Payvandlash transformatorlari

3. Payvandlash transformatorlarini tarmoqqa parallel ulash.
Katta payvandlash tokini hosil qilish zarur bo‘lsa, masalan, cho‘yanni qizdirib payvandlashda, elektrodlar bog‘lami bilan payvandlash va hokazo hollarda, shuningdek etarli quvvatga ega bo‘lgan transformator bo‘lmagan kezlarda parallel ulangan kichkina quvvatli transformatorlardan foydalanish mumkin.
Parallel ishlashga faqat bir turli transformatorlarni ulash mumkin. CHunki bunday hollarda parallel ishlashi uchun zarur asosiy shart, ya’ni salt yurish kuchlanishining teng bo‘lishi bajariladi. Bunga esa transformatsiyalash koeffitsientlari bir xil bo‘lgandagina erishish mumkin.
Transformatorlarini tarmoqqa parallel ulash sxemasi 4.6-rasmda ko‘rsatilgan. T transformatorlarning birlamchi chulg‘amlari ta’minlash tarmog‘ining bir xil fazalariga ulanishi shart. Ikkilamchi chulg‘amlar vaqtning har qaysi daqiqasida bir xil qutbda bo‘ladigan klemma a—a va b — b lar vositasida ulanadi. Klemmalarning bir jufti (b) biriktirgich-ajratgich Gr tutashtirilganidagina ulanadi. Biriktirgich-ajratgichga payvandlash, postidan tortilgan sim ulangan.

4.6- rasm. Payvandlash transformatorlarini parallel ulash:
A, V, S — o‘zgaruvchan tok tarmog‘ining fazalari, T₁, T₂ — payvandlash transformatorlari, Dr₁, Dr₂—drossellar, Gr — biriktirgich-ajratgich, I_H1, I_N2—har kaysi transformator uchun nominal toklar, I_NP parallel ulashda nominal tok. U_H — parallel ulashda nominal kuchlanish.
Biriktirgich-ajratgich Gr ajratilganida T₁ va T₂ transformatorlarning birlamchi chulg‘amlari tarmoqqa alohida-alohida ulanadi va ularning rejimi oldindan sozlab olinadi. Sungra, biriktirgich-ajratgich Gr ni tutashtirib transformatorlar parallel ishlashga ulanadi. Transformatorlar bitta korpusli qilib tayyorlangan bo‘lsa, klemmalar (a) uzaro bevosita ulanadi.
Tarmoqqa parallel ulaganda payvandlash zanjiridagi kuchlanish bitta payvandlash transformatorining ikkilamchi kuchlanishga, tok esa har qaysi transformatordan o‘tadigan toklar yig‘indisiga teng bo‘ladi.