O`zbekstan Respublikasi Xaliq t a`lim wa`zirligi A`jiniyaz atindag`i No`kis ma`mleketlik
O`zbekstanda vokal atqariwshilig`i tariyxi
Download 0.54 Mb. Pdf ko'rish
|
- Bu sahifa navigatsiya:
- Erte da`wirdegi o`zbek vokal ma`deniyati.
- Qosiq aytiwdin` da`stu`rge aynalg`an tu`rleri.
- Vokal biliminin` rawajlaniwi. (1918-1945).
- O`zbekstanda xor ma`deniyatinin` payda boliw derekleri.
O`zbekstanda vokal atqariwshilig`i tariyxi. Xaliqtin` ko`p a`sirlik ruwhiy ma`deniyatinin` a`jayip bahali
g`a`ziynelerinin` biri-bul qosiq aytiwshiliq o`neri bolip tabiladi. Ha`mme waqit o`zbek xalqi, muzika vokal tariyxi rawajlaniwda qirg`iz xalqi siyaqli muzikag`a ha`m a`debiyatqa qizig`iwshilig`i menen birge saz a`spablarinan duwtar, qobizdi ha`r bir u`yde ushiratiwg`a boladi- dep jazadi Tu`rkstan u`lkesinin` izertlewshisi V.Massal`skiy, oris sayaxatshisi N.Murav`ev 1819-1820-jillarda Xiywada bolg`anda G`Xiywashilar muzikani jan-ta`ni menen jaqsi ko`redi ekenG`, olar hesh waqitta qosiqti eki dawista aytpaydi eken, qosiqshinin` so`zine ayriqsha itibar bergenin esittim-dep bildiredi. Atqariwshilar o`zbek xalqinin` en` su`yikli o`nerpazlari bolip esaplanadi. O`zbek xaliq qosiqlarin janrliq jaqtan u`lken eki bo`limge bo`liwge boladi. Birinshi xaliq qosig`i ha`m saz a`spabliq muzikalar, ekinshi jeke awizeki professional da`stu`r qosiqlar ha`m muzikalar. Xaliq qosiqlari: miynet, tariyxiy, watan ha`m Watandi su`yiw, da`stu`r salt (besik jiri, ha`wjar, joqlaw, sin`siw, muhabbat qosiqlari, qizlar qosiqlari, dinge baylanisli) qosiqlar. O`zbek xaliq qosiqlari Orta Aziyanin` basqa xaliqlarinday-aq nota jaziwi bolmag`andiqtan a`wladtan-a`wladqa sha`kirtler ustaz quwip, sha`kirtten usiazg`a o`tiw joli menen bizin` zamanimizg`a jetip keldi. Olardi a`sirler boyi xaliqtin` esinde saqlap kiyatirg`an muzika baylig`inin` do`retiwshileri, saqlawshilari, qosiqshilar ha`m basqa da xaliq do`retiwshiliginin` wakilleri boldi. Awizeki professional da`stu`r muzikasinda tiykarg`i orinda ko`p bo`limli vokal instrumental tsikldag`i janrlardin` biri maqom bolip esaplanadi. O`zbekstanda Buxara ha`m Xorezm maqomi dep bo`linedi. XVIII-a`sirde Shashmaqom buxarada payda bolg`an, sonin` ushin da Buxara Shashmaqomi deb atalap kelgen. tek Xorezmde Shashmaqomnin` jetinshi Pandjigoh degen bo`limi qosilg`an. Ha`r bir maqom eki bo`limnen turadi. Instrumentalliq ha`m vokal instrumental. Onin` oyinshilar bo`limine (ufar), al vokal instrumental bo`limine (nasr) dep atalg`an. Baslawinda (sarahbor), keyin jeke atqariwina (talqin) ha`m xor bolip aytiwina (tarona) bunda maqomnin` ha`mme qatnasiwshilari unison (bir
11
dawisli) sazendeler duwtar, doira, gijjak ha`m tag`i basaq a`spablarda. Maqomnin` so`zleri X-XIX-a`sirdegi klassik shayirlari Rudakiy, Ibn Sino, Umar Hayyam, Navoiy ha`m de xaliq so`zleri. Vokal instrumental bo`limi qosiqshilar gezeklesip aytatug`in bolg`an, sebebi vokal nomerleri alti-on minutqa sozilg`anliqtan. Erte da`wirdegi o`zbek vokal ma`deniyati. Erte da`wirde o`zbek vokal atqiriwshiliq ma`deniyati u`sh bag`dar boyinsha rawajlana baslag`an. Birinshi bag`dari, professional qosiqshilar Buxara ha`m Xorez maqom tsiklin atqiriwshilar, olardin` ishinde belgilileri xan sarayinda xizmet islep kelgen atqiriwshilar bolg`an. Buxaranin` en` son`g`i xani Sayd A`limxannin` wag`inda ataqli Shashmaqomdi atqarg`an Ota Jalol Nosirov sazende Ota G`ies Abdug`aniylardin` ko`n keshiriwi qiyin bolip, baylarg`a jalinishli bolip, ga` jumis islep, ga` maqom atqarip ju`rgen. Ekinshi bag`dari, ayrim professional qosiqshilar, oyinshilar, sazendeler, qiziqshilar, quwirshaq teatr ko`rinisin ko`rsetiwshiler qala ha`m awillarda ma`deniy xizmetler ko`rsetken. O`zbek xaliq teatrlari iri qalalarda ha`m rayonlarda korparatsiya ustavin du`zip, ku`n ko`riw maqsetinde olardin` jumislari ma`wsimlerge baylanisli seyilleri, xaliq bayramlarinda atiz o`nimlerin jiynap aliwda qisqi bayramlarda sonday-aq, artistler bos waqitlarinda o`ndirislerde, fabrikada, gochar jumislarinda ba`nt bolg`an. Qosiqshilardin` repertuari ha`r qiyli xarakterdegi janr boyinsha iri formadag`i maqom o`nerin jetik biletug`in Xoji Abdulaziz Rasulov, Domla xalim Ibadov, Lebi Babaxonov, Twychi Toshmuxammedov sheber atqiriwshi bolg`an. Olar xaliqti ken` diapozonli jag`imli hawazi, vokal atqiriw texnikasi arqali tin`lawshilardin` diqqatin o`zine awdarip kelgen. Xaliq qosiq do`retpesin saqlap kelgen qiziqshi, ku`ldiriwshi, quwirshaqbazi, laparshi, baqsi ha`s masqarapazlar xaliq ta`repinen ju`da` jaqsi qabillanatug`in bolg`an. Xaliq talantlilari eki saz a`spabinin` ja`rdeminde oyinlar oynap, da`stu`rge aynalg`an fontamimo saxnaliq ko`rinisler ko`rsetken. A`sirese Yusuf shakirjanov degen qiziqshi saxnada quslardin` dawisin, ha`r qiyli xarakterdegi adamlardi ermeklep xaliqti ku`ldirip ju`rgen. Buxarali sazendelerden Mavrigi degen qosiq ha`m oyin atqarg`an, al Xorezmshi xalfalar terme, lapar, duwtar, doyra ha`m garmon saz a`spablarinin` ja`rdesinde qosiqlar aytqan. Sol da`wirde Tu`rkstan elatinin` awilliq jerlerinde xaliq o`nerinin` tu`rinen da`stan ha`m epikaliq poemalar ko`rnekli baqsilardan Islam shayir, Pazil Yuldash, Xorezm jirshisi Qurban Ismaylov, Matyakub Bozachilardin` repertuarinda G`AlpamisG`, G`Go`rug`liG`, G`RustemG`, G`ShiyrinG` ha`m G`ShaxorG` h.t.b da`stanlari ken` oring`a iye bolg`an.
Ko`p a`sirler dawaminda qosiq aytiwdin` ma`deniyati, onin` rawajlaniw milliyligi boyinsha u`sh tu`rli da`sturde bolg`an. Qosiq aytiwdin` usili Binnigi-bul murinnan aytiw. Gulligi –tamaqti qirilditip ha`m dirildetip aytiw. Ishqami-qarinnan joqari qatay demdi ishke tartip, teren` dem alip aytiw. 12
Binnigi- usilina kelsek dawis tembri murinnan aytqanliqtan so`zleri aniq emes, so`zleri man`qalap aytqanday bolip esitiledi. Joqari registrde qosiqshi binnigi joli menen aytqanda dawistin` joqarisi jaqsi esitilse al, to`mengi sesti ortang`ig`a qarag`anda onsha jaqsi esitilmeydi ha`m shirayli shiqpaydi. Solay bolsa da binnigi dawisi menen aytqanda da tin`lawshilar jaqsi ko`redi. Ko`binese bunday Xorezm qosiqshilari Matyusuf Qaratov ha`m Madrahim Yakubov, Sheaziyler aytqan. Gulligi- usilinda tamaqqa salip qosiq aytiwda dawistin` tembri o`zgerip qurg`aq qishqirip jag`imsiz esitiledi. Dawisti gu`n`rentip lapizli etip aytiw ushin podnos bu`ben ta`relkeni awzina taqap tolqin ta`rizli ritm berip aytadi. Uliwma xaliq u`rdiske aylanip ketken aytiwdi tag`i bir tu`ri Ishkami qarinnan dem alip to`mennen joqari qaray diwisti shirayli etip shig`ariw. Bunday Manerada ashiq hawada da, jabiq saxnada so`zlerin aniq tu`sinikli etip tamashago`ylerge jetkizedi. Da`stu`rge aynalg`an qosiq aytiwdin` binnigi, gulligi, ishkami qusag`an tu`rleri bir-birinen pariqlanip, qosiqshinin` muzikaliq ma`deniyatinin` o`skenligin bildiredi. O`zbek muzika teatri. Jigirmalanshi jillardan baslap oqiwshi ha`m jumisshi jaslardan quralg`an muzika ha`weskerler do`gereginin` ja`ma`a`tleri payda bola baslaydi. Muzika do`geregin talantli muzikantlardan V.Leysek, A.Dorashev, A.Morozovlar basqarg`an. Usi do`gegekler qatarinda birinshi ma`rtebe hayal-qizlar internati mektebinen muzika teatr do`geregi du`zilgen. Bulardan tisqari su`wret saliw, kiyim tigiw ha`m xaliq teatri muzika do`geregine ataqli qosiqshi muzikant Shaumarov, Vaxobovlar qizlardi qosiq aytiwg`a, saz a`spablarda shertiwge u`yretedi. 1924-jili sazlar teatri do`gereginde san`atshi qizlar ansambli du`ziledi, onin` repertuarinda xaliq qosiqshilari, oyinshilar, laparshilar, ha`zil-ku`lkili so`zlerden quralg`an kupletli qosiqlar, oyin ha`m saxnaliq ko`rinisler ko`rsetilgen. Narimanov atindag`i texnikumnan 1927-1928-jillari G`Sinyaya bluzaG` degen oyinshilar ansambli du`ziledi, onin` basshisi baletmeyster A.Ardabus boladi. Ansambldin` dan`qi pu`tkil O`zbekstannin` qala ha`m rayonlarina jayila baslaydi. 20-lanshi jillarda respublikanin` Tashkent, Ferg`ana, Qoqand, Andijan, Samarqand, Buxara qalalarinda sazli teatr gruppalari payda bolip, onin` ku`shi menen U.Gadjibekovtin` G`Arshin mal alanG`, G`Leyli ha`m Ma`jnu`nG`, G`A`r ha`m XotinG` p`esalari qoyiladi. Sol jillarda muzikali drama G`XalimaG` syujeti o`zbek qizinin` awir qayg`isin, ata-anasi sawdager Artiqbay degen g`arrig`a beredi, su`ygen jigiti Nigmatqa qosila almay o`zin-o`zi o`ltirgeni tuwrali so`z etiledi. P`esada o`zbek milliy xaliq qosiqlari awizeki professional namalar jan`lap esitiledi. Bundag`i bas rol`di atqarg`an Doriya Xanum atqarg`an bolsa, keyin ala Salamat Najimitdinova, Nigmat rolin Abror Hidoyatovlar oynag`an. Aradan bir qansha waqitlar o`tkennen keyin talantli o`zbek aktrisasi tursinay Saydazimova jag`imli dawisi arqali G`XalimaG`nin` ishki sezim du`n`yasin aship Bergen.
13
Tursinaydin` awir qayg`ili o`liminen keyin G`XalimaG` rolin taniqli O`zbekstan xaliq artistkasi Xalima Nasirova oynag`an. Onin` su`ykimli, jag`imli dawisin obrazdi su`wretlep berip sheber atqarg`anin ko`rgen tamashago`yler ju`da` unatqanliqtan ja`ne bir ko`rsek eken- dep tan` qaliwlar payda bolg`an. 1929-jili birinshi ret O`zbek ma`mleketlik muzikali teatr du`ziledi. Onin` akterlar toparinda talantli atqariwshilardan X.Raximova, R.Karimova, X.Nasirovalar xizmet ko`rsetip teatrdin` dan`qin xaliqqa jetkergen. 1930-jili teatrdin` do`retiwshilik ja`ma`a`ti Kari Yakubov basshilig`inda buring`i pu`tkil soyuzliq xaliqlarinin` olimpiadasina qatnasadi. Moskvada G`XalimaG` spektakli ha`m kontsert bag`darlamasin ko`rsetedi. Onda o`zbek ko`rkem-o`nerinin` wa`kilerinnen M.Kari Yakubov, X.Nasirova, Tamaraxanimlar joqari tabislarg`a erisedi. O`zbek opera teatri. Birinshi opera spektakli o`zbek muzika teatr saxnasinda qazaq turmisinan alip epikaliq syujetke tiykarlang`an G`Er Targ`inG` operasi boldi. Operanin` avtori qazaq kompozitori E.Brussilovskiy edi. Bul opera o`zbek muzika teatri do`retiwshilik ja`ma`a`tinin` en` da`slepki jillardag`i tabislardin` biri boldi. Operanin` o`zbek saxnasinda qoyiliwi tasttan bolg`an waqiya emes, sebebi sol da`wirdegi ko`rkem-o`ner qa`nigelerinin` oyina tuwri keliwi, qala berse operanin` ishindegi melodiya qazaq ha`m qalmaq xalqinin` milliy qulaqqa jag`imi koloritke bay
xaliq qosiqlarin ha`m muzikalarin kompozitor unamli
paydalang`anliqtan o`zbek tamashago`ylerine ju`da` tanis bolg`anliqtan qiziqsinip tin`lag`an. Operadag`i Targ`in obrazin Kari Yakubov, K.Zakirov jen`iltek minezdegi xan qizi Aqjunis obrazin X.Nasirova, N.Inagamova ha`m F.Baruxovalardin` sheberlik penen atqiriwlari operanin` dan`qin joqari da`rejege ko`terdi. Teatr 1938-jili Sankt-Peterburg qalasinda gastrolda bolg`anda G`Farhad ha`m ShiyrinG`, G`Gu`lsaraG`, G`Arshin mal alanG`, G`Er Targ`inG` operalarin xaliq jilli ju`z benen ku`rip aladi. A`sirese solistlerden X.Nasirova, N.Ahmedova, M. Kari-Yakubov, K.Zakirovlar kewildegidey atqarsada vokal texnikasi ha`m vokal ma`deniyati jeterli da`rejede emes ekenligi seziler edi. Oni qosiqshilardin` o`zi jaqsi tu`sindi. O`zlerinin` dawisin professional da`rejege ko`teriw, o`zbek manerasin saqlap Evropa usilinda aytiwg`a ha`reketlendi. Teatr ja`ma`a`tinin` keleshekte o`zbek milliy opera pastanovkasin qoyiwg`a A`zerbayjan ha`m qazaq ko`rkem-o`neri, muzikali dramalari tiykarg`i stimul boldi. Birinshi o`zbek operasi G`BwranG` 1916-jildag`i Tu`rkstandag`i tariyxiy waqiya temasinda jazilg`an kompozitorlari M.Ashrafiy ha`m S.Vasilen`ko, pastanovka rejesseri E. Yungval`d- Xil`kevich, xudojnik Gvozdikov ha`m M.Musaev 1939-jili birinshi ma`rtebe saxnag`a qoyiladi. Xaliq ko`terilisinin` basshisi Buran partiyasin (obrazin) K.Zakirov, Narigu`l obrazin X.Nasirova, Burannin` hayali Zebiniso obrazin F.Baruxovalar sheber atqarg`an. Birinshi o`zbek milliy operasinin` saxnada qoyiliwina baylanisli G`O`zbek ma`mleketlik miynette qizil bayraq ordenli opera ha`m balet teatriG` dep atalg`an.
14
Respublikanin` muzika turmisinda iri waqiyalardin` biri kompozitorlar R.Gliyer ha`m T.Sadikovlar do`retken. G`Leyli ha`m Ma`jnu`nG` operasi boldi. Son`in ala du`n`ya ju`zi klassiklerinin` operalari ha`m baleti izli-izinen qoyila basladi. Vokal biliminin` rawajlaniwi. (1918-1945). Miynetkesh xaliqtin` ma`deniyatin uliwma bilim da`rejesin joqari ko`teriw na`zerde tutilip Likbez mektepler ha`m basqa da oqiw orinlari qatarinda Tashkentte 1918-jili Tu`rkstan xaliq universiteti ashiladi. Sonin` qatarinda Tu`rkstan xaliq
konservatoriyasi ashiladi. Konservatoriyanin` da`srepki baslawshilari V.Karelin (direktor), E.Cherniyavskiy, V.Sakovich, V.Kox, N.Miranov, keyin ala G.Arskiy, V.uspenskiylardin` ja`rdemi menen fortipiano, skripka, violonchel`, qosiq fisgormoniya, duxovoy, xaliq saz a`spabalari jeke qosiq atqariw
klassi A.Volkov, V.Karelin, A.Voyn,
D.Korsevin, M.Korvin- Kasakovskaya h.t.b islegen. Tashkent,Tu`rkstan xaliq konservatoriyasinin` ashiliwi muzika turmisinin` orayi boldi, qosiq mug`allimlerin tayarlaytug`in kurs, rus ha`m batis Evropa kompozitorlarinin` xor ha`m qosiq shig`armalarinin` maydanshalarda kontsertler beriwi menen birge Dorgomijeskiydin` G`Rusal`kaG`, Chaykovskiydin` G`Evgeniy OneginG` operalarin konservatoriyada qoyadi. Aradan alti jil o`tiwi menen keleshekte professional muzika oqiw ornin payda etiw joqari mamanliqtag`i muzika qa`nigelerin tayarlaw dolzarb ma`sele boladi. Usilarg`a baylanisli muzika texnikumi, muzika bilim jurtlari ashila baslaydi. 1934-jili Tashkentte joqari muzika mektebi ashiladi. Vokal bilimin jetildiriw maqsetinde M.Kari-Yakubovg`a tapsirma berip Moskva konservatoriyasinan o`zbek opera sturiyasi ashiladi. Onda X.Nasirova, K. Zakirov, M. Davidov, N. Xashimov, N. Xashimova, S. Samandarov. 1936-jili joqari muzika mektebi bazasinda Tashkent ma`mleketlik konservatoriya ashiladi.
Muzika ko`rkem o`nerinin` o`zine ta`n teren` o`zgesheeliklerinde xaliqtin` ruwhiy suliwlig`i ha`m do`retiwshilik quwati bayan etilgen. Xaliq uzaq jillar dawaminda a`jayip amalardi yadinda saqlap, atadan-balag`a miyras etip, bizin` da`wirimizge jetkerdi. Orta Aziya xaliqlari arasinda o`zbek, ta`jik,tu`rkmen, qazaq, qirg`iz tu`rkiy tilles bolip ma`deniyati uliwma bir bag`darda rawajlang`anlig`i tariyxiy dereklerden ayqin ko`rinedi. Etnografiyaliq izertlewlerge qarag`anda bizin` eramizdin` I-a`sirine ta`n bolg`an a`jayip tariyxiy eskertkishlerden arxeologiyaliq ashiliwlardan tabilg`an Arfa shertip turg`an qizdin` tasqa oyilg`an su`wreti, u`y a`spabi tag`i da jivopislik eliklew bulardin` barlig`i tariyxiy dereklerden bolip tabiladi. Shig`is xalqinin` izertlewshisi N.Likoshinanin` bergen mag`liwmatina qarag`anda G`1902-jili qiz uzatiw paytinda hayal-qizlardin` saprino dawisi menen qosilip, baqirip xor bolip aytiliwlari, tu`nde qolina fonar alip arbanin` keyinine erip xor aytiwlari menen tan` qaldirdi G`,-deydi.
15
X-XVIII-a`sirlerde Orta Aziya xaliqlarinin` ma`deniyati tariyxinda bir qansha janlaniwlar payda bola basladi. Bul da`wirde Al` Farabiy, Abu Ali Ibn Sina, Al` Xorazmiy, Abdiraxman Jamiy siyaqli u`lken ilimpazlar muzikanin` teoriyasina baylanisli bir qansha miynetler do`retti. Olar dawistin` akustikaliq qa`siyetlerin arnawli tu`rde u`yrenip intervallardin` o`z ara baylanisin ha`m ritmlerdin` quramali sistemalarin qayta islep shig`adi. Muzikaliq teoriyag`a ilim sipatinda ko`z-qarasi basqa ilimler menen a`sirese matematika ha`m astronomiya menen tig`iz baylanista ekenligi olardin` muzikaliq teoriyaliq ma`seleler negizinen ken` orin iylegen traktatlarinin` mazmunin quraydi dep duris ko`rsetedi. O`zbek xalqinin` ma`deniyatinin` rawajlaniwinda janrliq o`zgeshelikler ha`r qiyli ja`ma`a`t bolip ba`ha`r bayraminda G`Tyul`pan LalaG`gu`l tuwrali, sonday- aq paxta terim, salma tazalaw miynet haqqinda qosiqlardi xor bolip, og`an oyinshilar qosilip 400-500 dey adamlar birigip chayxanada otirg`anlarda qosiqlar aytqan. Kelinshekti u`yge kirgizer waqtinda G`Yor-§rG` qosig`in iqlaslanip aytqan. Qosiq aytqanda oyinshilar da qosilip xor elementin payda etken. Orta Aziyanin` XIX-a`sirdin` 60-70-jillarinda Rossiyag`a qosiliw, rus ma`deniyatinin`, ta`siri arqasinda ha`weskerlerdin` muzika ja`ma`a`ti du`zildi. Sonin` ishinde G`LiraG` degen atama xor ja`miyeti du`ziledi. Bunin` sho`lkemlestiriwshisi 1898- jili a`skeriy kapel`meytr V. Leyskon boladi. Bul ja`miyette kishi simfoniyaliq orkestr, qosiq ha`m pianistler qatnasadi. Og`an qatnasiwshilardin` sani 40-tan 60 qa shekem boladi. Onin` kontsert programmasinda Glinka, Dorgomijeskiy, Miterber, Verdidin` shig`armalari boladi. Ha`weserler xori Tu`rkistan u`lkesinin` ayrim qalalarinda, sonday-aq Marg`ilan, Andijan, Fergana qalalarinda 150 adam quraminda du`ziledi. 1894-jili Tashkentte oqiw orinlarinan 175-adamnan ibarat birlesken xor, onin` basshisi dirijer, V. Leysek al, 1904-jili 200 adam quraminda dirijer V. Sakovichtin` basshilig`inda du`ziledi. 1939-jili Moskvada awil-xojaliq ko`rgizbesinde o`zbek xaliq sazlar ansambli menen kolxoz xor kontsert beredi. Bul xorlardin` qatarinda 1934-jili ayriqsha ko`rsetken, ilimpazlar u`yi janinan sho`lkemlestirilgen xor bolip, onin` basshisi Moskva kontservatoriyasinin` pitkeriwshisi E. Zverova boldi. Balalar xa`weskerler xori keleshekte professional xordin` payda boliwinda u`lken roli oynadi. 1918-jili Tashkent balalar maydanshasinda xor zanyatiyasi bolip og`an aatqli muzikantlardan N. Mironov, A. Derfel`den, S. Kuzmenkolar basshiliq etti. Joqari mamanliqtag`i xor basshilarinan V. Sakovich ha`m S. Vasil`evlar ja`rdem beredi. 1919-jili birishi ma`rte mekteplerden 60 tan aslam o`zbek balalarinan xor ja`ma`a`tin du`zedi. Bunda u`sh sektsiya a`debiy so`z, xor ha`m oyin tu`rleri og`an jan-ta`ni menen isleytug`in intuziast balalar estetikaliq ta`rbiyashisi Ali Ardobus, I. Ibragimov. Olar 12 aslam usinday xor ja`ma`a`tlerin du`zedi. Xor atqariwshilig`inin` propagandalawda a`hmiyetli baslamalardin` biri 1918-jili Tu`rkistan xaliq kontservatoriyasinin` ashiliwi. Bunda xor ja`ma`a`ti boladi, bug`an V. Sakovich basshiliq etedi. Konservatoriya lektsiya, kontsert 16
uyimlastiradi. Konservatoriyanin` Tashkenttin` ayrim rayonlarinda filiallarinda xor sho`lkemlestiredi, bug`an S. Kuz`menko basshiliq etip kontsertler beredi. 1922-jili Tu`rkistan xaliq konservatoriya muzika texnikumina aylanadi. Son`in ala Hamza atindag`i muzika bilim jurtina o`tedi, demek bunday ayriqsha itibarg`a aliw keleshekte milliy muzika qa`niygelerin tayarlawg`a u`lken ta`sir jasaydi. Solay etip 1930-jillari maman professional muzika qa`niygelerin tayarlaw kerek boladi. Na`tiyjede 1936-jili Tashkent ma`mleketlik konservatoriya ashiladi. Tiykarinan alg`anda kompazitorlar, qosiqshilar, simfoniya orkestrinin` dirijerlarinin` payda boliwina Moskva, Leningrad konservatoriyasi janinda ashilg`an studiyalarda oqip kelgen kdarlar menen toliqtira basladi. 1936-jili O`zbekstanda ma`mleketlik filarmoniyasinan professional a- kapella xor ja`ma`a`ti du`zildi. Sol da`wirde M. Lepexin, M. Burxanovlar xormeystrlik waziypani atqarip, olar o`zbek xaliq qosiqlarin xor ushin N. Mironovlar menen birge qayta isledi. Bul xor 1937-jili birinshi ret Moskvada O`zbekstan ko`rkem-o`nerinin` dekadasina qatnasip, G`Farxad ha`m ShiyrinG`, G`Gu`lsaraG` muzikali dramasindag`i xorlardi atqarip
Moskvali tamashago`ylerdin` diqqatin o`zine awdardi. 1929-jili Sverdlov atinldag`i ma`mleketlik opera balet teatr degen ataqqa iye boldi, do`retiwshilik quram janlandiriw maqsetinde bas xormeytr lawazimina ta`jiriybeli qa`niyge muzikant, muzikanin` interpretari N. Priselkov shaqiriladi. Ol 20 jili dawaminda xorda professional da`rejege jetkeriw ushin muzikaliq jaqtan sawatli jas qosiqshi qa`niygeler menen toliqtira baslaydi. Joqari vokal texnikasina iye boliwi sebepli G`KarlonG`, G`Tsarskaya nevestaG`, G`MazepaG`, G`Knyaz Igor`G` operalarindag`i xorlardi tabisli atqariw uqibina iye boladi. 1936-jili teatrdin` qatnasiwinda Moskvada O`zbekstan ko`rkem-o`ner ha`m a`debiyatinin` dekadasina talantli qosiqshilardi tan`lap aliw ushin konkurs baslanadi. Og`an qa`niygeli xormeystr D. Shteynbergti jumisqa shaqiradi. Dekadada (1937-jili) muzikali dramalardan G`Farxad ha`m ShiyrinG` (V. Uspenskiy), G`Gu`lsaraG` (R. Glier), bundag`i xorlar eki ha`m u`sh dawisli xorlar atqariladi. 1939-jili Muqimiy atindag`i muzikali drama ha`m komediya teatrinan F. Fayzi ta`repinen xor ashiladi. Biraq xor unison boladi, sonin` ushin da onsha a`hmiyet berilmeydi.
Download 0.54 Mb. Do'stlaringiz bilan baham: |
ma'muriyatiga murojaat qiling