlar va “ta`sirlar” asosida rivojlanib boradi. Bu jarayonda bir tomon ikkinchisiga nimanidir “beradi” va nimanidir “qabo`l” qiladi. Shunday qilib, ma`naviyat rivojlanishidagi “ta`sir” va “aks ta`sir” qonuniyati mavjud bo`lib, u ma`naviyatning rivojlanib borishini ta`minlashga xizmat qiladi .
Adabiyotlar:

1.