O‘zmu xabarlari Вестник нууз acta nuuz

Metodlar va oʻrganilganlik darajasi. Oʻzbekistonda 
mustakillikdan soʻng, koʻp tilni bilishga boʻlgan qiziqish 
ortgani va bu boradagi ishlar haqida ma’lumotlar berilgan 
ilmiy tadqiqotlar yaratildi[3]. Soha boʻyicha mutaxassislar 
tayyorlash va nomutaxassis oliy oʻquv yurtlarida chet tilini 
oʻrgatish alohida uslubda olib boriladi. Soʻnggi davrda chet 
mamlakatlar bilan ijtimoiy-iqtisodiy, siyosiy va madaniy 
sohalarda aloqalar kengaydi, ular uchun chet tilini mukammal 
biladigan mutaxassislarga katta ehtiyoj sezilmoqda. Ayni 
paytda, yoshlarda ham zamon talabiga mos ravishda chet tilini 
oʻrganishga boʻlgan qiziqish kun sayin ortib bormoqda. SHu 
sabab, ta’lim tizimidagi islohotlar qatorida, chet tili oʻqitishni 
ham qaytadan koʻrib chiqilib, Oʻzbekistonda xorijiy tillarni 
oʻqitish konsepsiyasida chet tillarini oʻqitishni tubdan 
yaxshilash, chet tilini uzluksiz oʻqitish uqtirildi. Bu borada 
amalga oshirilgan ishlar deyarli tadqiq etilmagan. 
Tarjima ishlari va uning turli jihatlariga mutlaqo 
yangicha yondashuv va qarashlar asosida ilmiy-tadqiqot 
ishlari olib borildi. Xususan, Q.Moʻminov, I.Gʻafurov, 
O.Moʻminov, R.Turgʻunov va Gʻ.Rahimovlar olib borgan 
tadqiqotlarda [4] tarjima, tarjimonlik va tarjimashunoslikning 
O‘ZBEKISTON MILLIY 
UNIVERSITETI
XABARLARI, 2023, [1/2/1]
ISSN 2181-7324 
 
TARIX 
https://science.nuu.uz/ 
Social sciences 

---

O‘zMU xabarlari Вестник НУУз ACTA NUUz
 
TARIX 
1/2/1 2023 
- 28 -
nozik jihatlari ochib berilgan. Xorijiy tillarni oʻqitishda texnik 
vositalardan foydalanish borasida ham bir guruh olimlar 
tadqiqot olib bordilar. J.Doʻstov, I.Panferova kabi olimlar chet 
tilini oʻqitishda oʻqitish vositalari va dasturli ta’lim 
materiallari qoʻllashni, shuningdek, darslikni oʻquvchilarga 
ingliz tilini oʻrgatish va oʻqitish vositasi deb belgilashni 
ma’qullaydilar. F.Abdulazizovaning xorijiy tillar qiyosiy 
grammatikasiga doir qoʻllanma va maqolalari chop etilgan. 
Xorijiy tillar oʻqitilishi, malakali kadrlarga boʻlgan ehtiyojni 
ta’minlashni 
takomillashtirish, 
xalqaro 
aloqalarning 
zamonaviy transformatsiyasi, tarjima nazariyasi va amaliyotini 
oʻrgatishda zamonaviy ilgʻor pedagogik va axborot-
kommunikatsion texnologiyalardan foydalanish kabi masalalar 
tarixiy nuqtai nazardan toʻliq oʻrganilmagan. Bu holat 
Oʻzbekistonda xorijiy tillar oʻqitilishi va uning rivojlanishi 
tarixini yaxlit holda tadqiq etish zarurligini koʻrsatmoqda.