Pedagogik diagnostika

МАВЗУ BO`YICHA SAVOL VA TOPSHIRIQLAR:
1. Kichik maktab yoshidagi o`quvchilar bilan korreksiyalash ishlarini olib boradigan oқituvchi bolalarda qanday hislatlarni shakllantirishga e’tiborini qaratishi kerak? Buning uchun qanday metodlardan foydalanish maqsadga muvofiq?
2. O`smir o`quvchilar orasida munosabatlarni barqarorlashtiruvchi faoliyat qanday nomlanadi?
3. O`smirlik va o`spirinlik yoshida psixologik jihatdan eng muhim hislat nima? U qanday ko`rinishlarda o`z ifodasini topadi?
4. Ushbu jumlani o`qing. Qaysi yoshdagi o`quvchilar to`g`risida fikr bildirilayotganligini aniqlang.
«O`quvchilar o`z idroklarining sofligi, o`tkirligi bilan boshqa yosh davridagi insonlardan farqlanadilar, tartibli, maqsadga muvofiq tahlil qilish faoliyati zaifligi uchun ta’limiy-tarbiyaviy jarayonda ko`pincha xatolarga yo`l qo`yadilar.
Bu yoshdagi o`quvchilarning muhim xususiyatlaridan biri ulardagi o`qituvchi Shaxsiga ishonch hissi va yuksak ehtiromdir. O`qituvchining gapi ular uchun qonun sifatida qabul qilinadi Ular o`qituvchi siymosida o`zining ezgu niyati, orzu-istagi, ajoyib his-tuyg`ularini ro`yobga chiqaruvchi mo`’tabar Shaxsni ko`radi. . .» .
5. Mazkur matnni o`qing va tahlil qiling. Kichik maktab yoshidagi o`қuvchilar bilan o`tkaziladigan korreksiyalash jarayonini qiyoslang.
«Korreksiyalash jarayonida o`smirlarga o`z Shaxsiy hayotiga maqsadli yondaShuv hissini o`yg`otish, ularga reja va amal birligida harakat qilishni o`rgatish muhim pedagogik muammo, bunda o`smirlarda:
-madaniy, siyosiy, dunyoviy va diniy bilimlarni egallshga bo`lgan talablarini Shakllantirish;
-o`quvchilarning malakalarini oshirish, ularni tobora boyitish, estetik tushunchalarini takomillashtirish;
-har bir o`smir yigit-qizning ijodiy imkoniyatlarini aniqlab, ularni rivojlantirish o`ta zarurdir».
6. Quyidagi tahlilga asoslanib, o`zingiz tanlagan yoshdagi o`kuvchilar orasida muayyan sifatlarni aniqlash uchun anketa so`rovnomasini o`tkazing. O`tkazilgan so`rovnomaga asoslanib, xulosa yozing.
«…O`quv muassasalarida o`qituvchilar, ota-onalar va o`kuvchi-talabalar bilan o`tkazilgan anketa-so`rovnomalari tahlilidan quyidagilar ma’lum bo`ldi:

• 
  birinchidan, kattalar: o`qituvchilar, tarbiyachilar, ota-onalarning asosiy qismi yoshlarda umumiy madaniyat va tarbiyalanganlik darajasini diagnostika qilishga qiynaladilar. Bu esa pedagogik korreksion tizimli metodikaning yaratilishini yana bir bor isbotlaydi.
  
• 
  ikkinchidan, pedagogik diagnostika va korreksiyaga oid maxsus adabiyotlarning kamligi yoki mavjud emasligini qayd etishganlar, shu sababli, guruh rahbarlaridan: maktablardagi o`qituvchilarning 286 tasi; o`rta maxsus ta’lim muassasalarida 354 kishi va oliy ta’lim tizimida faoliyat ko`rsatayotgan professor-o`qituvchilarning 189 kishi yoshlarning umumiy madaniyat darajasini diagnostika qilishda qiynalishlarini ta’kidlashgan;
  
• 
  uchinchidan, dasturlarda tadqiq qilinayotgan mavzu doirasida hal etilishi lozim bo`lgan maxsus tavsiyalar berilmaganligi, o`qituvchining o`ziga xos har doim ham zaruriy ko`rsatmalarni tanlsh murakkab ekanligi aniqlandi.
  

Ko`rinib turibdiki, yoshlarda tarbiyalanganlik darajasini o`stirish uchun yaxlit umumiy madaniyatni Shakllantiruvchi metodika tarkib topmaguncha bu masala o`z yechimini topa olmaydi.
Ayrim hollarda ta’lim berishda asosiy urg`u bilim berishga qaratilishi va ayrim tarbiyaviy masalalar inobatga olinmayotganligining guvohi bo`ldik. Shu sababli bugungi kunda jamiyatimizning ma’naviy-ma’rifiy negizini takomillashtirish maqsadida taqdim qilinayotgan o`quv materiallarining g`oyaviy jihatdan yetuk bo`lishiga erishish zarur. Bunda yoshlarga tarbiyalanganlik darajasini diagnostika qilish orqali umumiy madaniyat saviyasini o`stiradigan, zarur bo`lsa, xulqidagi nuqsonlarni bartaraf etuvchi tizim orqali ta’sir etish zarur…»