Qaraqalpaq tili pa’ninen. B. Qurbanbaeva

31-tapsi’rma. Qosi’qti’ woqi’n’. Avtori’n ayti’n’. 

Bul du’nya bar yeken, sen barsan’ insan, 

A’lem sag’an mu’ta’j, sen mu’ta’j wonnan. 

 

Bul du’nyada hesh kim bolmas gu’ldin’ sebeti, 

Biraq bolg’ay jaqsi’li’q at qaldi’ri’w niyeti. 

Iyele tezden sen, wo’nerdin’ tu’rin, 

Waqi’t jetkizbeydi ushqan ji’ldi’ri’m. 

 

Bul u’lken ba’ygiden keshikken adam, 

Uyqi’da qalg’anday aldanar mudam. 

Tu’rki tilde qolg’a ali’p qa’lemdi, 

Qa’lem menen boysi’ndi’rdi’m a’lemdi. 

 

Kewil bo’ldi so’zime tu’rkler de, 

Tek tu’rk yemes, ba’lki tu’rkmen de. 

Wo’zime japa qi’lsa, bir ma’rtebe «waq» dermen, 

Biraq yelge japa qi’lsa, mi’n’ ma’rtebe «dat» dermen. 

 

32-tapsi’rma.  Teksttin’  izin  dawam  yetip  jazi’n’.  Qaraqalpaqsha  so’ylep  berin’.                         

A.Nawayi’ni’n’ qosi’qlari’n yadlan’. 

 

A.Nawayi’ wo’zbek xalqi’ni’n’ a’jayi’p perzenti dani’shpan shayi’r ha’m woyshi’l. Wol 

pu’tkil  du’nyag’a  dawri’q  salg’an  ku’nshi’g’i’s  klassikali’q  a’debiyati’nda  «Jeti  juldi’zdi’n’ 

biri».  Woni’n’  dani’shpanli’q  penen  jazi’lg’an  poeziyasi’  aldi’nda  pu’tkil  du’n’ya  ju’gindi. 

---

 

32 

Wol  ha’tte  wa’zir  da’rejesine  jetiwine  qaramastan,  ha’melden  ko’re  xali’q  ma’pin  joqari’ 

sanag’an, wo’z do’retpelerinde xali’q ma’pin ji’rlag’an. 

A.Nawayi’  1441-ji’li’  9-fevralda  sol  da’wirdin’  yen’  ko’rnekli  qalalari’ni’n’  biri  Xerat 

qalasi’nda  tuwi’lg’an.  A’kesi  G’iyasatdin  kishkene  saray  ha’meldarlari’ni’n’  biri  bolg’an. 

Anasi’ Temuriy shaxzadalari’ni’n’ ta’rbiyashi’lari’nan biri. 

 

33-tapsi’rma. Alg’an bilimlerin’izdi test sorawlari’ tiykari’nda si’nap ko’rin’. 

 

1. Bir mi’n’ tog’i’z ju’z alpi’s to’rt. Sanli’qti’n’ qaysi’ tu’ri? 

A) sanaq san 

V) qatarli’q san 

S) bo’lshek san 

D) toplaw san 

E) shamali’q san 

 

2. Yekew, altaw so’zleri sanli’qti’n’ qaysi’ tu’ri? 

A) toplaw san 

V) sanaq san 

S) shamali’q san 

D) ji’ynaqlaw san 

E) bo’lshek san 

3. Woti’zdan, to’rtten so’zleri sanli’qti’n’ qaysi’ tu’ri? 

A) bo’lshek san 

V) toplaw san 

S) ji’ynaqlaw san 

D) shamali’q san 

E) sanaq san 

4. Woti’zlarda, u’sh-to’rt, ju’zden aslam so’zleri sanli’qti’n’ qaysi’ tu’rine kiredi? 

A) sanaq san 

V) shamali’q san 

S) bo’lshek san 

D) toplaw san 

E) qatarli’q san 

5. Won-wonlap, ju’z-ju’zlep, mi’n’-mi’n’lap so’zleri sanli’qti’n’ qaysi’ tu’ri? 

A) qatarli’q san 

V) sanaq san 

---

 

33 

S) shamali’q san 

D) bo’lshek san 

E) toplaw san