Qarshi muhandislik iqtisodiyot instituti

O`ZBEQISTON RESPUBLIKASI OLIY TA’LIM, FAN VA INNOVATSIYALAR VAZIRLIGI

QARSHI MUHANDISLIK IQTISODIYOT INSTITUTI
“OOMT” KAFEDRASI
“UN ISHLAB CHIQARISH TEXNOLOGIYASI - 1”
FANIDAN AMALIY MASHG’ULOTLARNI BAJARISH UCHUN
U S L U B I Y Q O’ L L A N M A



QARSHI – 2023
ANNOTATSIYA.
“Un ishlab chiqarish texnologiyasi-1” fani talabalarga don bilan ishlashning barcha bosqichlari don qabul qilish korxonalari, tegirmon, zavodlarida don va don mahsulotlari sifatini yuksak va malakali ravishda baholash va nazorat qilishda fan va texnikaning eng so‘nggi yutuqlariga tayanib, yangi usullar ishlab chiqarish yoki mavjud usullarni takomillashtirish zaruratini tushinishni o‘rgatadi. Ushbu uslubiy qo’llanma “Un ishlab chiqarish texnologiyasi-1” faninig dasturi asosida yozilgan bo‘lib, 5321000 -Oziq-ovqat texnologiyasi (don maxsulotlari) ta’lim yo’nlishi bo‘yicha tahsil oluvchi bakalavriat talabalari uchun mo‘ljallangan.

Tuzuvchi: Xolmurodova Z.D.- QarMII. “OOMT” kafedrasi dotsent v.b.

Taqrizchi: Boqiyev G’.O.-QarMII. “OOMT” kafedrasi mudiri dotsent
Choriyeva S.- Qashqadaryo donmahsulotlari
sifat laboriya mudiri

Ushbu uslubiy qo’llanma QarMII "OOMT" kafedrasi yig’ilishida (bayonnoma №__ _______2023 y), Sanoat texnologiyasi fakulteti uslubiy komissiyasida (bayonnoma №__ _______2023 y) va Institut Uslubiy Kengashida (bayonnoma №__ _______2023 y) muhokama etilgan va o’quv jarayonida foydalanish uchun tavsiya etilgan.

Kirish
O`zbeqiston Respublikasi mustaqillikka erishgandan keyin joydori nav g’alla ekinlarini ko`paytirishga, ulardan qayta ishlanib olinayotgan un va yorma mahsulotlari bilan xalqimizni ta’minlashga etibor kuchaydi.
O`zbeqiston Respublikasida zamonaviy yuqori unumdorlikka ega bo`lgan uskunalar bilan jihozlangan yangi tegirmonlar qurildi. Ishlab turgan hamma tegirmonlar qayta jihozlandi. Buning natijasida yuqori sifatli unlarning chiqishi ko`paydi.
Zamonaviy uskunalar bilan jihozlangan tegirmonlarda yuqori malakaga va bilimga ega bo`lgan mutaxassislarga talab oshib bormoqda.
G’alla ekinlari donlaridan sifatli un va yorma olish uchun ularning texnologik xususiyatlarini o`rganish juda katta ahamiyatga egadir. Buning uchun har bir talaba “Un va yorma texnologiyasi” fanining nazariy qismi bilan birga tajriba ishlarini qam mukammal o`rganishi kerak.
Ushbu uslubiy qo’llanmada talabalar tomonidan tajriba ishlarini bajarishni osonlashtirish uchun har bir tajriba ishida qisqacha umumiy tushuncha, ishning maqsadi, bajarish tartibi va o`z-o`zini nazorat qilish savollari berilgan.
Uslubiy qo’llanma talabalarning “Un ishlab chiqarish texnologiyasi -1” fanidan olgan nazariy bilimlarini mustahkamlaydi va ularning ishlab chiqarishdagi amaliy ishlarini muvaffaqiyatli bajarishlariga yordam beradi.