Psixologik maslahat nima Psixologik maslahat deb muhtoj bo'lganlarga maslahat va

Psixologik maslahat turlari
Turli odamlar psixologik maslahatga muhtoj bo'lganligi va turli masalalarda ular yordam so'rab murojaat etganliklari sababli psixologik maslahatni mijozlar individual xususiyatlariga va muammolariga qarab turlarga ajratish mumkin. Birinchi navbatda intim-shaxsiy deb ataluvchi psixologik maslahatni ajratib ko'rsatamiz, ko'pchilik odamlarda ko'pincha mana shunday maslahatga talab yuzaga keladi. Ushbu turga shaxs sifatida odamga chuqur ta'sir ko'rsatadigan, unda kuchli hayajonlar uyg'otadigan, atrofdagi odamlardan yashiriladigan masalalar bo'yicha maslahatlarni kiritish mumkin. Bular odam nima bo'lsa ham ularni yo'qotishni xohlaydigan psixologik yoki xulqi muammolari, shaxslararo munosabatlar bilan bog'liq muammolar, turli qo'rqinchlar, muvaffaqiyatsizliklar, shifokor aralashuvini talab etmaydigan psixogen kasalliklar va boshqalar. Bunga odamning o'zidan o'zi qoniqmasligini intim, masalan jinsiy muammolami ham kiritish mumkin. Keyingi ahamiyati bo'yicha va hayotda ko'p uchraydigan psixologik maslahatning keyingi tori - oilaviy maslahat hisoblanadi. Bunga odamning o'z oilasida yuzaga keladigan masalalar bo'yicha maslahatlarni kiritish mumkin. Bular xususan bo'lajak turmush o'rtog'ini tanlash, oilada o'zaro munosabatlarni to'g'ri tashkil etish va boshqarish, oilaviy munosabatlarda bo'lishi mumkin bo'lgan nizolaming oldini olish va bartaraf qilish, er-xotinlarning qarindoshlari bilan munosabatlari, kundalik oilaviy muammolar bo'lishi mumkin.
Maslahatlarning uchinchi turi - psixologik-pedagogik maslahatdan iborat. Bunga maslahatchining mijoz bilan bolalarni tarbiyalash va o'qitishni, biror ishga o'rgatish hamda kattaiaming pedagogik malakasini oshirishni, pedagogik rahbarlik, bolalar va kattalar guruhlari, jamoalarni boshqarishni kiritish mumkin.
Psixologik-pedagogik maslahatning eng ko'p tarqalgan to'rtinchi turi — amaliy maslahatlar. U o'z navbatida odamlar faoliyati turlari necha xil bo'lsa, shuncha turlariga ega bo'ladi. Umuman olganda, odamlarning amaliy ish bilan bog'liq muammolarini hal etish amaliy maslahat deb ataladi. Bunga inson uchun kasb tanlashni, odamda qobiliyatlarini rivojlantirish, uning mehnatini tashkil qilish, ish bajarish qobiliyatini oshirish, ish bo'yicha muzokaralar olib borish masalalarini kiritish mumkin.
Aytib o'tilgan psixologik maslahat turlarining har biri boshqasi bilan o'xshashdir, masalan har xil faoliyat turlarida bir turli vaziyatlarda o'zining psixologik talqin qilinishi bo'yicha bir xil muammolar yuzaga kelishi mumkin. Lekin shu bilan birga psixologik maslahatlar aytib o'tilgan har bir turida o'zining xususiyatlari mavjud. Ularni ko'rib chiqamiz.