Саноат корхоналари билан кооперация асосидаги касаначиликни ҳамда пудрат шартномаси асосидаги уй меҳнат фаолиятини ривожлантириш натижасида 130 мингга яқин иш ўрни яратилди.
Ўтган йил бўйича асосий макроиқтисодий кўрсаткичларнинг ўзгариши тенденцияси қандай бўлди?
2009 йилда Ўзбекистонда ялпи ички маҳсулотнинг ўсиши 8,1 фоизни ташкил этди. Саноат маҳсулотлари ишлаб чиқариш 9,0 фоизга кўпайди, қишлоқ хўжалигидаги ўсиш 5,7 фоизни ташкил этди, чакана савдо айланмаси 16,6 фоиз, аҳолига пуллик хизмат кўрсатиш 12,9 фоизга ошди.
Мамлакатимизда инфляция даражаси 7,4 фоизни ташкил этиб, 2009 йил учун белгиланган прогноз кўрсаткичларидан ошмади. Давлатимиз бюджети ялпи ички маҳсулотга нисбатан 0,2 фоиз миқдорда профицит билан бажарилди.
2009 йилда иқтисодиётимизга киритилган инвестициялар қанчани ташкил этди ва унинг нисбий ва таркибий ўзгариши қандай?
Ўтган йили иқтисодиётга инвестициялар киритиш ҳажми 8,2 миллиард долларни ташкил этди, бу эса 2008 йилга нисбатан 24,8 фоиздан кўп демакдир. Жалб этилган хорижий инвестициялар ҳажми 68 фоизга ўсди, энг муҳими, уларнинг асосий қисми тўғридан-тўғри киритилган инвестициялар бўлиб, уларнинг ҳажми 1,8 баробар ошди.
Инқирозга қарши курашиш жараёнида инфляциянинг кескин кучайиб кетиш хавфининг юзага келиши қандай иқтисодий сиёсатнинг оқибати сифатида тушунтирилади?
Бозорда истеъмол талабининг пасайиши давом этаётгани нарх-наво ошишини чегаралаб турганлигига, қаердадир дефляция мавжудлигига қарамай, аввало пул маблағларининг улкан эмиссияси ҳисобидан банклар ликвидлигини сақлаб туриш мақсадида банклар ва молиявий секторларнинг жуда катта миқдорда пул кредитлари билан тўлдирилиши бир қатор мамлакатларда инфляция жараёнларининг кескин кучайиб кетиш хавфини юзага келтиради.
Do'stlaringiz bilan baham: |
