Педагогик атамалар луғати

Академик лицей – муайян фанни чуқур ўргатишга йўналтирилган ўрта махсус таълим муассасаси.
Академия – 1) илм-фан ёки санъатни ривожлантириш учун тузилган олий илмий муассаса; 2) Баъзи бир олий ўқув юртларининг номи. Қишлоқ хўжалиги академияси. Ҳарбий медицина академияси.
Акмеалогия – инсонни ўз тараққиёти динамикасида, такомили ҳамда ҳаёт фаолиятининг турли босқичларида ўзидаги энг кучли қобилиятларини намоён қилишнинг комплекс масалаларини ўрганадиган фан тармоғи.
Акселерация – болалар ва ўсмирларда оғирлик ва тана ҳажмининг катталашуви, физиологик ўсишдаги жадаллашув, эрта жинсий балоғатга етишни ифодаловчи соматик ривожланиш.
Аксиология – қадриятлар тўғрисидаги фан.
Алгебра – математиканинг миқдорлар устида бажариладиган амалларининг умумий қонунлари ҳақидаги ўқув фани.
Алгоритм – кўрсатилган мақсадга эришиш ёки қўйилган топшириқ(масала)ни ечишга қаратилган вазифа(амал)лар кетма-кетлигини бажариш борасида ижрочига тушунарли ва аниқ кўрсатмалар бериш.
Алгоритмик характердаги даража – назарий билим, амалий кўникма ва малакалар мазмунини татбиқ қила олиш маҳорати, бир хил типдаги масалаларни ёзиш, еча олиш ҳамда эслаб қолиш фаолиятини амалга ошириш кўникмасини ифодалавчи даражалар.
Алифбо – эск. айн. алифбе.
Алифбе – бошланғич синф дарслиги. Биринчи синф ўқувчилари учун алифбе.
Алифбе дарслиги – 1- синф ўқувчиларига савод ўргатишга мўлжалланган ўқув китоби.
Аллома – фаннинг бир ёки бир неча соҳасини мукаммал эгаллаган, илмли, эрудицияли шахс.
Алмаий номидаги намуна иш мактаби – Тошкент шаҳрининг Бешёғоч даҳасидаги собиқ рус-тузем мактаби биносида маҳаллий аҳоли болалари учун 1918 йилда очилган мактаб. Мактабда ўқувчиларга меҳнат ва политехника таълимидан бошланғич тушунчалар сингдирилган.
Алогизм - (а - инкор қўшимчаси, logos – идрок) - илмий билишда мантиқий фикрлашнинг ролини инкор этадиган оқим.
Алфавит – тил, муайян ёзувнинг маълум тартибда жойлашган ҳарфлари мажмуи. Ўзбек алфавити. Алфавит тартиби. Алфавит кўрсаткичи