Pedagogik mahorat” fanining” fanidan o`quv-uslubiy majmua bilim sohasi

Tayanch tushunchalar:
Tarbiyaviy texnologiya; komil inson tarbiyasi; barkamol avlod tarbiyasi; tarbiyaning yaxlitligi; tarbiyaning davriyligi; didaktika; umum­in­soniylik me’yorlari; tarbiyaning texnologiyaviyligi; dolzarb rivoj­lanish hududi; modellashtirish; tarbiyaviy reja; biologik omillar; norasmiy etakchi; tarbiyaviy jarayonni modellashtirish; tarbiya maz­muni; g‘oyaviy – siyosiy tarbiya; tarbiya qonuniyatlari; tarbiyaning uzluksizligi; tarbiyada to‘g‘ri va teskari aloqa; o‘z-o‘zini anglash; iroda erkinligi; pedagogik talab; o‘rgatish; tarbiyalanadigan holatlar.
Barkamol avlod tarbiyasi mamlakatimizda awalo o’qituvchilar zimmasiga
yuklatilgan eng olijanob vazifa ekanligi. SHarq allomalari ilmiy meroslarida ham
komil inson tarbiyasi. O’qituvchi bilishi lozim bo’lgan tarbiyaviy jarayonning asosiy xususiyatlari. Tarbiyaning texnologiyaviyligi ta’lim muassasalarida tarbiyaviy maqsadlarni amalga oshirish va unga erishishga sharoit yaratishi, nazariy asoslangan uzluksiz davom etadigan tarbiyalash jarayonining shakllari, metodlari, usullari va vositalarini o’qituvchi to’g’ri tanlab natijalarga erishishini ta’minlashi.

Barkamol avlod tarbiyasi mamlakatimizda avvalo o‘qituvchilar zim­masiga yuklatilgan eng olijanob vazifadir. I.A.Karimov Oliy majlisning IX sessiyasida so‘zlagan nutqida shunday deydi: “Biz komil inson tarbiyasini davlat siyosatining ustuvor sohasi deb e’lon qilganmiz. Komil inson deganda biz, avvalo, ongi yuksak, mustaqil fikrlay oladigan, xulq-atvori bilan o‘zgalarga ibrat bo‘ladigan bilimli, ma’rifatli kishilarni tushunamiz”. Komil inson, o‘qituvchining mashaqqatli mehnati namu­nasidir. Sharq allomalari ilmiy meroslarida ham komil inson tarbiyasi doimo munozarali mavzu bo‘lib kelgan. Jumladan, mashhur alloma Aziziddin Nasafiy o‘zining “Komil inson” nomli kitobida shunday yoza­di: “Bilgilki, komil inson quyidagi to‘rt fazilatga mukammal shaklda ega bo‘lgan insondir. Ularning birinchisi yaxshi so‘z, ikkinchisi ezgu faoliyat, uchinchisi go‘zal axloq, to‘rtinchisi ilm”. Ushbu mukammal shakllarga ega bo‘lgan inson buyuk davlatimiz poydevorini, farovon hayot asoslarini qura oladi. Komil insonni tarbiyalash va voyaga etkazish jarayoni – pedagogik faoliyatning uzluksiz jarayoni bo‘lib, pedagogik texnolo­giyaning so‘nggi namunalari doirasida amalga oshiriladigan hamda tarbiyalanuvchilarning ijobiy fazilatlarini shakllantirish va rivoj­lan­tirish maqsadlariga qaratilgan tashkiliy faoliyatdan iborat. Bu faoli­yatda o‘qituvchi tarbiyaviy jarayonning quyidagi asosiy xususiyatlarini bilishi kerak:

• tarbiyaning yaxlitligi;

  
  

• tarbiyaning tizimliligi;

  
  

• tarbiyaning davriyligi;

  
  

• tarbiyaning texnologiyaviyligi.