Pedagogikaliq instituti


TEMA: Batis Evropada shirkew ha`m onin` sho`lkemleri


Download 0.86 Mb.
Pdf ko'rish
bet10/11
Sana19.02.2017
Hajmi0.86 Mb.
#750
1   2   3   4   5   6   7   8   9   10   11
TEMA: Batis Evropada shirkew ha`m onin` sho`lkemleri. 

JOBASI: 

1. Xristian dini ha`m shirkewlerdin` ja`miyette tutqan orni. 

2. Eretikaliq ha`reketler. 

3. Eretikaliq ha`reketler menen gu`res. Inkvizatsiya.  

   Papanin` orni. 

Tayanish tu`sinigi. 

Feodalliq ja`miyette  shirkewdin`  orni.  Shirkewdin`  ekonomikaliq  bazasi.  Shirkewdin`  du`zilisi.  Papa 

hu`kimetinin`  ku`sheyiwi.  Erte  Orta  a`sirde  papa  ha`m  feodalliq  ma`mleketler.  Papanin`  shig`isqa 

eksplattsiyasi.  IX-XI-a`sirlerde  Papa  hu`kimetinin`  ha`lsirewi.  Grigoriy  XII  nin`  siyasati  Papalardin` 

Germaniya  imperatorlari  menen  gu`resi.  Qilishlilar  ordeni.  Inkvizatsiya.  XV-a`sirde  sobor  ha`reketi.  Orta 

a`sirde Evropada katolik shirkewi ha`m papa. 

A`debiyatlar. 

Orta a`sirler tariyxi. T.1. M., 1991. 

Istoriya inkvizatsii. M. 1970. 

Agibalova E.V., Donskoy T.M. Istoriya srednix vekov. M., 1992. 

Lozinskiy S.G. Istoriya papstva. M. 1961. 

Petroyan B.Yu. Osmanskaya imperiya mogushestvo i gibel`, Istoricheskie ocherki. M., 1990. 

 

Xristian grek so`zi G`may jag`ilg`an adamG` degen ma`niste. Xristian din Evropa, Aziya, Avstraliya, 



Amerika,  Jaqin  Shig`is  ellerine  tarag`an.  Du`n`ya  ju`zinde  xristianlardin`  sani  950  millionnan  asip  ketedi. 

Xristianlardin`  tu`siniwinshe  Isus  Xristos  adamlardin`  gu`na`sin  pa`k  etiw  ushin,  aspannan  jerge  tu`sip, 



 

47 


 

adamnin` tu`rine kirip, azap-aqiret ko`rgen qudanin` balasi. Xristian dini eramizdin` I-a`sirinin` 2-yariminda 

Rim  imperiyasinin`  Shig`is  wa`layatlarinda  payda  boladi.  Qulshiliq  ja`miyetindegi,  siyasiy  jaqtan 

huqiqsizliq,  sotsialliq  ten`sizlik,  ekonomikaliq  jaqtan  jetispewshilik  xaliqlardin`  ko`terilisin  keltirip 

shig`aradi.  

Qul  iyeleri  xaliq  ko`terlisin  tez-tez  basip  turadi.  Adamlar  o`z  azatlig`in  ko`terlis  penen  erise  aliwina 

isenbey,  adamlarg`a  azatliq  alip  keletug`in  bir  ku`sh  bar  boliwi  kerek,  dep  oylap  baslaydi.  Usinday  azatliq 

a`keletug`in,  azaptan  qutqaratug`in  ka`ramatli  ku`shtin`  bari haqqinda  pikirler,  oylar,  boljawlar jaraladi.  Ol 

ku`sh aspannan keledi, azaptan qutqaradi, soni ku`tiw kerek degen pikirler aytiladi. 

Mine  usig`an  iseniwshiliklerdin`  ta`repdarlari  xristian  dinin  oylap  tabadi.  Xristian  dini  adamlardin` 

quday  aldinda  ten`ligin  ja`riyalaydi.  Xristian  dinine  iseniwshiler,  adam  o`lgennen  keyinde  adamdi  azaptan 

azat etedi dep isenedi.  

Xristianshiliq birden qa`liplespey, uzaq jillar dawaminda ko`p basqishlardin o`tedi.  

Usinday  xaliq  a`rmanlarinan  payda  bolg`an  xristianshiliq,  orta  a`sirlerde  feodal  ha`m  shirkew 

basshilarinin`  qolindag`i  ideologiyaliq  quralg`a  aylanadi.  Shirkew  basshilari  jerdegi  ha`r  qanday  bayliq, 

ha`kimlik quday ta`repinen berilgen, og`an bag`iniw kerek dep isendiredi. 



Xristian dini monarxiyaliq, episkopliq du`zimdi quwatlaydi. 

VI-XI-a`sirlerde  shirkew  basshilari  u`lken  jer  iyelerine  aylanadi.  Olardin`  jerine  erikli  diyxanlardi 

bekitip isleydi. Orta a`sirde shirkew anag`urlim siyasiy ku`shke aylanadi. 

325-jili  imperatordin`  quwatlawi  menen  shirkew  wa`killerinin`  birinshi  jer  ju`zlik  sobori  (nikey 

sobori)  shaqirilip,  onda  dinge  iseniw  nishan,  xristian  dininin`  tiykarg`i  ta`liymati  islep  shig`iladi.  Shirkew 

imperatordi o`zlerinin` birden basshisi, Xristostin` jerdegi wa`kili dep moyinlaydi. 

395-jili  Rim  imperiyasinin`  shig`is  ha`m  batis  bolip  ekige  bo`liniwi,  Xristian  shirkewlerinin`de 

jag`dayina  ta`sir  jasaydi.  Shig`istag`i  shirkewler  imperatorg`a  g`a`rezli  bolsa,  batistag`i  shirkewler  Rim 

episkoplarina  bag`inishli  boladi.  IX-a`sirde  Konstantinopol  patriarxlari  menen  Rim  episkoplari  arasindag`i 

uzaq  dawam  etken  tartis,  1054-jili  shirkewlerdin`  pravoslav  ha`m  Katolik  bolip  ekige  bo`liniwi  menen 

tamam boladi. Shirkewler bo`lingenge shekem de, bo`lingennen son`da, ha`r qaysisi o`z qag`iydalarin duris 

dep da`llileydi.  

1. Shig`istag`ilar o`zlerin haqiyqiy dinshil (ortodoksalliq) yamasa pravoslavliq shirkew dep esapladi. 

2. Batistag`ilar o`zlerin Katolik yamasa kafoliklik, yag`iniy uliwmaliq jer ju`zlik shirkew dep esapladi. 

Uliwma xristianshiliqqa ta`n, Quday birew, onin` u`shligin moyinlaw boladi. A`ke quday, bala quday 

ha`m  ka`ramatli  rux.  Pravoslaviya-Xristianliqtin`  shig`is  yamasa  Vizantiyaliq  shaqabi.  Pravoslavlar-

sharapatli  (ka`ramatli)  rux,  a`ke  qudaydan  shig`adi,  shirkew  basshilari  gu`na  islemeydi  dep  esaplaydi.  Al, 

Katolikler  sharapatli  rux,  A`ke  qudaydan  ha`m  bala  qudaydan  shig`adi.  Isus  Xristostin`  jerdegi  orinbasari 

papa boladi, dep papanin` abroyin joqari ko`teredi. 

Xristian  katoliklerinin`  xaliq  araliq  basqariw  orayi  Vatikan  boladi.  Katolik  shirkewinin`  basshisi 

o`mirinshe  saylanip  qoyilatug`in  Rim  papasi  boladi.  Ra`smiy  tu`rde  Vatikan-bul  Italiya  aymag`inda.  Rim 

qalasinin` qaq ortasinda 44ga jer maydang`a iye g`a`rezsiz ma`mleket.  

Orta  a`sirlerde  Rim  papasi  din  qag`iydasin  orinlamawshilarg`a  qarsi,  qatan`  gu`res  alip  baradi.  Orta 

a`sirlerde  Evropada  dinge  qarsi,  onin`  ta`liymatlarin  burmalawshiliq,  eretikaliq  toparlar  payda  boladi. 

Eretikaliq  adamlardin`  erkin  oylawshilig`in,  huqiq  ten`ligin  jaqlaydi.  Katolik  shirkew  basshilari,  papanin` 

ko`rsetiwi  menen  eretiklerge  qarsi  quwdalaw  (inkvizatsiya)  alip  baradi.  Na`tiyjede  ko`plegen  alimlar, 

jaziwshilar, shipakerler, adam huqiq ten`ligi ushin gu`resken gumanistler ayipsiz inkvizatsiya qurbani boladi. 

Orta  a`sirlerde  dinge  qarsi  bolg`ani  ushin,  tek  Evropada  10  mln.  adam  inkvizatsiyag`a  ushiraydi.  XI-XIII-

a`sirlerdegi dindi ayiplag`an, erkin oylawshilar Ioaxim Florskiy, Amor Benskiy, Petr Val`d, Petr Olivi, Yan 

Gust`  t.b.  boladi.  Bul  adamlardin`  miynetleri  otqa  jag`iladi.  IX-a`sirde  Evropada  eretikaliq  ha`rekettin` 

ku`sheyiwi menen papanin` abroyi tu`se baslaydi. Evropada payda bolg`an oraylasqan ma`mleketler, o`zlerin 

papadan  bo`lekley  baslaydi.  1378-jili  Papa  bas  orayi Avan`onnan  Rimge  a`keledi.  (1309-jildan 1378 jilg`a 

shekem  Frantsiyanin`  Vaan`on  qalasinda  edi).  1484-jili  Rim  papasi  o`z  abrayin  ko`teriw  ushin  Xristian 

ta`liymatlarina sa`ykes kelmeytug`in kitaplardi o`rtewdi talap etedi. Na`tiyjede XV-a`sirde inkvizatsiya ja`ne 

ku`sheyedi. XV-a`sir aqirinda 18 jil ishinde 9 min`nan artiq adam o`ltiriledi. Batis Evropada shirkewlerdin` 

bul  ha`reketine  qarsi  xaliq  narazilig`i  kelip  shig`adi.  Reformatorlar  shirkewlerdin`  islerin  qayta  qarap 

shig`iwda talap ete baslaydi. 

Tekseriw sorawlar. 

1. Dinnin` ja`miyette tutqan orni. 

2. Xristian shirkewleri, Rim papasinin` siyasati 

3. Evropada eretikaliq ha`reketler. 

4. Evropada inkvizatsiya. 

5. Reformatsiya ha`m shirkew. 

TEMA: Rossiyada feodalizimnin` qa`liplesiwi ha`m rawajlaniwi. 

JOBASI: 


1. IX-XII-a`sirlerde ertedegi feodalliq ma`mleketler. 

2. Rus aymag`inda feodalliq bo`lshekleniw. 

3. Ruslardin` tatar-mang`ollarg`a qarsi gu`resi. 

Tayanish tu`sinigi. 



 

48 


 

XII-XIII-a`sirdin` II-yariminda Rossiyanin` ja`miyetlik-ekonomikaliq jaqtan o`siwi. Jan`a oraylardin` 

payda  boliwi.  Kiev  Rusi.  O`nermentshilik.  Sawda  baylanislar.  Klassliq  gu`resler.  1113-jilda  Kievtegi 

ko`terilis.  V.Monomax  knyazligi  (1113-1125)  ha`m  onin`  siyasati.  Vladimir  Suzdal`  knyazligi  Yuriy 

Dolgorukiy  (1125-1157).  R.  Suzdal`  (1157-1174)  knyazligi  ha`m  ishki  siyasati.  Rossiyanin`  shig`is  ha`m 

Batis  elleri  menen  sawda  baylanisi.  Ulli  Novgorod  1136-jilg`i  ko`terilis.  Peche  jiynalisi.  Galich-Bolin` 

knyazligi.  Galich  knyazi  Yaroslav  Vladimirovich  (1158-1187)  Galich  knyazi  Roman  Mstislavich  (1199-

1205).  XII-XIII-a`sirlerde  rus  ma`mleketin  Chingizxannin`  basip  aliwi  ha`m  qarsi  rus  xalqinin`  gu`resi. 

1239-jili  Batiyxannin`  Rossiyag`a  ja`ne  atlanisi.  Kievtin`  aliniwi  (1240).  Altin  Orda.  Basqinshilarg`a  qarsi 

gu`resi. Neva janinda muz u`stinde sawash. Russtin` Moskva a`tirapinda birigiwi. Velikorus xalqinin` payda 

boliwi. Kulikovo sawashi. Rustag`i feodalliq urislar. Altin Ordanin` qulawi. XIII-XVI-a`sirde ma`deniyat. 

A`debiyatlar. 

Istoriya SSSR s drevneyshix vremen do kontsa XVIIIv. M, 1983g. 

Bortol`d V.V. Turkestan v epoxu mongol`skogo naiestvie sost. 1. M. 1963g. 

Tixvinskiy S.L. Vsemirnaya istoriya. M., 1988.  

 

V-a`sirdin`  aqirinda  Batis  Rim  imperiyasi-qulshiliq  ma`mleket  qulaydi.  Usidan  keyin  Orta  a`sir 



da`wiri  baslanadi.  V-a`sirdin`  aqiri  XI-a`sirge  shekem  ko`pshilik  Evropa  ellerinde,  Arqa  Afrika,  Aziyada 

feodalliq du`zim ornap, feodalliq ma`mleketler payda boladi.  

IX-a`sirde Shig`is Evropada Rus` dep atalg`an feodalliq ma`mleket qa`liplesedi. Onin` bas qalasi Kiev 

boladi. Bas qalasinin` ati menen Kiev rusi dep ataydi. IX-X-a`sirlerde Dnepr boylap jasag`an slavyanlar jerdi 

paznali gu`ndeler menen aydap, diyxanshiliq etedi. Jan`a jerlerdi o`zlestirip qazip, tog`aylardi o`rtep tazalap, 

diyxanshiliq penen shug`illanadi. Ruslarda usi da`wirde sawda ken` rawajlanip, o`zi-o`zin ta`miyinleytug`in 

tuyiq xojaliq payda boladi. Keyin ala o`nermentshiliktin` o`siwi menen sawda qatnasiqlari ku`sheyedi. Kiev, 

Novgorod, Chernigov, Smolensk qalalari o`nermentshilik sawda, ma`deniy orayg`a aylanadi.  

Russ  qalalarindag`i  sawdagerler  o`ndiriste  o`nim  islep  shig`armay,  alip  satiw  menen  shug`illanadi. 

Diyxan  ha`m  o`nermentshilik  xojalig`inin`  o`siwi  menen,  o`ndiris  o`nimlerin  islep  shig`ariw  ko`beyedi. 

o`nimnin`  ko`bisin  ruw-qa`wim  basshilari  o`zlerine  ala  baslaydi.  Na`tiyjede  a`sker  basshilari,  qa`wim 

ha`kimleri, diyxan ha`m o`nermentler esabinan bayiy baslaydi. 

Diyxanlar Kiev rusinda ma`mleketten ko`p g`a`rezli bolip qaladi. Knyazler qa`wim jerlerin basip alip, 

diyxanlardi  o`zlerine  islete  baslaydi.  Rossiyada  feodallardi  bayarlar  dep  ataydi.  Diyxanlar  bayarlardan 

qarizg`a  ssuda  alip,  oni  to`ley  almay,  g`a`rezli  bolip,  ekinshi  jaqtan  sha`rtnama  menen  isleytug`in 

diyxanlardin` sani ko`beyedi. Boyarlar jerinde urista qolg`a tu`sken qullardi Xolop dep ataydi. Xoloplar da 

feodal jerinde xizmet etken. Ertedegi Rus ma`mleketi Dnepr boyi slavyanlari arasinda payda bola baslaydi. 

IX-a`sir  aqirinda  Novogorod  knyazi  Oleg  Kievti  qaratadi.  Kiev  keyin  ala  ertedegi  Rustin`  u`lken  qalasina 

aylanadi. Ertedegi rus ma`mleketine polyan, saveryan, derevlyan t.b. slavyanlar kiredi. 

Ertedegi  Rus  ma`mleketi  (Kiev  rusi)  erte  feodalliq  ma`mleket  boladi.  Ma`mlekettin`  payda  boliwi 

menen Ruslarda feodalliq qatnasiqlarda tez o`se baslaydi. Knyazler o`z a`skeriy drujinalari menen basqalardi 

bag`indirip, adamlardan saliq jiynaydi. Knyazlar u`lken ma`selelerdi boyarlar ken`esinde sheshedi. Erte rus 

ma`mleketi  sirtqi  dushpanlari  bolg`an  varyaglar,  xazar  ha`m  pechenegler  menen  uris  alip  baradi. 

Skandinaviya  yarim  atawinda  jasag`an  normanlardi  russlar  voryaglar  dep  atag`an.  IX-a`sirde  voryaglar 

Evropadag`i Angliya, Frantsiya, Italiya ma`mleketlerine de topilis jasap turg`an. Voryaglar Fin qoltig`i arqali 

Neva  da`r`yasina  o`tip,  Ladoga  ko`line  kelip,  rus  jerlerine  basip  kiredi.  Jergilikli  xaliqlar  menen  urisip, 

ko`bisi qaza tabadi. 

Ruslar  Xazarlar  menende  uris  alip  baradi.  Xazarlar  Volga  menen  Don  da`r`ya  aralig`inda  jasag`an. 

Xazarlar  ruslarg`a  topilip  biyzar  qiladi.  Geyde  Ruslar  Xazarlarg`a  da`n  to`lep  turiwg`a  ma`jbu`r  boladi. 

Ruslardin` dushpani Aziyadan barg`an pechenegler bolg`an. Pecheneglar Kievqa shekem barip, biraq Kievti 

alalmaydi. Solay etip Kiev Rusi ko`plegen sirtqi dushpanlari menen uris alip baradi.  

Knyaz  Oleg  ha`m  Igor`  tusinda  russlar  Vizantiyag`a  topilis  jasaydi.  911-jili  Vizantiya  ha`m  Rus 

kelisim  du`zip,  Rus  sawdagerleri  Konstantinopol`da  bajisiz  sawda  isleytug`in  boladi.  Rus  sawdagerleri 

Konstantinopoldi Tsar`grad dep atag`an. 

X-a`sirde Igor ha`m Ol`galardin` balasi knyaz Svyatoslav tusinda rus jeri ken`eyedi. Svyatoslav ko`p 

urislar alip baradi. Ol vyatichlerdi ha`m bolgarlardi qaratadi ha`m xazarlardi basip aladi. Svyatoslavtan keyin 

Rus knyazi onin` uli Vladimir boladi. Vladimr tusinda Kiev Knyazlig`i ja`ne de ken`eyedi. 

Ruslarda  ko`p  qudag`a  siyiniwshiliq  ma`mlekettin`  oraylasiwina  ja`rdem  bermeydi.  Xristian  dini  bir 

ma`mlekettin` birligin maqtag`an Qudanin` bergeninen basqa hu`kimet joq dep tu`sindirdi xristianshiliqta. 

Orta A`sirde Vizantiyada ha`m Evropada Xristian dini taraydi. 988-jili Kiev knyazi Vladimir Xristian 

dinin qabil etip, oni erte rus ma`mleketlik din dep ataydi. Xristian dini da`stu`ri boyinsha shoqiniwdi suwda 

o`tkeredi. Sonliqtan knyazdin` pa`rmani boyinsha russlardi Dnepr dyar`yasinda shoqindiradi. 

Xristian  dinin  qabil  etken  son`  rus  ko`p  xristian  eller  menen  baylanis  jasaydi.  Rossiyada  monastrlar 

ashiladi. Monastrlar janinda kitaplar bolip, diniy adamlar sawatli boladi. 

XI-a`sirdin` I-yariminda ulli Kiev knyazi Vladimir Svyatoslavichtin` uli Yaroslav boladi. 1019-1054-

jillari knyaz bolip oni xaliq Yaroslav Mudrniy dep ataydi.  

Volga  boyinda  Yaroslav  degen  qala  payda  boladi.  Rus  jeri  ken`eyedi.  XI-a`sir  ortasina  kelip,  Rus 

aymag`i Fin qoltig`inan Ladocha ha`m Onega ko`linen, Qublada Qara ten`iz jag`alarina shekem ken`eyedi. 

Kiev rusina Volga ha`m Karpat jag`alari qarap, Evropada Kiev rusi en` u`lken ma`mleket boladi. Manastrlar 


 

49 


 

janinda  mektep  ashiladi.  Yaroslav  Kievte  Sofiya  soborin  saldiradi,  qala  da`rwazalari  qayta  tiklenedi. 

Yaroslav  tusinda  Rustin`  abroyi  o`sedi.  Evropa  elleri  Kiev  Rusi  menen  baylanista  boliwg`a  umtiladi. 

Yaroslav Shvetsiyadan qiz aladi, ol o`zinin` qizlarin Frantsiya, Venger, Norvegiya korollarina ha`m polyak 

knyazina  uzatadi.  Yaroslavtin`  uli  Vizantiya  imperatorinin`  qizina  u`ylenedi.  Sol  da`wirde  ma`mleketler 

usinday jol menen siyasiy baylanislar jasag`an. 

XI-a`sirde  Rus jerlerinde jasag`an  diyxanlar  ko`p  o`nim  o`ndirsede,  olardin` jemisin  boyarlar  ko`rdi. 

Rus  diyxanlari  barshina  obrok  saliqlarin  to`ledi.  Knyaz-boyarlarg`a  jerler-vatchina  dep  atadi.  Votchina 

na`sillikke qaldirilatug`in bolg`an.  

XI-a`sir  ortasinda  erte  Rusta  feodalliq  qatnasiqlar  toliq  iske  asadi.  Sonliqtan  ko`beyiwi  feodalliq 

eziwshilik xaliq narazilig`in keltirip shig`aradi. 1024-jili Suzdal` jerinde xaliq ko`terilisi bolip o`tedi. 1068-

jili xaliq ko`terilisi Kievte boladi. Biraq xaliq ko`terilisi knyaz a`skerleri ta`repinen bastiriladi.  

XI-a`sir ortasina kelip Kiev knyazi hu`kimeti pa`senley baslaydi. Sebebi boyarlar, mayda knyazler o`z 

iyeliklerinde  ko`p  o`nim  o`ndirip,  bo`lek,  g`a`rezsiz  jasamaqshi  boladi.  Yaroslav  Mudriy  balalari,  onnan 

keyin aqliqlari arasinda hu`kimet ushin talaslar, hu`kimetti siyasiy jaqtan ha`lsiretedi. 1113-jili Kievte xaliq 

ko`terilisi  boladi,  boyarlar  xaliqtan  qorqip,  Sofiya  soborina  jiynalip,  ko`terilisti  basiw  ushin,  pereyaslav 

knyazi  Vladimir  Monamaxti  shaqiradi.  Vladimir  Vizantiya  imperatori  Konstantin  Monomextin`  aqlig`i 

bolg`ani  ushin  oni  Monamex  dep  ataydi.  Na`tiyjede  Vladimir  ko`p  a`sker  menen  Kievke  kelip,  ko`terilisti 

basadi.  

Biraq  puxaralardin`  sotsial  da`rejesin  azda  bolsa,  jen`illetetug`in  pa`rman  shig`aradi.  Vladimir 

Monomex 1113-1125 jj Ulli Kiev Knyazi boladi. Ol basqarg`an da`wirde hu`kimet bir qansha bekkemlenedi. 

Monomex  polovetsler  soqqi  beredi.  Evropada  onin`  abroyi  o`sedi.  Monomex  Angliya  korolinin`  qizina 

o`tedi,  Vladimir  qarindasi  German  imperiyasina,  al  qizi  Venger  korollig`ina  turmisqa  shig`adi.  Solay  etip 

Vladimir Monomex Kiev Rusin bekkemlewge ha`reket etti.  

Kiev  Rusinin`  o`sken  da`wirinde  o`nermentler  temirshi,  gulalshi,  teri  iyelewshiler,  miynet  etedi.  XI-

a`sirde  Kiev  Rusinda  100  aslam  qalalar  boladi.  Temirshiler  ko`birek  qilish,  nayza,  sari  jay,  qalqan,  sawit 

isleydi. Rus qalalarinda zergershilik rawajlanadi.  

Orta  a`sirde  ko`plegen  arxitekturaliq  qurilis  salinadi.  Solardin`  ishinde  Sofiya  sobori  ayriqsha  orindi 

iyeleydi.  Rus  ma`deniyatinda  xaliq  awiz  eki  a`debiyati,  solardan  Il`ya  Muromets,  Dobrin  Nikitich  t.b. 

haqqinda do`retiledi. Olarda rus jerin dushpanlardan qorg`ag`an batirlig`i aytiladi.  

X-XI-a`sirlerde  Monastr  janinda  mektep  payda  boladi.  Yaroslav  Mudriydin`  aqliq  qizi  Evropada  I-

bolip  qizlar  ushin  Monsatr  janinda  mektep  ashadi.  Kievtegi  Sofiya  soborda  kitapxana  isleydi.  Rossiya 

ma`deniyati o`se baslaydi.  

XII-a`sirge kelip, Kiev knyazi mayda knyazlerge bo`linedi. Sebebi feodalliq tuyiq xojaliqlar o`zinshe 

jasap,  birikkisi  kelmeydi.  Vladimir  Novogorod,  Chernigov,  Ryazan  t.b.  knyazliklerinde  jerge  feodalliq 

menshik  bekkemlenedi.  Boyarlar  ko`p  jay  salip,  o`z  jerlerin  ken`eytedi.  Diyxanlardin`  feodallarg`a 

g`a`rezliligi ku`sheyedi.  

XI-XIII  a`sir  arasinda  Kiev  rusinda  qalalar  sani  300ge  jetedi.  Qalada  o`nermentshilik  o`sedi.  Usi 

da`wirde  ruslarda  o`nermenitshiliktin`  60  tu`ri  bolg`an.  Temirshiler  qural-jaraqtin`  150  den  aslam  tu`rin 

islegen.  

Kiev knyazinen en` bay Novogorod, Galich, Vladimir-Volinskiy, Polotsk, Suzdal`, Ryazan` knyazler 

bo`line baslaydi. Knyazler o`z a`skerlerin ko`beytip, o`z jerinin` ha`kimi boladi. Kiev knyazi ha`kimshiligi 

pa`seye baslaydi.  

O`z-ara knyaz arasinda toliq ekonomikaliq, siyasiy baylanisliq boliwi knyazlerdin` bo`lekleniwine alip 

keledi.  Erte  rusta  feodalliq  knyazler  arasinda  ayirmashiliq  boladi.  Kiev,  Vladimirde  ulli  knyazler  otirsa, 

basqa qalalarda kishi knyazler otirg`an. Kishi knyazler Ulli knyazge bag`iniwi kerek bolg`an. Ha`r bir knyaz 

o`z  a`skeriy  drujinasina  iye  bolg`an.  Ku`shli  boyarlardan  o`z  a`skeriy  drujinalarina  iye  bolg`an.  Knyazler 

arasinda urislar bolip turg`an, bul urista puxaralar ja`bir ko`rgen. X-XIII a`sirlerde u`lken ku`shli knyazlerge 

Vladimir, Galitsko-Volin, Novogorodlar bolg`an.  

Kiev  knyazinin`  to`menlewine  baylanisli  Vladimir  yamasa  Vladimir  Suzdal`  knyazi  ku`sheye 

baslaydi. Bul knyazliq Joqari Volga, Arqa Dvina jerlerin alip, tog`ayliq, o`nimli jerlerge iye bolg`an. Rostov 

ha`m  Suzdal`  degen  eki  qalasi  bolg`an.  Vladimir  Monomex  balasi  Yuriy  Dolshoruskiy  tusinda  Vladimir 

Suzdalg`a,  Kiev,  Novgorodti  qosip  almaqshi  bolg`an.  Vladimir  Suzdal`  knyazlig`i  aymag`inda  Moskva 

qalasi  payda  boladi.  Ha`ztrgi  Moskva  Kremel`  aymag`inda  adamlar  bunnan  min`  jil  burin  jasag`an.  Buni 

arxeologiyaliq tabilmalar da`lilleydi. Moskva haqqinda mag`liwmat 1147-jili tilge alindi. Yuriy Dolgorudkiy 

Moskvag`a o`z ta`reptari Chernigov knyazin shaqirip awqat beredi. Ol waqitta Moskva kishi qala bolg`an.  

Vladimir  knyazinin`  paytaxti  Klyaz`me  boyindag`i  Vladimir  qalasi  boldi.  Yuriy  Dolgorudkiydin` 

ornina bolg`an knyaz Andrey Bogolyubov degen qorg`an soqtiradi. Sonliqtan onin` ati Andrey Bogolyubov 

dep atalip ketedi. Andrey Bogolyubov o`zine Ulli Rus knyazi degen ataq aladi. 1169-jili Kievti aladi. Biraq 

Andrey boyarlar ta`repinen o`ltiriledi. Andrey Bogolyubov ornina Vladimir Suzdal` knyazi bolip Vsevolod 

bol`shoe  Gnezdo  saylanadi.  Ol  Andrey  siyasatin  dawam  etedi.  1221-jili  Oka  da`r`yanin`  Volgag`a  quyar 

jerine Nijniy Novgorod degen qala saldiradi. Volga boyindag`i Mori, Myurdvallardi ruslarg`a qaratadi.  

XIII-a`sir basinda Vladimir knyazi xojaliq, ma`deniy jaqtan bir qansha ko`teriledi. Ruslardin`, u`lken 

knyazlerdin`  biri  Novogorod  boldi.  Novogorod  rus  jerlerin  Baltik,  Batis  Evropa  elleri  menen 

baylanistiratug`in  sawda  jolda  jaylasqan.  Novogorodta  sawda  jaqsi  rawajlang`an.  Bul  qalag`a  Persiya, 

Hindistan, Afgan, nemets sawdagerleri kelip sawda islegen. Novgorodta suxno, vina, pal, miywe a`kelgen. 



 

50 


 

Novgorodtan  bahali  teri,  gu`mis,  mis,  may  satip  alg`an.  Novgorod  qalada,  qala  vechesi  basqarg`an.  Og`an 

qaladag`i  xojaliq  wa`killeri  qatnasqan.  Veche  urisi,  kelisim  ma`seleleri  sheshilgen.  Veche  qala  basshisin,-

posadnikin saylap qoyg`an. Bul sudti saylag`an. Arxiepiskop sirtqi baylanislardi alip barg`an.  

X-a`sirde  Rus  ma`mleketi  aymag`inda  Galitssk,  orayi  ha`m  Galich  ha`m  Voln  orayi  Vladimir  Voln 

knyazleri bolg`an.  

XII-a`sir  aqirinda  Voln  knyazi  Roman  Mstislavich  Galichti  o`zine  qosip  aladi  ha`m  Galitssk-Voln 

knyazlig`in  du`zedi.  Bul  knyazlik  Qara  ten`iz  jag`alarinan  Dunayg`a  shekemgi  araliqti  iyelegen.  Galitssk-

Voln knyazi de basqa knyazler menen urisip, to`menlep ketedi.  

Solay  etip,  XIII-a`sirdin`  basina  kelip  Rus  mayda  knyazliklerge  bo`linip  ketedi.  XIII-a`sir  basinda 

Tatar-mong`ollar  Aziyanin`  ko`pshilik  jerin  ha`m  Kavkaz  ellerin  basip  alip  Rus  jerlerine  bag`it  aladi. 

Mang`ollar  Azov  boylarina  kelip  polovetsler  menen  ushirasip  qaladi.  Polovets  xani  ruslardan  ja`rdem 

soraydi. G`Bu`gin bizlerdi alsa, erten` sizlerdi aladiG` dep elshi jiberedi. Rus knyazleri awiz biriktirip ba`ri 

ja`rdemge kelmeydi, o`z-ara baylanis bir jerden basqariw bolmaydi.  

1223-jili Azov ten`izi boyinda Kalki da`r`ya jag`asinda sawashta Rus a`sker bo`limleri jen`ilip qaladi. 

Chingisxan o`lgennen son`, Mang`ollar Chingizxan aqlig`i Batiyxandi Rus jerlerin, Evropani jawlap aliwg`a 

jiberedi.  1236-jili  Batiy  Volga  boyindag`i  bolgarlardi  jen`edi.  Qis  ayinda  Batiy  ko`p  sanli  a`sker  menen 

Volgadan  o`tip  Ryazan`  knyazlig`ina  atlanadi.  Ryazan`  knyazi  ulli  Vladimir  knyazi  Yuriyden  ja`rdem 

soraydi.  Basqa  knyazler  Razyang`a  ja`rdem  bermeydi.  Mang`ollar  6  ku`n  qalani  qamap  aladi.  Razyannan 

keyin Vladimirdi basip aladi, Moskvani o`rteydi.  

1240-jili  Batiy  Kievti  qamaydi.  Na`tiyjede  Kiev  qalasi  alip  talanadi.  Bunnan  keyin  tatar-mang`ollar 

Galitssk-Valnskiy  knyazine  topiladi.  Mang`ollar  Pol`sha,  Chexiya, Vengriyag`a  aralasadi.  Solay  etip, XIII-

a`sirdin`  50-jillardin`  aqirinda  rus  jerinde  tatar-mang`ollar  jen`iske  erisedi.  Batiy  du`zgen  ma`mleket  Altin 

Orda  dep  ataladi.  Altin  Ordanin`  bas  qalasi  Astraxang`a  jaqin,  Volga  boyindag`i  Saray  boldi.  Keyin  Altin 

Orda bas qalasi ha`zirgi Volgogrodg`a jaqin jerdegi Sarayg`a ko`shiriledi. Altin Orda Orta Aziya, Kazaxstan, 

Volga boylari, Qirim, Dnepr, Arqa-Shig`is Rus jerlerin iyeleri tatarlar Novogorodqa barmaydi. Biraq tatar-

mang`ollarg`a g`alla bolip turg`an. 

Mang`ollar XIII-a`sirdin` ortasinda XV-a`sir aqirina shekem 200 jildan ko`birek Rus jerinde u`stemlik 

etedi. Ruslar 1240-Nevya ha`m 1242-jili Chud ko`li boyinda Aleksandr Nevskiy basshilig`inda nemets ha`m 

shved a`skerlerin jen`edi. XIII-a`sirde Moskva o`z aldina knyaz boladi. Birinshi Moskva  knyazi Aleksandr 

Nevskiydin` uli Danial Aleksandroviya boladi. Ol Moskva knyazlig`in ken`eytedi. Razyannan kolomin alip 

Moskvag`a qosadi. 

Onin`  balasi  Smolenskiy  knyazdan  Mojoyskiydi  aladi.  XIV-a`sir  basinda  Moskva  da`r`ya  boylarin 

iyeleydi.  

1325-jili Moskva knyazi Ivan kalita boladi. Knyaz ko`p aqsha jiynaydi. Ivan Altin Orda menen kelisip 

isleydi. Altin Ordag`a tez-tez barip xang`a sawg`a berip turadi. Ivan Kalita tusinda Rus diyxanlari egin egedi, 

o`nermentshilik  penen  shug`illanadi.  Altin  Orda  xani,  Rus  knyazi  etip  Tver  knyazin  tayinlaydi.  Tver, 

Moskvag`a usag`an u`lken knyaz edi. 1327-jili tatar-mang`ol elshisi Sholxan da`n salig`in aliw ushin Tverge 

keledi.  Tverde  xaliq  ko`terilisi  bolip  Sholxan  o`ltiriledi.  Ivan  Kalita  uakiyadan  paydalaniw  ushin  Altin 

Ordag`a barip, ko`terilis basiliw ushin 50 min` a`sker a`keledi.  

Ivan Kalita Tverdegi ko`terilisti basadi, saliq ushin xan oni ulli knyaz dep dag`azalaydi (1328). 

Ivan Kalita waqtinda Moskva rus shirkew orayi boldi. A`ste aqirin Moskva ku`shli knyazlikke aylanip, 

tatar-mang`ollarg`a  soqqi  beretug`in  orayg`a  aylana  basladi.  XIV-a`sirde  Moskva  ku`sheydi,  Altin  Orda 

to`menley  basladi.  XIV-a`sirdin`  2-yariminda  Altin  Orda  da  25  xan  o`zgeredi.  XIV-a`sirdin`  2-yariminda 

Altin  Orda  xani Mamay  boladi.  Usi  waqitta  Moskva  Altin  Orda  xan  tapsirmalarin  aytarliqtay  orinlamaydi. 

Mamay Rusti ta`rtipke shaqirmaqshi boldi. 1378-jili tatar-mang`ol a`skerleri rusqa atlanis jasaydi.  

Mamayg`a  qarsi  Ivan  Kalita  aqlig`i  Dmitriy  Ivanoviya  ju`ris  jasaydi.  Eki  jaqtin`  a`skerleri  Vojn 

da`r`ya boyinda Razan jerinde ushirasadi. Sawashta Rus armiyasi jen`iske erisedi. 1380-jili Mamay Litviya 

knyazi  ha`m  Ryazan  knyazlari  menen  birigip  Rusqa  ja`ne  atlanadi.  1380-jili  Moskva  knyazi  Dmitriy 

Ivanovich  ko`p  sanli  a`sker  jiynaydi.  Bul  a`skerlerge  Suzdal`,  Bryan,  Ratav,  Yaroslav,  Kastrom,  Belover, 

jerlerinen adamlar keledi.  

1380-jili  Rus  armiyasi  kulikov  jerinde  jayg`asadi  ha`m  usi  jerde  Dimitriy  Mamay  a`skerlerin  jen`ip, 

Donskiy  degen  laqap  aladi.  Kulikov  sawashinan  2  jil  o`tkennen  son`  tatar-mongollar  Toxtamish 

basshilig`inda Moskvani talap ketedi.  

1462-1505  jillari  Ivan-III  Moskva  knyazi  tusinda  Moskva  do`gereginde  ruslar birige  baslaydi.  1478-

jili Novogorod qosiladi. 1480-jili Rus jerleri Altin Ordadan burotala qutiladi. 

Qadag`alaw sorawlar. 

1. Kiev-rusi ma`mleketinin` du`ziliwi. 

2. Ruslardin` tatar-mang`ollarg`a qarsi gu`resi. 

 


Download 0.86 Mb.

Do'stlaringiz bilan baham:
1   2   3   4   5   6   7   8   9   10   11




Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling