Pedagogikalıq sheberlik haqqında tu`sinik, onın` oqıtıwshı xızmetindegi ornı ha`m a`hmiyeti. J o b a

2. Pedagogikaliq xizmettin` o`zine ta`n o`zgeshelikleri
Suxomlinskiydin` pikiri boyinsha mugallim kishkene adamdi saqlawi ha`m qorg`awi kerek. Bul o`zine ta`n o`zgeshelik mug`allimnen u`lken pedagogikaliq sheberlikti talap etedi. Pedagogikaliq miynettin` ob`ekti adam. Jeke adamda aqil, sezim, erk, isenim, o`zin-o`zi taniw uqsag`an psixikaliq protsessler qa`liplesedi. Al pedagogikaliq xizmet ob`ektinin` o`zgeshelikleri bolsa to`mendegilerden turadi.
1. Adam ta`biyattin` o`li materiallari emes, ol aktiv, qaytalanbaytug`in jeke sipatlarg`a iye sanali maqluqati. Ol waqiyalarg`a o`zinshe qatnasi ha`m tu`sinigi bar jaratilis. Adam o`zinin` maqseti, motivi, jeke minezine iye bolg`an pedagogikaliq protsesstin` qatnasiwshisi. Solay etip pedagogikaliq xizmettin` ob`ekti bir waqittin` o`zinde onin` sub`ekti boladi.
2.Mug`allim ba`rha`ma o`zgeretug`in ha`m o`sip baratirg`an adam balasi menen jumis islesedi. Sonliqtan og`an qatip qalg`an bir ha`reket penen qatnas jasawg`a bolmaydi. Bul ju`da` qospali, turaqli do`retiwshilikti izleniwdi talap etedi.
3. Pedagoglar menen birge balag`a, oni qorshag`an barliq o`mir tosinnan ha`m ha`r qiyli bag`dardag`i ha`reketler arkali ta`sir etedi. Sonliqtan pedagogikaliq miynettin` barliq ta`sirlerine o`zgerisler engizip bariwina tura keledi.
Ta`rbiyalaniwshig`a ta`sir etiwdin` tiykarg`i qurali-mug`allimnin` jeke basi, onin` bilimi, uqibi aqili. Oqiwshilar mug`allimnin` is ha`reketine, so`ylew ma`deniyatina bilimine , a`debine kiyiniw ma`deniyatina h.t.b. itibar bergen halda mug`allimler menen qatnas jasawg`a ha`reket etedi. A`lbette o`z na`wbetinde mug`allimde bunday jag`daylardi esten shig`armawi kerek boladi. Ta`rbiyanin` basli quralina ha`r qiyli is ha`rekettin` tu`rleri, miynet, karim-qatnas, oyin xam oqiw kiredi.
Pedagogikaliq xizmet pu`tin bir komponentten turadi. Ol mug`allimnin` is ha`reketindegi gumanistlik bag`dardi, kasiplik bilim ha`m uqipliliq, pedagogikaliq etika ha`m pedagogikaliq texnika boyinsha ilimiy bilimlerdi o`zine sin`diredi. Mug`allim miynet xizmeti protsessinde o`z isinin` haqiyqiy sheberine aynaladi. Pedagogikaliq sheberlik- bul ba`rinende burin mektep aldinda turg`an siyasiy ha`m pedagogikaliq waziypalarg`a muwapiq pedagogikaliq sha`rayatlardi tabisli sheshiw islerinde o`z sa`wleleniwin tabadi. Bunin` ushin mug`allimnin` ka`siplik bilim, uqipliliq ha`m ko`nlikpelerdi iyelewine tuwra keledi.
Mug`allim tek g`ana hadal, isker, tabanli, reyimli bolip g`ana qoymastan, bul qa`siyetlerdi oqiwshilarg`ada sin`diriwi kerek boladi. Onin` sawatli ha`m miynet su`ygish adam bolip, o`zinin` jumisin sheksiz su`yiwine, balalarg`a ata-analarinday qatnas jasawina tuwra keledi. O`z waqtinda belgili pedagog V.A. Suxomlinskiyde mektepte mug`allimnin` miynetin awirsinatug`in birde bir pedagogtin` bolmawi kerekligin aytip o`tken edi.
Mug`allim adamdi su`yetug`in og`ada u`lken talantqa ha`m o`z miynetine, ba`rinende burin onin` ruwxin, sergekligin, aqilinin` aniqlilig`in, pikir ju`rgiziwinin` tazalig`in, sezimler ug`imlilig`in uzaq jillar boyi saqlaytug`in balalarg`a sheksiz su`yispenshilikte boliwi kerek. Al bul iste bunday sipatlarg`a iye bolmag`an pedagoglardin` miyneti azapqa aylanip ketedi. Mug`allimnin` o`z miynetin ha`m balalardi su`yiw qa`siyetleri o`z miynetinin` sheberi boliwi ushin pedagogikaliq isbilermenlikti iyelewi ushin imkaniyatlar jaratadi.