Qoidalari o'zbekiston Respublikasi Davlat patent idorasi direktorining 2002 yil 11 oktyabrdagi 51- son buyrug'i bilan tasdiqlangan
Download 164.9 Kb. Pdf ko'rish
|
- Bu sahifa navigatsiya:
- 4-§. Talabnomani topshirish
- II bob. Patent idorasi bilan tovar belgisini royxatdan otkazishga talabnoma boyicha ishlarni olib borish 5-§. Vakil tayinlash
- 6-§. Patent idorasi bilan yozishmalar olib borish
- 8-§. Talabnoma hujjatlariga qoshimchalar, aniqliklar va tuzatishlar kiritish
- 9-§. Talabnoma materiallari bilan tanishish
- 10-§. Talabnomani korib chiqish jarayonida ekspertiza tomonidan korsatilgan materiallar bilan tanishish
- 11-§. Talabnomani talabnoma beruvchining ishtirokida korib chiqish
- 12-§. Soralgan materiallarni taqdim etish muddatini uzaytirish
- 13-§. Otkazib yuborilgan muddatni tiklash
- 14-§. Talabnoma beruvchi tomonidan talabnomani chaqirib olish
- III bob. Talabnomani korib chiqish 15-§. Kelib tushgan talabnomani royxatga olish
- 16-§. Rasmiy ekspertiza
- 17-§. Talabnomada korsatilgan belgi ekspertizasi
- 18-§. Tovar belgisi ustuvorligini belgilash
- 19-§. Talabnomada korsatilgan belgining muhofazaga layoqatliligini tekshirish
- 20-§. Qoshimcha materiallarni sorash
- 21-§. Qoshimcha materiallarni tekshirish
- 22-§. Tovar belgisini royxatdan otkazish togrisidagi qaror
- 23-§. Tovar belgisini royxatdan otkazishni rad etish togrisidagi qaror
3-§. Hujjatlarni rasmiylashtirish 32. Barcha hujjatlar shu tarzda rasmiylashtirilishi lozimki, zarur bo'lgan hollarda ulardan istalgan miqdorda nusxa olishning iloji bo'lsin. Har bir varaqdan, faqat bir tomonidan, qatorlarni varaqning kichik tomoniga parallel joylashtirilgan holda foydalaniladi. 33. Talabnomaning hujjatlari pishiq, oq, silliq, yaltiramaydigan qog'ozda bajariladi. 34. Talabnomaning har bir hujjati alohida varaqdan boshlanadi. Varaqlar, hoshiyalarining o'lchami (mm): yuqorisi - 20; o'ng va pastdagi - 20; chapdagi - 25; bo'lgan 210 x 297 mm formatga ega. 35. Talabnomaning har bir hujjatida ikkinchi va undan keyingi varaqlar arab raqamlari bilan raqamlab chiqiladi. 36. Hujjatlar qora rangli shriftlarda bosib chiqariladi. Matn 1,5 interval bilan, bosh harflarining balandligi 2,1 mm dan kam bo'lmagan holda bosmadan chiqariladi. 4-§. Talabnomani topshirish 37. Qonunning 4-moddasi 2-qismi va 8-moddasi 1-qismiga muvofiq tovar belgisiga talabnoma topshirish huquqiga yuridik shaxs va shuningdek tadbirkorlik faoliyati bilan shug'ullanuvchi jismoniy shaxs ya'ni O'zbekiston Respublikasi qonunchiligiga muvofiq tovarlar ishlab chiqarishdan, xizmat ko'rsatadigan yoki vositachilik yoxud boshqa faoliyat bilan shug'ullanadigan shaxs egadir (matnda bundan keyin talabnoma beruvchi). 38. Talabnoma Patent idorasiga bevosita topshiriladi yoki pochta orqali yuboriladi. 39. Talabnomani talabnoma beruvchi tomonidan yoki Patent idorasida ro'yxatdan o'tgan patent vakili orqali topshirilishi mumkin. Chet el yuridik shaxslari yoki O'zbekiston Respublikasi hududidan tashqarida doimiy yashaydigan jismoniy shaxslar yoki ularning patent vakillari tovar belgisini ro'yxatdan o'tkazish bilan bog'liq ishlarni faqat patent idorasida ro'yxatdan o'tgan patent vakili orqali olib boradilar. II bob. Patent idorasi bilan tovar belgisini ro'yxatdan o'tkazishga talabnoma bo'yicha ishlarni olib borish 5-§. Vakil tayinlash 40. Talabnoma topshirilgandan keyin tovar belgisini ro'yxatdan o'tkazish bo'yicha ishlarni olib borish va talabnomani ko'rib chiqish davomida o'z manfaatlarini himoya qilish uchun talabnoma beruvchi ushbu qoidalarning 9-bandida ko'zda tutilgan tartibda rasmiylashtirilgan ishonchnoma berib vakil tayinlash mumkin. 41. Vakilning ishonchnomasi talabnomani topshirish vaqtida yoki ish yuritish davomida taqdim etilishi mumkin. Ishonchnoma talabnoma materiallariga qo'shib qo'yiladi.
42. Ishonchnoma topshirilgunga qadar vakilning olib borgan harakatlari haqiqiy emas deb hisoblanadi va ekspertiza tomonidan inobatga olinmaydi. Vakilning unga taqdim etilgan vakolatlari doirasidagi har bir harakati yoki Patent idorasining unga nisbatan har bir harakati talabnoma beruvchining harakati yoki talabnoma beruvchiga nisbatan harakat kabi oqibatlarga olib keladi. 43. Vakillik ishonchnomada ko'rsatilgan vakolatlar yoki ularning amal qilish muddati tugaguncha amal qiladi. Ishochnoma ko'rsatilgan vakillarni muddatidan avval to'xtatish talabnoma beruvchi yoki uning huquqiy vorisi tomonidan Patent idorasiga tegishli ariza (ishonchnomani chaqirib olish) berish yo'li bilan amalga oshirilishi mumkin. 6-§. Patent idorasi bilan yozishmalar olib borish 44. Yozishmalar talabnoma beruvchi yoki uning shu ishga tayinlangan vakili tomonidan har bir talabnoma uchun alohida olib boriladi. Talabnoma topshirilgandan keyin yuboriladigan materialda talabnoma raqami ko'rsatilishi va talabnoma beruvchi yoki uning vakilining imzosi bo'lishi shart. Talabnoma raqami ko'rsatilgan materiallar, agar talabnoma raqami aniqlanmasa, ko'rib chiqilmasdan qaytarib yuboriladi. 45. Patent idorasi bilan yozishmalar o'zbek yoki rus tillarida olib boriladi. Talabnoma beruvchi tomonidan boshqa tilda berilgan materiallarga ularning o'zbek yoki rus tillarida tarjimon imzosi bilan tasdiqlangan tarjimasi ilova qilinishi mumkin. 46. Yillarda ifodalangan istalgan muddat tegishli keyingi keladigan yilda, xuddi shu nomli oyda va muddatni hisoblash boshlanadigan voqea sodir bo'lgan oy va kun raqami nechanchi bo'lsa, o'sha kunda tugaydi; ammo agar tegishli oy o'sha raqamli kunga ega bo'lmasa, muddat ushbu oyning oxirgi kuni tugaydi. 47. Oylarda ifodalangan istalgan muddat tegishli keyingi keladigan oyda va muddatni hisoblash boshlanadigan voqea sodir bo'lgan kun raqami nechanchi bo'lsa, o'sha kunda tugaydi; ammo agar tegishli oy o'sha raqamli kunga ega bo'lmasa, muddat ushbu oyning oxirgi kuni tugaydi. 7-§. Muddatlar 48. Kunlarda ifodalangan muddat ko'rsatilgan voqea ro'y bergan kundan keyingi kundan hisoblanib so'nggi kunning oxirida tugaydi.
49. Agar xat yoki patent boji Patent idorasiga kelib tushishi lozim bo'lgan muddatning oxirgi kuni Patent idorasining dam olish kuniga to'g'ri kelsa, ushbu muddat keyingi ish kunigacha uzaytiriladi. 8-§. Talabnoma hujjatlariga qo'shimchalar, aniqliklar va tuzatishlar kiritish 50. Qonunning 13-moddasi 2-abzasiga muvofiq talabnoma beruvchi o'z tashabbusiga ko'ra talabnoma materialini tovar belgisini ro'yxatdan o'tkazish to'g'risidagi qaror qabul qilingunga qadar talabnomada ko'rsatilgan belgi tasvirini o'zgartirmagan holda tuzatishi, aniqlashtirishi va qo'shimchalar kiritishi mumkin. 51. Quyidagi o'zgartirishlarni kiritishi mumkin: a) talabnoma beruvchining, patent vakilining nomini nomlanishini o'zgartirishi; b) talabnoma beruvchining, patent vakilining manzilgohini, yozishmalar olib boriladigan manzilni o'zgartirishi; v) talabnoma beruvchini o'zgartirishi; g) kelishuvga o'zgartirish kiritish; d) xatolarni tuzatish; e) tovarlar ro'yxatini qisqartirishi; 52. Talabnoma materiallarini tuzatish, aniqlik va qo'shimchalar kiritish talabnoma beruvchi tomonidan tegishli yozma ariza topshirish yo'li bilan amalga oshiriladi. Arizalarning shakli ushbu Qoidalarga 2 va 3-ilovalarda keltirilgan. Ariza Patent idorasiga kelib tushganligi va uni ko'rib chiqish natijalari to'g'risida talabnoma beruvchiga xabar beriladi. Arizaga talabnoma materiallariga o'zgartirishlar kiritishi uchun patent boji to'langanligi to'g'risidagi hujjat ilova qilinadi. Patent boji to'langanligi to'g'risidagi hujjat ilova qilinmasa yoki to'langan patent bojining miqdori belgilangan miqdordan kam bo'lsa, qo'shimcha materiallar ko'rib chiqishga qabul qilinmaydi va bu haqda talabnoma beruvchiga xabar beriladi. 53. Patent idorasi talabnoma hujjatlaridagi xatolarni tuzatish haqidagi arizani qabul qiladi. Arizada talabnoma raqami va tuzatilishi lozim bo'lgan xato ko'rsatilgan bo'lib talabnoma beruvchi yoki uning patent vakili tomonidan imzolangan bo'lishi kerak. Arizaning shakli ushbu Qoidalarga 3-ilovada keltirilgan. 54. Talabnoma beruvchi - huquqiy shaxs nomlanishi yoki talabnoma beruvchi jismoniy shaxsning familiyasi, ismi, otasining ismi o'zgarganda, ushbu o'zgartirishni tasdiqlaydigan hujjat taqdim etiladi. 55. Talabnoma beruvchi talabnomaga bo'lgan huquqini o'zga shaxsga o'tkazsa Patent idorasiga talabnoma beruvchi o'zgarganligi to'g'risidagi qaydni kiritish haqida ariza topshiriladi. Arizaning shakli ushbu Qoidalarga 4-ilovada keltirilgan. Arizada huquq o'zga shaxs ya'ni huquqiy vorisga o'tkazilishining ko'rsatilishi ushbu Qoidalarning15, 16, 19-bandlarida ko'zda tutilgan shaxs haqidagi ma'lumotlar bo'lishi kerak. Talabnoma beruvchi va uning huquqiy vorisi tomonidan ushbu Qoidalarning 31-bandida ko'zda tutilgan tartibda imzolanadi. Agar ariza faqat talabnoma beruvchi tomonidan imzolangan bo'lsa, arizaga talabnoma beruvchi va uning huquqiy vorisi tomonidan imzolangan huquq o'tkazilganligini tasdiqlaydigan hujjat ilova qilinadi. Arizaning shakli ushbu Qoidalarga 5-ilovada keltirilgan. Belgilangan talablarga rioya qilingan bo'lsa, talabnoma beruvchi va uning huquqiy vorisiga talabnoma materiallariga talabnoma beruvchining o'zgartirilganligi to'g'risida qayd kiritilganligi haqida xabar beriladi. Keyingi barcha yozishmalar yangi talabnoma beruvchi bilan olib boriladi. Talabnoma beruvchi va uning huquqiy vorisiga talabnoma materiallariga o'zgartirish kiritilganligi to'g'risidagi bildirishnoma yuborilgan sana huquq o'tgan sana deb hisoblanadi. Belgilangan talablarga rioya qilinmagan holda, talabnoma beruvchi va uning huquqiy vorisi taqdim etilgan hujjatlarga aniqliklar va/yoki tuzatishlar kiritish zarurligi yoki talabnoma materiallariga talabnoma beruvchining o'zgartirish haqidagi qaydni kiritish mumkin emasligi to'g'risida, tegishli sabablar ko'rsatilgan holda bildirishnoma yuboriladi. 56. Tovarlar va xizmatlar ro'yxatida bir necha tovar va xizmatlar keltirilgan talabnomani talabnoma beruvchining iltimosiga ko'ra birinchi talabnomadagi tovarlar va xizmatlarni bo'lish yo'li bilan bir necha talabnomaga ajratish mumkin (matnda bundan keyin ajratilgan talabnoma deb yuritiladi). Bu holda ajratilgan talabnomadagi tovar va xizmatlar birinchi talabnomada qolayotgan tovar va xizmatlar bilan bir xil bo'lmasligi kerak. Ushbu iltimos talabnoma beruvchi tomonidan tegishli ariza topshirish yo'li bilan amalga oshiriladi. Arizaning shakli ushbu Qoidalarga 6-ilovada keltirilgan. Birinchi talabnoma bo'yicha qaror qabul qilingunga qadar talabnomani ajratish mumkin. Ajratilgan talabnoma birinchi talabnoma topshirilgan sanasi va tovar belgisi sifatida ro'yxatdan o'tkazishga so'ralayotgan belgi ustuvorligi saqlab qolinadi. Birinchi talabnoma bo'yicha ertaroq ustuvorlik huquqi mavjud bo'lgan holda esa ushbu ustuvorlik sanasi bo'yicha saqlanadi. Iltimosnoma bilan birgalikda mazkur Qoidalarning 6-13-bandlariga muvofiq rasmiylashtirilgan hujjatlar va talabnomani ajratish uchun belgilangan miqdorda boj to'langanligini tasdiqlaydigan hujjat topshiriladi. 57. Talabnoma beruvchi tomonidan taqdim etilgan qo'shimcha materiallar mazkur Qoidalarning 119, 120-bandlariga muvofiq ko'rib chiqiladi. 9-§. Talabnoma materiallari bilan tanishish 58. Talabnoma beruvchi (uning vakili) topshirilgan talabnoma va unga oid hujjatlar bilan oldindan kuni va soatini kelishib bevosita Patent idorasida yoki talabnoma hujjatlarining yohud ularning biror qismining nusxasini so'rash yo'li bilan tanishishi mumkin. So'ralgan hujjatlarning nusxalari tarif bo'yicha xizmatlarga tegishli xaq to'langan taqdirda talabnoma beruvchiga yuboriladi.
59. Huquqni saqlash organlari faqat tergov zaruriyati bo'lgan hollardagina talabnoma materiallari bilan bepul tanishadilar. 10-§. Talabnomani ko'rib chiqish jarayonida ekspertiza tomonidan ko'rsatilgan materiallar bilan tanishish 60. Talabnoma beruvchi ekspertiza qarorida ko'rsatilgan materiallar bilan tanishish huquqiga ega. 61. Materiallarning so'ralgan nusxalari tegishli xizmatga tarif bo'yicha haq to'langanidagina talabnoma beruvchiga jo'natiladi. 11-§. Talabnomani talabnoma beruvchining ishtirokida ko'rib chiqish 62. Talabnoma bilan bog'liq savollarni talabnoma beruvchi (uning vakili) ishtirokida ko'rib chiqish odatda, ekspertiza talabnoma berilgan belgi, tovarlar va xizmatlar ro'yxati bo'yicha qo'shimcha tushuntirishlar olish zaruriyati paydo bo'lgan holda va belgining ro'yxatdan o'tkazish shartlariga muvofiqligi to'g'risida ekspertizaning va talabnoma beruvchining pozisiyasini aniqlash uchun o'tkaziladi. Ikkala tomon shu savollar bilan tanishib chiqqandan so'ng Patent idorasining taklifiga yoki talabnoma beruvchining iltimosiga ko'ra talabnoma beruvchi ishtirokida ko'rib chiqish o'tkazilishi mumkin. Ekspertizaning savollari ekspert muhokamasini o'tkazish maqsadga muvofiqligi to'g'risida bildirilgan so'rovnomasida bayon qilinishi mumkin. So'rovnoma yuborilgan holda talabnoma beruvchi talabnomani ko'rib chiqishda qatnashish niyatidan qa'iy nazar so'rovnomaga Qonunda belgilangan muddatda javob berishi lozim. 63. Ekspert muhokamasini o'tkazish sanasi va vaqti oldindan kelishib olinadi. Agar biror tomon muhokamada belgilangan vaqtda qatnasha olmasa darhol ikkinchi tomonni xabardor qiladi. Patent idorasi yoki talabnoma beruvchi agar talabnomani birga ko'rib chiqishga vaqtli yoki maqsadga muvofiq emas deb hisoblasa Patent idorasining taklifi yoki talabnoma beruvchining iltimosi rad etilishi mumkin. Ushbu qoidalarning 40-43-bandlaridagi shartlar bajarilgan holda ekspert muhokamasida talabnoma beruvchining vakili qatnashishi mumkin.
64. Qonunning 13-moddasi 4-qismiga muvofiq talabnoma beruvchining yozma iltimosiga ko'ra so'ralgan materiallarni taqdim etish muddati uzaytirilish mumkin. Iltimos bilan birgalikda muddatni uzaytirish uchun belgilangan miqdorda boj to'langanligini tasdiqlovchi hujjat topshiriladi. 65. Muddatni uzaytirish to'g'risidagi iltimosnoma talabnoma beruvchiga so'rovnoma yuborilgan sanadan uch oy o'tmagan muddatda topshiriladi. 66. Talabnoma beruvchiga so'ralgan materiallarni taqdim etish muddati uzaytirilganligi to'g'risida bildirishnoma yuboriladi. 67. Agar iltimosnoma belgilangan muddat o'tgandan so'ng berilgan bo'lsa patent boji to'langanligini tasdiqlovchi hujjat taqdim etilmagan bo'lsa yoki to'langan boj summasi belgilangan miqdorga to'g'ri kelmasi so'ralgan materiallarni taqdim etish muddati uzaytirilmaydi. Bu holda talabnoma beruvchiga uning iltimosini rad etilganligi haqida bildirishnoma yuboriladi.
68. Qonunning 13-moddasi beshinchi qismiga muvofiq talabnoma beruvchi tomonidan ekspertiza so'rovi bo'yicha qo'shimcha materiallarni taqdim etishning o'tkazib yuborilgan muddatlari tiklanishi mumkin. 69. O'tkazib yuborilgan muddatni tiklash to'g'risidagi rasmiy iltimosnoma talabnoma beruvchi tomonidan muddat o'tib ketgan kundan boshlab ikki oy ichida muddatni o'tkazib yuborishga uzrli sabablarni ko'rsatgan holda topshiriladi. 70. Rasmiy iltimosnoma bilan birgalikda tegishli patent boji to'langanligini tasdiqlovchi hujjat taqdim etiladi. Agar shunday hujjat taqdim etilmagan bo'lsa rasmiy iltimosnoma topshirilmagan deb hisoblanadi va bu haqda talabnoma beruvchiga bildirishnoma yuboriladi. 71. O'tkazib yuborilgan muddat tiklanganligi to'g'risida talabnoma beruvchiga bildirishnoma yuboriladi. 72. 69-bandda ko'rsatilgan talablar bajarilmagan holda rasmiy iltimosnoma qondirilmaydi va bu haqda talabnoma beruvchiga bildirishnoma yuboriladi. 14-§. Talabnoma beruvchi tomonidan talabnomani chaqirib olish 73. Qonunning 17-moddasiga muvofiq talabnoma beruvchi talabnomani chaqirib olish huquqiga ega.
Talabnomani chaqirib olish to'g'risidagi ariza, talabnomani ko'rib chiqishning istalgan bosqichida, lekin tovar belgisini ro'yxatdan o'tkazish sanasiga qadar topshirilishi mumkin. Talabnoma beruvchiga chaqirib olish to'g'risidagi ariza qabul qilinganligi haqidagi bildirishnoma yuborilgan sanadan boshlab talabnoma chaqirib olingan deb hisoblanadi. 74. Jamoaviy tovar belgisiga talabnoma ushbu belgidan foydalanish huquqiga ega bo'lgan barcha huquqiy va jismoniy shaxslarning roziligi bo'lgan holda chaqirib olinishi mumkin. 75. Chaqirib olingan talabnoma bo'yicha huquqiy ahamiyatga molik amallar (bunday talabnoma ekspertizasi o'tkazilmaydi, tovar belgisi ro'yxatdan o'tkazilmaydi). Boshqa talabnomalarning ekspertizasini o'tkazishda chaqirib olingan talabnoma e'tiborga olinmaydi.
76. Agar Patent idorasiga kelib tushgan talabnoma eng kamida o'zbek yoki rus tilida tovar belgisini ro'yxatdan o'tkazishga ariza va talabnomani topshirish uchun patent boji to'langanligini tasdiqlovchi hujjat bo'lsa talabnoma kelib tushish sanasi ko'rsatilgan holda ro'yxatga olinadi. O'zbek yoki rus tilidan boshqa tilda topshirilgan talabnoma ro'yxatga olinmaydi va topshirgan shaxsga qaytarib yuboriladi. 77. Talabnomaga uchta harfli va sakkiz xonali raqamli kod beriladi. Unda birinchi harf (T) sanoat mulki ob'ekti turi - tovar belgisini, keyingi ikki harf (GU) muhofaza hujjati turi - tovar belgisini ro'yxatdan o'tkazishga guvohnomani bildiradi, sonlar (katta razryaddagi 4 ta son) esa talabnoma topshirilgan yilni va (kichik razryadli 4 ta son) shu yildagi har yili birdan boshlanadigan tartib raqamini bildiradi. 78. Ro'yxatga olingan talabnoma qaytarilmaydi. 79. Patent idorasiga kelib tushgandan boshlab chop etilgunga qadar talabnoma to'g'risidagi ma'lumotlar konfidensial hisoblanadi va noqonuniy oshkor qilinishi mumkin emas. 16-§. Rasmiy ekspertiza 80. Rasmiy ekspertizaning vazifasi talabnoma materiallari tarkibini, zarur hujjatlar mavjudligini va ularning belgilangan talablarga muvofiqligini tekshirish. Rasmiy ekspertiza natijalari bo'yicha talabnoma beruvchiga Patent idorasining talabnoma ko'rib chiqishga qabul qilinganligi yoki qabul qilinmaganligi haqidagi qarori yuboriladi. 81. Rasmiy ekspertiza muddati talabnoma Patent idorasiga kelib tushgan sanadan boshlab 30 kunni tashkil qiladi. Talabnoma beruvchiga so'rovnoma yuborilgan holda bu muddat mos ravishda uzaytiriladi. 82. Rasmiy ekspertiza o'tkazishda materiallar ichida quyidagi hujjatlar mavjudligi va ularning belgilangan talablarga muvofiqligi tekshiriladi: a) belgini tovar belgisi sifatida ro'yxatdan o'tkazishga ariza; b) talabnoma beruvchining nomi yoki nomlanishi, manzilgohning ko'rsatilganligi; v) patent vakilining ismi-sharifi, agar mavjud bo'lsa; g) talabnomada ro'yxatdan o'tkazish so'ralayotgan belgining tasviri; d) ro'yxatga o'tkazish so'ralayotgan tovarlar va xizmatlar ro'yxati; e) konvensiya ustuvorligi so'ralgan bo'lsa birinchi talabnoma nusxasi; j) ko'rgazma ustuvorligini so'rash qonuniyligini tasdiqlaydigan hujjat; z) tovar belgisini ro'yxatdan o'tkazishga talabnomani topshirish uchun patent boji to'langanligi to'g'risidagi hujjat; i) talabnoma jamoaviy belgiga oid bo'lsa, kelishuv; k) patent vakiliga berilgan ishonchnoma; l) o'zbek yoki rus tilidagi boshqa tilda topshirilgan materiallarning tarjimasi. 83. Tovar belgisini ro'yxatdan o'tkazishga talabnomani topshirish sanasi ushbu Qoidalarning 82- bandining a), b), v), g), d),z), bandchalarida sanab o'tilgan hujjatlar va ma'lumotlar talabnoma bilan birga topshirilgan bo'lsa yoki ulardan eng oxirgisi kelib tushgan sanadan belgilanadi. 84. O'zbek yoki rus tilidan boshqa tilda topshirilgan talabnomaning tarjimasi taqdim etilmaguncha hujjatlar topshirilmagan deb hisoblanadi. 85. Talabnoma materiallarida 82-bandning v), e), j), i) bandchalarida ko'rsatilgan ma'lumotlarning yoki hujjatlarning mavjud emasligi yoki ularning ushbu Qoidalardagi talablarga muvofiq emasligi talabnomani ko'rib chiqishga qabul qilinganligi haqida qaror chiqarish va talabnoma kelib tushgan sanani belgilash uchun to'siq bo'la olmaydi.
86. Ro'yxatga olinmagan talabnomada talabnomani topshirish uchun patent boji to'langanligini tasdiqlovchi hujjat mavjudligi tekshiriladi. Agar taqdim etilgan hujjatda talabnoma topshirish uchun patent boji TXXKning bitta sinfi uchun belgilangan miqdorda to'langan bo'lib, talabnomada ko'rsatilgan sinflar soniga mos kelmasa talabnoma beruvchiga tegishli bildirishnoma yuborilgan sanadan e'tiboran uch oy ichida zarur bo'lgan patent bojining yetishmagan qismini to'lash yoki sinflar sonini muvofiqlashtirish taklif qilinadi. Uch oylik muddat ichida patent bojining belgilangan miqdorga yetishmagan qismini to'langanligi tasdiqlovchi hujjat taqdim etilmasa, ko'rib chiqish talabnomada birinchi bo'lib ko'rsatilgan TXXK sinfiga nisbatan olib boriladi. 87. Agar rasmiy ekspertiza o'tkazish jarayonida talabnoma hujjatlari ushbu Qoidalarda belgilangan talablarga rioya qilinmagan holda rasmiylashtirilganligi aniqlansa, talabnoma beruvchiga so'rovnoma yuboriladi, so'rovnomada aniqlangan kamchiliklarni ko'rsatilgan va ushbu so'rovnoma jo'natilgan sanadan e'tiboran uch oy ichida yetishmagan yoki tuzatilgan ma'lumotlar yoki hujjatlarni taqdim etish taklif qilinadi. 88. So'rovnoma yuborish uchun xususan quyidagilar asos bo'ladi: a) talabnoma materiallarida ushbu Qoidalarning 82-bandi a), b), g), d), z), bandchalarida ko'rsatilgan ma'lumotlar va/yoki hujjatlar mavjud emasligi; b) to'langan patent bojining summasi belgilangan miqdorga muvofiq emasligi. Ushbu qoidalarning 82 - bandi v), e), j), i), bandchalaridagi ma'lumotlar yoki hujjatlarning faqat birortasi yetishmasa talabnoma rasmiy ekspertiza bosqichida so'rovnoma yuborilmaydi. 89. Agar talabnoma beruvchi taqdim etgan javobda so'ralgan barcha ma'lumotlar va/yoki hujjatlar bo'lmasa yana qayta so'rovnoma yuboriladi. 90. Rasmiy ekspertiza so'roviga javob olinmasa, javob berish uchun belgilangan muddat buzilgan bo'lsa va bu muddat ichida uni uzaytirish haqida iltimosnoma yuborilmasa, talabnoma beruvchiga talabnoma ko'rib chiqishga qabul qilinishini rad etish to'g'risida qaror yuboriladi. 91. Talabnoma materiallari belgilangan talablarga muvofiq bo'lgan, shuningdek so'ralgan ma'lumotlar talabnoma beruvchi tomonidan o'z vaqtida taqdim etilgan holda talabnoma topshirilgan sana belgilanadi va talabnoma ko'rib chiqishga qabul qilinganligi to'g'risidagi qaror talabnoma beruvchiga yuboriladi. 92. Agar talabnoma beruvchi tomonidan so'rovnomasiga rasmiy ekspertizaning taqdim etilgan javobda so'ralgan ma'lumotlar va/yoki hujjatlar bo'lmasa, talabnomani ko'rib chiqishga qabul qilishni rad etish to'g'risidagi qaror chiqariladi. Talabnomani ko'rib chiqishga qabul qilishni rad etish to'g'risidagi qarorda bunday qaror chiqarish uchun asoslar ko'rsatiladi.
17-§. Talabnomada ko'rsatilgan belgi ekspertizasi 93. Qonunning 15-moddasiga muvofiq talabnoma ko'rsatilgan belgi ekspertizasining vazifasi tovarlarning belgisi ustuvorligini belgilash va talabnoma berilgan belgining Qonunning 3 va 10-moddasi qoidalariga muvofiqligini tekshirishdir. 94. Talabnomada ko'rsatilgan belgi ekspertizasi natijalari bo'yicha tovar belgisini ro'yxatdan o'tkazish to'g'risida qaror yoki talabnomada keltirilgan belgini tovar belgisi sifatida ro'yxatdan o'tkazishni rad etish to'g'risidagi qaror tayyorlanadi. 95. Talabnomada ko'rsatilgan belgi ekspertizasi bo'yicha qaror chiqarilgunga qadar talabnoma beruvchiga ushbu belgining Qonunning 15-moddasi 2-qismi va ushbu Qoidalarning 97-bandiga muvofiqligini tekshirish natijalari bo'yicha so'rovnoma yuborilishi mumkin. So'rovnomada keltirilgan sabablarga asoslangan javob berish taklif etiladi. 96. So'rovnomada talabnomada ko'rsatilgan belgini tovar belgisi sifatida ro'yxatdan o'tkazishni rad etish uchun Qonun va ushbu Qoidalarga asoslangan sabablar keltiriladi. So'rovnoma javob yuborilgan sanadan e'tiboran uch oy ichida so'rovnomaga javob yoki javob muddatini uzaytirish haqidagi iltimosnoma taqdim etilishi kerak. Talabnomada ko'rsatilgan belgi ekspertizasi so'roviga javoban olinmagan yoki talabnoma beruvchi javob berish muddatini buzgan va shu muddatni uzaytirish haqida iltimosnoma bermagan holda talabnoma bo'yicha tovar belgisi sifatida ro'yxatdan o'tkazishni rad etish to'g'risida qaror qabul qilinadi. 97. Talabnomada ko'rsatilgan belgi ekspertizasi davomida quyidagilar amalga oshiriladi: a) talabnoma materiallarining va unga ilova qilingan hujjatlarning ushbu Qoidalarning 5-31- bandlarida ko'zda tutilgan talabnoma tarkibi va rasmiylashtirishga bo'lgan talablarga muvofiqligini qayta tekshirish; b) tovarlar va xizmatlar ro'yxatini va ularning TXXK sinflari bo'yicha guruhlanishi to'g'riligini tekshirish; v) Qonunning 12-moddasiga ko'ra tovar belgisi ustivorligini belgilash; g) talabnomada ko'rsatilgan belgining Qonunning 3, 10-moddalariga va ushbu Qoidalarning 4- bandiga muvofiqligini tekshirish; 98. Tovarlar va xizmatlar ro'yxatini tekshirish davomida quyidagilar aniqlanadi: a) talabnoma beruvchi tomonidan tovar va xizmatlarni belgilash uchun foydalanilgan atamalarning TXXKning biron bir sinfidagi aniq tovar yoki xizmat bilan ushbu Qoidalarning 27-bandi 3- qismi talablariga muvofiq bir xil identifikasiya qilish imkoniyati; b) talabnoma beruvchi tomonidan tovar va xizmatlarning TXXK sinflari bo'yicha to'g'ri guruhlanganligi. Talabnomada ko'rsatilgan tovarlar va xizmatlar ro'yxatini tuzatish zaruriyati tug'ilsa, ekspertiza talabnoma beruvchidan tegishli aniqliklar kiritishni so'rashga haqlidir. Agar TXXKning talabnoma beruvchi tomonidan sanab o'tilgan tovarlarga mos sinflari soni talabnomani topshirish uchun patent boji to'langan sinflar sonidan ortiq bo'lsa, talabnoma beruvchiga bojning yetishmagan qismini to'lash yoki huquq hajmini cheklash (talabnomada keltirilgan belgini ro'yxatdan o'tkazish so'ralayotgan TXXK sinflari sonini qisqartirish) to'g'risida bildirishnoma yuboriladi. Talabnoma beruvchi tomonidan patent bojining yetishmagan qismini to'lashdan yoki huquq hajmini kamaytirishdan bosh tortsa belgi ekspertizasi TXXKning bo'lib keltirilgan sinflariga nisbatan o'tkaziladi. 18-§. Tovar belgisi ustuvorligini belgilash 99. Tovar belgisining ustuvorligi Patent idorasiga tarkibida talabnoma beruvchi va uning joylashgan manzili yoki yashash joyi, talabnomada keltirilgan belgi, uning tavsifi va tovar belgisini ro'yxatdan o'tkazish so'ralayotgan tovar va xizmatlar ro'yxati keltirilgan ariza bo'lgan talabnoma topshirilgan sana bo'yicha belgilanadi. Agar talabnomada dastlab yuqorida sanab o'tilgan ma'lumotlar va/yoki hujjatlardan biri bo'lmagan bo'lsa, tovar belgisining ustuvorlik sanasi deb, yetishmagan ustuvorlikni belgilash uchun zarur bo'lgan ma'lumotlrni o'z ichiga olgan hujjatlarning eng oxirgisi kelib tushgan sana hisoblanadi. Tovar belgisining ustuvorligi shuningdek Parij konvensiyasiga a'zo davlatda berilgan birinchi talabnoma sanasi bo'yicha yoki Parij konvensiyasiga a'zo davlatlardan birining hududida tashkil qilingan rasmiy yoki rasmiy tan olingan xalqaro ko'rgazmada ushbu belgi bilan belgilangan eksponatlarning ochiq namoyish qilingan sanasi bo'yicha belgilanishi mumkin, agar Qonunning 12- moddasi 2-, 3- va 4-qismida ko'zda tutilgan talablarga rioya qilingan bo'lib, talabnoma beruvchi tomonidan so'ralayotgan ustuvorlikni tasdiqlaydigan zarur hujjatlar taqdim etilgan bo'lsa. 100. Qonunning 12-moddasi ikkinchi va to'rtinchi qismiga muvofiq konvensiya ustuvorlik so'ralgan holda quyidagilar tekshiriladi: a) talabnoma beruvchi tomonidan Parij konvensiyasiga a'zo davlatda topshirilgan birinchi talabnomaning nusxasi mavjudligi; Agar ko'rsatilgan nusxa talabnoma Patent idorasiga kelib tushgan sanasidan keyin taqdim etilsa, talabnoma nusxasi taqdim etilishi lozim bo'lgan uch oylik muddatga rioya qilinganligi; b) birinchi talabnoma topshirilgan sanadan xisoblanadigan konvensiya ustuvorligi so'ralgan talabnoma topshirilishi lozim bo'lgan olti oylik muddatga talabnoma beruvchi tomonidan rioya qilinganligi; v) konvensiya ustuvorligining belgilash haqidagi iltimosnoma Patent idorasiga talabnoma topshirilgan sanadan boshlab ikki oy ichida berilganligi; g) talabnomada ko'rsatilgan belgini tovar va xizmatlr ro'yxatining birinchi talabnomadagi belgi va tovar va xizmatlar ro'yxatiga muvofiqligi. 101. Ko'rgazma ustivorligi so'ralgan holda Qonunning uchinchi, to'rtinchi qismiga muvofiq quyidagilar tekshiriladi: a) ko'rgazma ustuvorligini tasdiqlaydigan hujjat mavjudligi ushbu Qoidalarning 11-bandida ko'zda tutilgan talablarga muvofiqligi;
b) ko'rgazma ustuvorligi so'ralgan talabnoma Patent idorasiga kelib tushishi lozim bo'lgan eksponat ko'rgazmasida ochiq ko'rsatib boshlangan sanadan boshlanadigan olti oylik muddatga rioya qilinganligi; v) ko'rgazma ustuvorligini belgilash to'g'risidagi iltimosni Patent idorasiga talabnoma kelib tushgan sanadan ikki oydan oshmagan muddatda taqdim etilishi; g) ko'rgazma ustivorligini belgilash so'ralgan belgi bilan belgilangan tovar ko'rgazmada namoyish qilingan bo'lsa, talabnomada ko'rsatilgan belgi namoyish etilgan tovarlardagi belgilarga muvofiqligi. 102. Talabnoma beruvchi tomonidan ushbu Qoidalarning 100- va 101-bandida ko'rsatilgan talablarda birortasi bajarilmasa, tovar belgisining ustuvorligi ushbu Qoidalarning 99-bandining birinchi, ikkinchi qismiga muvofiq belgilanadi va bu haqda talabnoma beruvchiga bildirishnoma yuboriladi.
103. Talabnomada ko'rsatilgan belgining Qonunning 3- va 10-moddalarida va ushbu Qoidalarning 4-bandida belgilangan talablarga muvofiqligi tekshiriladi. Agar talabnomada ko'rsatilgan belgi elementlari sifatida ushbu Qoidalarning 4-bandi (i-m) bandchalarida ko'rsatilgan belgilardan birini o'z ichiga olsa yoki faqat ushbu qoidalarning 4-bandi (a-z) bandchalarida ko'rsatilgan belgilardan iborat bo'lsa shu belgini tovar belgisi sifatida ro'yxatga olish mumkin emasligi haqida xulosaga kelinadi. Agar talabnomada ko'rsatilgan belgi faqat ushbu Qoidalaning 4-bandi (a-z) bandchasida ko'zda tutilgan muhofazaga layoqatli bo'lmagan belgilardan iborat bo'lmasa lekin ulardan birini o'z ichiga olgan bo'lsa: a) ushbu Qoidalarning 4-bandi (a-g) bandchalarida ko'rsatilgan belgilar mavjud bo'lgan holda tegishli vakolatli organ yoki ularning egalarining roziligi tasdiqlangan hujjat mavjudligi tekshiriladi. Bunday roziliksiz tovar belgisi ro'yxatdan o'tkazishga yo'l qo'yilmaydi; b) ushbu qoidalarning 4-bandi (d, e, j, z,) bandchalarida ko'rsatilgan belgilar mavjud bo'lgan holda ular tovar belgisida ustun mavqeiga egaligi tekshiriladi. 104. Barcha elementlarda belgi boshqa belgi bilan mos tushsa aynan bir xil deb hisoblanadi. Agar belgi belgiga umuman olganda o'xshash bo'lsa, alohida farqlariga qaramasdan boshqa belgi bilan aralashtirib yuborish darajasida o'xshash deb hisoblanadi. Aynan bir xillik va o'xshashlikni tekshirishda quyidagi amallar bajariladi: a) aynan bir xil va o'xshash belgilar qidiruvi o'tkaziladi; b) talabnomada ko'rsatilgan va qidiruvda topilgan belgilarning o'xshashlik darajasi aniqlanadi; v) talabnomada ko'rsatilgan tovarlarning (belgilar) ro'yxatga olingan (talabnoma berilgan) tovar belgilari bilan bir xilligi aniqlanadi. 105. Qonunning 10-moddasi 13-bandiga ko'ra aynan bir xillik va aralashtirib yuborish darajasida o'xshashlikka qidiruv quyidagi belgilar orasida o'tkaziladi: a) ekspertiza o'tkazilayotgan tovar belgisi ustuvorligidan avval bir xil tovarlarga O'zbekiston Respublikasida ro'yxatdan o'tkazilgan yoki boshqa shaxs nomiga ro'yxatdan o'tkazish so'rab talabnoma berilgan, nisbatan ancha ilgariroq ustuvorlikka ega bo'lgan tovar belgilari; b) Parij konvensiyasining 6-bis moddasiga muvofiq O'zbekiston Respublikasida umum e'tirof etilgan tovar belgilari; v) O'zbekiston Respublikasida belgilarni xalqaro ro'yxatdan o'tkazish haqidagi Madrid bitimiga muvofiq xalqaro ro'yxatdan o'tkazish asosida muhofaza qilinadigan tovar belgilari; g) ushbu Qoidalarning 4-bandi (i) - (z) bandchalaridagi shartlarni hisobga olgan holda tovar kelib chiqqan joy nomlari; d) belgilangan tartibda ro'yxatdan o'tkazilgan sertifikatlash belgilari bilan adashtirib yuborish darajasida bir xil yoki ularga aynan o'xshash bo'lgan belgilar. 106. So'zli belgilarning o'xshashligini aniqlash uchun ular quyidagilar bilan taqqoslanadi: a) so'zli belgilar bilan; b) tarkibiga so'zli belgilar kirgan jamlama belgilar bilan; So'zli belgilar o'xshashligi tovushli (fonetik), grafik (ko'z bilan ko'radigan) va mazmunan (semantik) bo'lishi mumkin. 107. Tovushli o'xshashlik quyidagi alomatlar asosida aniqlanadi: a) taqqoslanayotgan belgilarda yaqin va mos tushadigan tovushlar mavjudligi; b) belgilarni tashkil qiluvchi tovushlarning yaqinligi; v) yaqin tovushlar va tovush birikmalarining bir-biriga nisbatan joylashishi; g) mos bo'g'inlar mavjudligi va ularning joylashishi; d) belgilardagi bo'g'inlar soni; e) mos tovush birikmalarining belgi takibidagi o'rni; j) unli tovushlar tarkibining yaqinligi; z) undosh tovushlar tarkibining yaqinligi; i) belgilari bir-biriga mos qismlarining xarakteri; k) bir belgining ikkinchisiga kirishi; l) urg'u. 108. Grafik o'xshashlik quyidagi alomatlar asosida aniqlanadi: a) umumiy ko'rish taassuroti; b) shrift turi;
v) harflar xarakterini hisobga olgan holda grafik yozilishi (bosma yoki yozma, bosh yoki kichik harf);
g) harflarning bir-biriga nisbatan joylashishi; d) so'z harflari yozilgan alifbo; еe) rang yoki ranglar uyg'unligi; 109. Mazmunan o'xshashlik quyidagi alomatlar asosida aniqlanadi: a) belgilarda ifodalangan tushunchalar, g'oyalarning o'xshashligi xususan, belgi mazmunining turli tillarda mos kelishi; b) belgining mantiqiy urg'u berilgan va mustaqil ahamiyatga ega bo'lgan birorta elementning mos tushishi; v) belgida ifodalangan tushuncha, g'oyalarda qarama-qarshiligi; 110. Ushbu Qoidalarning 107-109- bandlarida sanab o'tilgan alomatlar har biri alohida va turli birliklarda hisobga olinishi mumkin. 111. Tasviriy va muayyan shakldagi hajmli belgilarning o'xshashligini aniqlash uchun ularni quyidagilar bilan taqqoslanadi: a) tasviriy belgilar bilan; b) hajmli belgilar bilan; v) tarkibiga tasviriy va hajmli elementlar kirgan jamlama belgilar bilan. 112. Tasviriy va muayan shakldagi hajmli belgilarning o'xshashligi quyidagi alomatlar asosida aniqlanadi: a) tashqi shakli; b) simmetriya mavjudligi va mavjud emasligi; v) mazmuni; g) tasvir ko'rinishi va xarakteri (tabiiy, o'ziga xosligi, hajviy) va h.k.); d) rang uyg'unligi; Sanab o'tilgan alomatlar har biri alohida va turli birikmalarda hisobga olinishi mumkin. 113. Jamlama belgining o'xshashligini aniqlash uchun quyidagilar bilan taqqoslanadi: a) jamlama belgilar bilan; b) tekshirilayotgan jamlama belgi tarkibiga uning elementi sifatida kiradigan belgilar turi bilan.
Jamlama belgilarning o'xshashligini aniqlashda ushbu Qoidalarning 106-112-bandlarida keltirilgan alomatlardan foydalaniladi va aynan o'xshash yoki o'xshash elementning talabnomada ko'rsatilgan belgidagi holatning ahamiyati tekshiriladi. 114. Tovarlarning bir xil jinsliligini belgilashda iste'molchida shu tovarlar bitta ishlab chiqaruvchiga qarashli degan tasavvur paydo bo'lish ehtimoli aniqlanadi. Tovarlarning bir jinsliligini belgilashda tovarlarning turi vazifasi, ular tayyorlangan material turi, tovarlarni sotish sharti iste'molsi doirasi va boshqa alomatlar.
115. Agar qo'shimcha materiallarsiz talabnomada ko'rsatilgan belgining ekspertizasini o'tkazish mumkin bo'lmasa Qonunning 13-moddasi uchinchi qismiga muvofiq talabnoma beruvchiga so'rovnoma yuboriladi. So'rovnoma yuborish uchun quyidagi shartlar asos bo'lishi mumkin: a) ushbu Qoidalarning 7-11- va 28-30-bandlarida ko'rsatilgan hujjatlarni taqdim etish zarurligi; b) tovar va xizmatlar ro'yxati va tasnifni aniqlashtirish zarurligi; v) talabnomada ko'rsatilgan tovar va xizmatlar ro'yxati tasnifini aniqlashtirish natijasida to'langan patent boji TXXK sinflari soniga to'g'ri kelmasligi aniqlansa, bojning yetishmagan qismini to'lash zarurligi. Bu xolda talabnoma beruvchiga agar patent boji to'langanligini tasdiqlovchi hujjat taqdim etilmagan yoki o'z huquqlar hajmini kamaytirish rad etilgan taqdirda talabnomada ko'rsatilagan belgi ekspertizasi talabnomada birinchi ko'rsatilgan sinflarga nisbatan o'tkaziladi; g) talabnomada ko'rsatilgan belgi tasviriga aniqlik kiritish zarurligi; d) barcha tovarlar va xizmatlar yoki ularning bir qismi uchun ro'yxatdan o'tkazishga avvalroq topshirilgan o'xshash tovar belgilari yoki belgilar aniqlanganligi sababli yuzaga kelgan savollarni hal qilish zarurligi. Yuqorida keltirilgan asoslar bo'yicha tuzilgan so'rovnomaga talabnomani ko'rib chiqishda kelib chiqqan boshqa xarakterdagi savollar va shuningdek, ustuvorlikni belgilash bilan bog'liq savollar kiritilishi mumkin. 116. Taqdim etilgan hujjat yoki ma'lumotlar istalgan birorta xaqiqiyligi (ishonchli) bo'yicha ekspertizada asosli shubha tug'ilsa ekspertiza talabnoma beruvchidan tasdiqlovchi isbot ma'lumotlarini so'rashga haqli. 117. Ekspertizaning so'rovnomada keltirilgan fikri xususan Qonun moddalariga, ushbu Qoida va boshqa me'yoriy hujjatlarga izoh berilgan holda asoslangan bo'lishi kerak. 118. Talabnoma beruvchi tomonidan ekspertiza so'rovnomasi bo'yicha taqdim etilgan qo'shimcha materiallar ushbu Qoidalarning 119- va 120-bandlariga muvofiq ko'rib chiqiladi. 21-§. Qo'shimcha materiallarni tekshirish 119. Patent idorasining so'rovnomasi bo'yicha talabnoma beruvchi tomonidan qo'shimcha material taqdim etilgan holda ularning taqdim etishga belgilangan muddatlarga rioya qilinganligi tekshiriladi. 120. Talabnoma beruvchi tomonidan Patent idorasining so'rovnomasi bo'yicha yoki o'z tashabbusiga ko'ra qo'shimcha materiallar kelib tushgan va ko'rib chiqishga qabul qilingan holda, ular talabnoma mohiyatini o'zgartirmasligi tekshiriladi. Qo'shimcha materiallar talabnoma mohiyatini o'zgartiradi deb e'tirof etiladi, agar: a) ular talabnomada ko'rsatilgan belgi o'zgartirish kiritsa; b) ular tovar va xizmatlar ro'yxatiga talabnomada ko'rsatilmagan tovarlar va xizmatlarni qo'shsa. 22-§. Tovar belgisini ro'yxatdan o'tkazish to'g'risidagi qaror 121. Talabnomada ko'rsatilgan belgi talabnoma beruvchi tomonidan taqdim etilgan tovarlar va xizmatlar ro'yxatidagi barcha tovar va xizmatlar uchun Qonunning 3- va 10-moddalarida belgilangan talablarga javob berishi aniqlansa, shu ro'yxatda berilgan tovar va xizmatlar uchun tovar belgisini ro'yxatdan o'tkazish to'g'risida qaror qabul qilinadi. 122. Agar talabnomada ko'rsatilgan belgi ushbu Qoidalarning 121-bandida ko'rsatilgan talablarga tovarlar va xizmatlarning bir qismi uchun javob bersa, tovar belgisi ro'yxatdan o'tkazish to'g'risidagi qaror tovarlar va xizmat shu qismiga nisbatan qabul qilinadi. 123. Tovar belgisini ro'yxatdan o'tkazish o'g'risidagi qarorda tovar belgisida muhofaza qilinmaydigan elementlar ko'rsatiladi. Agar ro'yxatdan o'tkazishga belgi rangli tasvirda berilsa tovar belgisini ro'yxatdan o'tkazish to'g'risidagi qarorda belgidagi rang yoki ranglar uyg'unligi ko'rsatiladi. 124. Tovar belgisini ro'yxatdan o'tkazish to'g'risidagi qarori ro'yxatdan o'tkazish sanasiga qadar O'zbekiston Respublikasining xalqaro shartnomalari xususan Sanoat mulki muhofazasi bo'yicha Parij konvensiyasi va Belgilarni xalqaro ro'yxatdan o'tkazish to'g'risidagi Madrid bitimi asosida avvalroq ustuvorlikka ega bo'lgan aynan o'xshash yoki aralashtirib yuborish darajasida o'xshash tovar belgisiga talabnoma kelib tushish munosabati bilan qayta ko'rib chiqishi mumkin. 23-§. Tovar belgisini ro'yxatdan o'tkazishni rad etish to'g'risidagi qaror 125. Agar Qonunning 15-moddasi birinchi va ikkinchi qismlariga muvofiq o'tkazilgan talabnomada ko'rsatilgan belgi ekspertizasini o'tkazish natijasida belgi tovar va xizmatlar ro'yxatining hammasi uchun ushbu qoidalarning 4-bandida keltirilgan talablarga muvofiq kelmasa, talabnoma beruvchiga tovar belgisini ro'yxatdan o'tkazishni rad etish to'g'risida qaror yuboriladi. Document Outline
Download 164.9 Kb. Do'stlaringiz bilan baham: |
ma'muriyatiga murojaat qiling