Pedagogik diagnostika

Diagnostikada so`rov metodlari. Pedagogik diagnostikada turli og`zaki so`rov metodlari mavjuddir. Nostandart intervyu ko`proq birinchi sinov qadamini eslatadi. Bunda muammoni aniqlash, axborot to`rlash rejasining asosiy holatlarini yana bir bor tekshirib ko`rish va tadqiqot ob’ektini aniqlash zarur. Intervyu o`tkaziladigan mavzu tanlangach, uni olib boruvchi faqat oraliq savollar yordamida mavzuni kerakli yo`nalishga buradi. Javob beruvchi o`zining qarashlarini o`ziga qulay shaklda bayon qilish uchun keng imkoniyatga ega bo`ladi. Bu erkin shakl intervyu oluvchiga katta talab yuklaydi.
Standart intervyuda intervyu oluvchi beriladigan savolarning tuzilishi va ketma–ketligini o`rnatuvchi maxsus ishlangan sxema asosida ish olib boradi. sxemada savollarga tushuntirishlar, so`rov kechadigan holatlar ham ko`rsatilgan bo`ladi. Masalan, «O`quvchilarga jinsiy tarbiya berishda oilaning hamkorligi» mavzusidagi so`rovnomaning sxemasi quyidagicha bo`lishi mumkin:


Holat: uyda oilaning boshqa a’zolari yo`q vaqtida bolaning onasi bilan o`tkazilgan intervyu.

Savollar

Javoblar

Maktab bilan oila hamkorligida bolalarning jinsiy tarbiyasini amalga oshirish to`g`risidagi marifiy dasturlar to`g`risida eshitgan bo`lsangiz kerak. 1.Sizning farzandingiz bu to`g`risidagi ma’lumotni uyda olganmi ? Agar «ha» bo`lsa, 2–savolga javob berish lozim. Agar «yo`q» bo`lsa, 1–savolga javob kutish kerak. 2.Farzandingiz bu ma’lumotni kimdan qabul qilgan? 3.Farzandingizni jinsiy tarbiyalashda oila–a’zolarida yakdillik bormi? 4.Bola tug`ilishi to`g`risidagi axborot hayvonlar yoki insonlar tug`ilishi jarayoni misolida tushuntirilganmi? 5.Agar misollar hayvonot olamidan keltirilgan bo`lsa, unda qaysi hayvon misol qilib keltirilgan?

Ha Yo`q Otasidan, onasidan Oilaning boshqa a’zolaridan Savol javobsiz qoldi. Yakdillik bor. Yakdillik yo`q, chunki. Boshqa javoblar Hayvonlar olamidan Insonlar hayotidan Savol javobsiz qoldi

Intervyu mobaynida tarbiyachi suhbatning samimiy kechishini ta’minlashi lozim. Savollar o`ta nazokatli, murakkab bo`lmagan, insonlarning nafsoniyatiga tegmaydigan qilib tuzilishi shart. His–hayajonni o`yg`otuvchi shaklda beriladigan savollardan iloji boricha voz kechish lozim. Savol–javob jarayoni savol beruvchi va intervyuchi orasida bir–biriga ishonch tariqasida o`tkazilsa, savollarga olingan javoblar shunchalik to`liq va samimiy bo`lishi ta’minlanadi. Savollar javob beruvchida qiziqish uyg`ota olishi kerak. Intervyu oluvchi iloji boricha neytral pozitsiyada bo`lishi shart, chunki uning vazifasi pedagogika, psixologiya yoki axloq normalari nuqtayi–nazaridan ma’lumot berishdan emas, balki ko`proq axborot olishdan iborat. Javob beruvchilar past yoki o`rta ma’lumotga ega kishilar bo`lishidan qat’i nazar, intervyuchi savollarni oqilona, savodli, nazokatli qilib tayyorlashi kerakki, bu tinglovchida ishonch tug`dirishga asos bo`ladi. Kamtarona va nazokatli tuzilgan savollardan samimiy javobni kutish mumkin, aksincha, demagoglarcha, safsatabozlikdan tashkil topgan savollardan quruq va hissiz javoblar olinadi. Ayrim hollarda tarbiyalash jarayoni haqida ota–onalar ko`p gapirib yuborishlari mumkin, bu intervyuchidan sabr–toqatlilikni talab qiladi. U savollarni iloji boricha mohirona berib, ancha cho`zilib ketgan javobni qisqartirishi va tadqiqot uchun zarur bo`lgan axborotni eshitishi mumkin.

Pedagogik tashxisning eksperimental metodlari: tabiiy va modellashtiruvchi. Shakllantiruvchi metodlarning diagnostik imkoniyatlari.

МАВЗУ ЮЗАСИДАН SAVOLLAR VA ТOPSHIRIQLAR