O‘zmu xabarlari Вестник нууз acta nuuz

Kalit soʻzlar: Xorijiy til, tarjima, ingliz, nemis, fransuz, ta’lim tizimi, oʻqituvchi, yoshlar, CEFR, yevropa, AQSH, davlat ta’lim 
standarti. 
Kirish. 
Bugungi 
tobora 
yangilanayotgan 
Oʻzbekistonda globallashuv jarayonining asosiy omillaridan 
biri turli millat va elatlarning bir-biri bilan bevosita muloqot 
qila olishi hisoblanadi, shu bois, chet tillarni jiddiy, intensiv, 
samarali oʻrganish muhim ahamiyat kasb etadi. Ayniqsa, 
bugungi malakali kadrlarning kamida bitta chet tilini bilishi 
zamon talabi boʻlibgina qolmasdan, balki dunyo sahnasida 
sodir boʻlayotgan voqea-hodisalar, yangilik va innovatsion 
gʻoyalardan xabardor boʻlish taraqqiyot tendentsiyalarini 
anglab yetishga, zamon bilan hamqadam yurishga sharoit va 
imkoniyatlarni yaratadi. Bundan tashqari, Oʻzbekistonga 
tashrif buyurayotgan xorijiy investorlar, mehmonlar bilan 
tarjimonsiz, toʻgʻridan-toʻgʻri muzokaralar olib borish oʻzaro 
muloqotda muhim ahamiyat kasb etadi, mamlakat imidjini 
yanada koʻtaradi. Ayni ana shu masalaning dolzarbligi, 
soʻnggi yillarda Oʻzbekistonda tobora faollashayotgan va 
intensivlashayotgan 
xalqaro 
aloqalar, 
uchrashuvlar, 
konferensiya va seminarlardagi bahs-munozaralar chogʻida 
yaqqol koʻzga tashlanmoqda. Xorijiy tillarni, zamonaviy ilm-
fanni puxta egallagan raqobatdosh kadrlarni tayyorlash, 
ta’lim-tarbiya ishlarini tubdan oʻzgartirish, xalqaro tajribalar 
asosida ta’lim sifatini yangilash masalasi davlat siyosati 
darajasiga 
koʻtarildi. 
Xususan, 
2017-2021-yillarda 
Oʻzbekistonni rivojlantirishning beshta ustuvor yoʻnalishi 
boʻyicha Harakatlar strategiyasida “ta’lim sifatini tubdan 
oshirish, chet tillar, informatika... kabi boshqa muhim va talab 
yuqori boʻlgan fanlarni chuqurlashtirilgan tarzda oʻrganish” ga 
[1] alohida ahamiyat qaratilgan. SHu bois, Oʻzbekistonda chet 
tillarni 
oʻqitishni 
takomillashtirishga 
bagʻishlangan 
videoselektorda ta’kidlaganidek, xorijiy tillarni oʻqitish 
tizimida tub oʻzgarishlar qilish va erishilgan natijalarni tahlil 
etgan holda, “chet tillarini oʻqitish boʻyicha joylardagi haqiqiy 
ahvol qoniqarsiz ekan”ligi [2] muammolarini bartaraf etishga 
qaratilgan ilmiy-tadqiqotlar olib borish bugungi kundagi eng 
dolzarb boʻlib turgan masalalardandir.