Pán: Algebra Tema : Noqattı koordinatalar basi átirapında burıw Sabaqtıń tálimiy maqseti

2.3. Sabaqtı bekkemlew .

Sabaqta ótilgen temanı bekkemlew ushin “ kishi toparlarda islew ” usılınan paydalanamız. Bul usıl arqalı klasstaǵı oqıwshılar úsh toparǵa bólinedi. Hár toparǵa sabaqta ótilgen “ Noqattı koordinatalar bası átirapında burıw” teması úsh bólimge ajıratılǵan halda soraw qılıp beriledi. Hár bir topar sorawlar menen tanısıp, qısqa waqıt ishinde óz-ara kelisip óz toparınıń prezentaciyasın ótkerip beriwi lazım boladı.

“Kishi toparlarda islew ” usılı:

Kishi toparlarda islew – oqıtıwshı tárepinen berilgen málim bir tapsırmanı sheriklikte orınlaw ushın oqıwshılardı kishi toparlarǵa ajıratıp, berilgen tapsırmanıń sheshiw jolların islep shıǵıwın talap etiwshi usıl.

Bul usıl qollanılǵanda oqıwshı kishi toparlarda islep, sabaqta aktiv qatnasıw huqıqına, baslawshı rolinde bolıwǵa, bir-birinen úyreniwge hám túrli kóz qaraslardı qádirlew omkanına iye boladı.

Kishi toparlarda islew metodı qollanılǵanda oqıtıwshı basqa dástúriy emes metodlarǵa qaraǵanda waqıtın tejew imkaniyatına iye boladı. Sebebi oqıtıwshı bir waqıttıń ózinde barlıq oqıwshılardı temaǵa qarata aladı hám bahalay aladı.

“Kishi toparlarda islew” usılın qollaw basqıshları:

1. 
   Iskerlik jónelisi anıqlanadı. Mashqaladan bir-birine baylanıslı bolǵan máseleler belgilenedi.
   
2. 
   Kishi toparlar belgilenedi. Oqıwshılar toparlarǵa 3-5 adamnan bóliniwi múmkin.
   
3. 
   Kishi toparlar tapsırmani orinlawǵa kirisedi.
   
4. 
   Oqıtıwshı tárepinen anıq kórsetpeler beriledi hám oqıtıwshı tárepinen baǵdarlanıp turıladı.
   
5. 
   Kishi toparlar prezentaciya qıladı.
   
6. 
   Orınlanǵan tapsırmalar talqılanadı hám analiz qılınadı.
   
7. 
   Kishi toparlar bahalanadı.
   

2.4. Oqıwshılar bilimin tekseriw.

Yaǵnıy tema ózlestiriwde “Oqıwshılar bilimin tekseriw” usılı jaqsı nátiyje beredi. Bunda “BBB” paydalanıw múmkin. Bunda hár bir oqıwshı óz dápterine tómendegishe keste sızadı

BILEMEN	BILIP ALDIM	BILIWDI QÁLEYMEN

Usı keste tiykarında oqıwshılar sabaqta ótilgen temanı qay dárejede túsingenligi anıqlanadı.

III. Juwmaqlaw bólimi.

3.1. Oqıtıwshı tárepinen oqıwshılardı bahalaw.

Oqıwshılar tárepinen orınlanǵan isler oqıtıwshı tárepinen ulıwmalastırılıp, aktiv oqıwshılar xoshemetlenedi. Yaǵnıy oqıwshılardıń pikirleri tıńlanıp, ulıwma juwmaq shıǵarıladı.

3.2. Úyge tapsırma.