Psixologik trening

“Suvdan chiqqan Pudel”

Maqsad: ishtirokchilarni faollashtirish, ijobiy kayfiyatni yuzaga keltirish.
Jarayon: avvalo ishtirokchilardan “Yungi jingalak, seryung bo’lgan honaki itning nomi nima deb ataladi?” deya so’raladi. Ishtirokchilardan turli fikrlar chiqishi mumkin. Bunday itning nomi pudel. Ishtirokchilardan endi quyidagini faraz qilish so’raladi. “Bizlar pudel itlarimiz va biz suvga tushib ketdik. Suvdan chiqqach jiqqa xo’lmiz. Endi ustimizgadi suvdan qutilishimiz kerak. Buning uchun yaxshilab silkinamiz va silkinishni tananing bosh qismidan boshlaymiz.” Shundan so’ng trener o’zi qilgan harakatlarni ishtirokchilardan bajarishni so’raydi. Harakatlar quyidagicha: 1- alohida bosh huddi itlarniki kabi siltitiladi; 2-so’ngra yelkalar ham shunday silkitiladi; 3-har bir qo’l alohida- alohida osmonga ko’tarib silkitiladi; 4- dumlar (bel va toz qism yengil silkitiladi) likkilatiladi; 5-oyoqlar alohida-alohida silkitiladi. Bundan so’ng harakat tananing pastidan tepaga qarab qaytariladi. Ya’ni: 1-oyoqlar alohida- alohida silkitiladi; 2- dumlar (bel va toz qism yengil silkitiladi) likkilatiladi; 3- har bir qo’l alohida-alohida osmonga ko’tarib silkitiladi; 4-so’ngra yelkalar ham shunday silkitiladi; 1- va oxirida alohida bosh huddi itlarniki kabi silkitiladi shuning bilan mashg’ulot yakuniga yetadi.

“Baliq ovida”

Maqsad: ishtirokchilarni faollashtirish, ijobiy kayfiyatni yuzaga keltirish.
Jarayon: ishtirokchilardan erkin turib olish va baliq tutayotgan holatga (ro’lga) kirishish so’raladi. Bundan so’ng ishtirokchilarga beriladigan ustanovkalar: siz ko’l bo’yida baliq tutib turibsiz, shu payti bir pashsha atrofingizda aylanib asabingizni buza boshladi, lekin siz baliqlarni cho’chitib yubormaslik uchun uni aslo qo’lingiz bilan qo’rib hayday olmaysiz. Pashsha uchib-uchib burningizga qo’ndi, siz nima qilasiz (shunda ishtirokchi yuz muskullaridan foydalanib uni haydashi kerakligi yordam sifatida aytilishi ham mumkin), chap yuzingizga qo’ndi, o’ng qoshingiz ustiga qo’ndi, bo’yningizni ortiga qo’ndi, yelkalaringizga birinchi cha keyin o’ng yelkangizga qondi (elkalarni qimirlatib uni haydash kerak), so’ngra qorningizga qo’nib o’rmalay boshladi (qorin bilan chuqur nafas olib haydash mumkin), chap oyog’ingiz ustiga qo’ndi, tizzangizga qo’nib o’rmalay boshladi shu payt yonidan bir “ketvorgan pashsha” o’tib qoldiyu u ham o’sha pashsha ketidan uchib ketdi va siz undan qutildingiz hamda baliq ovine yana zavq bilan davom ettirdingiz..
Bunda trener e’tibor qartishi kerak bo’lgan jihatlar quyidagilardan iborat: trener ishtirokchi “tanansining biror qismiga pashsha qo’nganidan” so’ng unga “pashshani” qo’ngan joyidagi tana a’zosi yoki muskullarini ishlatib uni haydashga vaqt agar kerak bo’lsa yo’riq berishi lozim; ishtirokchilarni ikki qo’lini huddi qarmoqni ushlagandayin qimirlatmay ushlab turishlarini so’rashi kerak; agar trener ham ushbu mashg’ulotni bevosita ishtirokchilar bilan birga bajarsa u yanada samaraliroq bo’ladi.