Qoraqalpog`iston geografiyasi
Download 0.83 Mb. Pdf ko'rish
|
- Bu sahifa navigatsiya:
- Qurilish materiallari sanoati.
- To`qimachilik sanoati
Energetika sanoati. Og`ir sanoatning bu tarmog`i Qoraqalpog`istonda ikkinchi jahon urushidan keyingina paydo bo`ldi va respublikaning xalq xo`jaligini industriyalash-tirishda o`ziga xos o`rin egallamoqda. Yaqin yillargacha elektr energetika sanoati yoqilg`i bazasining yo`qligi sababli kichik va katta elektr stantsiyalaridan iborat edi. Masalan, 1961 yillarda 411 ta elektr stantsiyasi hammasi bo`lib, 147,7 mln kvt soat elektr energiyasini berdi. Bularning quvvati 500 kvt va undan yuqori bo`lgan stantsiyalarning soni 16 ta bo`lib, ular 125 ,9 mln kvt soat yoki Qoraqalpog`istoning yillik elektr energiyasining 15,2% ini tashkil etadi. Qolgan 395 ta elektr stantsiyasi faqat 21,8 mln kvt soat, yoki respublika bo`yicha umumiy ishlab chiqarilgan elektr energiyasining 14,8% ini berdi. 1960 yillardan boshlab Taxiatosh GRESining birinchi va ikkinchi navbatdagi quvvatlarini amalga oshirishga bog`liq holda 1975 yilning o`zida respublikada yillik energiyaning o`sish hajmi 1,8 mlrd kvt soatga etdi va mustahkam texnik bazaga ega bo`ldi. Natijada 1940 yillarda ishlab chiqarilgan elektr energiyasining miqdori hozir bir necha soat davomida ishlab chiqariladi. Aholi jon boshiga elektr energiyasining 2672 kvt.soatga etishi Qoraqalpog`istonni bu ko`rsatkich bo`yicha ko`plab davlatlarni ortda qoldirishiga olib keldi. Taxiatosh TESi hozir faqat Qoraqalpog`istondagina emas, balki qo`shni Xorazm viloyatini ham elektr energiyasi bilan ta`minlamoqda. 1964 yili Taxiatosh GRESining quvvati 48 ming kilovatga etdi. 1965-1970 yillarda har birining quvvati 100 ming kvt bo`lgan ko`shimcha 3 turbogenerator o`rnatildi. Shunday qilib, 1970 yilda bu TESning umumiy quvvati 348 ming kilovatga etkazildi. 1990 yildan boshlab esa Taxiatosh GRESining quvvati 420 ming kvt.ga oshirildi. Respublikamiz hududidan Buxoro-Ural gaz quvo`rining o`tishi Taxiatosh TESini gaz bilan ta`minlashga yo`l ochdi. 1961 yili har bir kvt elektr energiyasining tannarxi 6 tiyindan ortiqroq bo`lgan bo`lsa, 80-yillarining oxiriga kelib 1,2 tiyingacha arzonlashdi. Hozir TES yangi texnik bazaga ega bo`ldi. Bu qisqa vaqt ichida elektr energiyasining tannarxini 5 hissa arzonlatishga olib keldi.
1970 yillardan boshlab yuqori vol`tli elektr tokini beruvchi liniyalarining qurilishi Taxiatoshdan Nukus va Qo`ng`irotga, Mang`it, Beruniy va To`rtko`l, Toshhovuz va Urganchga hamda boshqa shaharlarga etkazildi. Shunday qilib, rivojlangan Qoraqalpog`iston energiya tizimi paydo bo`ldi. Elektr energiyasini ishlab chiqarishning ortishi bois, unga talab ham kuchaymoqda. Hozir respublikamizda elektr energiya-sidan foydalanmaydigan bitta ham sanoat korxonasi va fermer xo`jaligi yo`q.Shunday qilib, elektr energiyasidan foydalanishning tarkibi xalq xo`jaligining talablariga to`liqroq javob bera boshladi. Keyingi yillarda elektr energiyasiga qishloq xo`jaligining ham talabi ancha ko`paymoqda. Hozir respublikamizda umumiy ishlab chiqariladigan elektr energisining 12% i qishloq xo`jaligida foydalanilmoqda. Respublikamizning bundan keyin ham tabiiy gazga bo`lgan talabini hisobga olib, Qoraqalpog`istonda yirik energetik markaz tuzilishining imkoniyati mavjud, deb xulosa qilish mumkin. Respublikada elektr energiyaga bo`lgan katta talablarga muvofiq stantsiyalarning va agregatlarning qurilishini tezlatish Qoraqalpog`istonda elektro energetikani rivojlantirishning asosiy yo`nalishi bo`lishi shart. Kelajakda Qoraqalpog`istonnining janubiy mintaqalarida quvvati 1-3 mln. kilovatlik gaz bilan ishlaydigan yirik elektrostantsiya qurish maqsadga muvofiqdir. Amudaryoning quyi oqimida bunday elektr stantsiyasini qurish katta ahamiyatga ega. U Xorazm vohasi xalq xo`jaligining, ayniqsa, erlarni o`zlashtirish va yangidan paydo bo`ladigan ximiya sanoatining talabini qanotlantirib, Quyi Amudaryo iqtisodiy rayonining boshqa mintaqalarga arzon elektr energiyasini etkazib berishiga imkoniyat yaratadi.
18
Qurilish materiallari sanoati. Qoraqalpog`istonda energetika sanoatini rivojlantirish va shu asosda xom ashyo resurslaridan kengroq foydalanishga imkoniyat tayyorlash, respublikada qurilish materiallari sanoatini rivojlan-tirishga keng yo`l ochdi. Qurilish materiallari sanoatining o`sish tezligi keyingi vaqtda sanoatning boshqa tarmoqlariga qaraganda yuqori bo`ldi. Shunga qaramasdan qurilish materiallarini ishlab chiqaradigan korxonalarda hanuzgacha foydalanilmayotgan ko`p rezervlar uchraydi. Bu imkoniyatlarni amalga oshirish qurilish materiallarini ishlab chiqaradigan hozirgi korxonalarning quvvatidan va qurilish materiallarining barcha turlaridan to`liq foydalanishni talab qiladi. Masalan, silikat bloklari va temir-beton plitalari g`ishtga qaraganda foydali va arzon ekanligi ma`lum. Biroq, g`isht qurilish materiallari ichida 1-o`rinni egallamoqda va Qoraqal-pog`iston sharoitida, ayniqsa, qishloq qurilishlari uchun asosiy qurilish materiallaridan biri bo`lmoqda. Bu g`isht zavodlarining quvvatidan yanada to`laroq foydalanish zarurligini ko`rsatadi. Keyingi yillarda ayrim ish jarayonlarini mexanizatsiyalash va ishlab chiqarishni to`g`ri tashkillashtirish hisobidan g`isht zavodlarida mahsulot ishlab chiqarish bir qancha ko`paydi. Xo`jayli, Nukus, Beruniy va Qo`ng`irot g`isht zavodlarida tuproq chiqarish va g`isht quyish mexanizatsiyalashtirildi. Xo`jayli va Nukus zavodlarida g`ishtni avtomatlashgan jihozlar yordamida quritishga o`tildi. Bu respublikamizda chiqariladigan umumiy g`ishtning 3/4 qismiga to`g`ri keladi. Respublikamizdan gaz quvuri liniyasining o`tishi g`isht zavodlarini arzon yoqilg`i bilan ta`minladi. Natijada g`isht ishlab chiqarish ancha ko`paydi. Biroq g`isht zavodlarining texnik- iqtisodiy ko`rsatkichlari hali talabga to`la javob bera olmasligini aytib o`tish kerak. Yuqorida ko`rsatilgan yutuqlarga qaramasdan respub-likamizda g`isht zavodlarini texnik tomondan ta`mirlash darajasi yurtimizdagi ko`plab korxonalardan orqada qolmoqda. Keyingi yillarda qurilish materiallarini ishlab chiqaradigan korxonalarni yiriklashtirish va ularga boshchilik etishning yaxshilanishi qurilish materiallarining ko`payishiga olib keldi. Ayniqsa, ularning maxsulotlarini hozirgi zamon qurilishining talabiga ixtisoslasha boshladi. Tarkibiy temir-beton konstruktsiyalaridan qurilishda keng foydalana boshlandi. 1958 yildan boshlab temir-beton ishlab chiqaruvchi mexanizatsiyalashtirilgan korxonalar ishga kirisha boshladi, 1963 yili esa Nukusda qurilish kombinati, Taxiatosh temir-beton zavodi va boshqada korxonalar foydalanishga berildi. Qoratov rayonsida qurilish materiallari sanoatning xom ashyo tayorlaydigan ishlab chiqarish bazasi kengaytirildi. Bu respublikada yil sayin qurilish materiallarini etishtirishning hajmini orttirdi. Statistik ma`lumatlarga kura respublikamizda qurilish materiallarining bir qancha o`sganligini ko`ramiz.
Biroq
ishlab chiqarishning o`sish tezligi
talabni hozircha qondirmaydi.Sababi, qurilish materiallarini ishlab chiqaruvchi korxonalar kam va ularning ishlab chiqarish quvvati har-xil turdagi mahsulotlarni tayyorlashga javob bermaydi. Shu tufayli qurilish materiallari sanoatining rivojlanish sur`ati bu sohaga qo`yilgan talablarni qondirmaydi. Shunga muvofiq bu tarmoqni tez vaqt ichida og`ir sanoatning belgili tarmog`iga aylantirish zarur. Qurilish materiallarini ishlab chiqarish darajasining talabdan orqada qolishi Korokolpogistonga aholining boshqa viloyatlardan ko`pgina qurilish mateiallarini olib kelishini taqozo etadi. Bu hol qurilish materiallarini tashish uchun ko`p sarf talab qiladi va qurilishning tannarxini qimmatlashtiradi. Keyingi yillarda Qoraqalpog`istonga boshqa viloyatlardan millionlab dona g`isht tashib kelinmoqda. Uni tashish uchun sarf etiladigan xarajat ham ko`paymoqda.Qurilish materiallari sanoatining hozirgi ahvolini tekshirish qurilish materiallarini ishlab chiqaruvchi korxonalarni joylashtirishda faqat yirik qurilishning talabigina hisobga olinganligini ko`rsatadi. Qurilish materiallari sanoati hozir Nukusda, Taxiatoshda, Xo`jaylida, Beruniy, Qo`ng`irot, Amudaryo va boshqa tumanlarda joylashgan. Bu shaharlar va tumanlarda yirik sanoat korxonalari to`plangan. Natiyjada 2000 yili respublikada etishtiriladigan g`ishtning yarmidan ko`pi Xo`jayli va Nukusda tayyorlandi. Lekin, Respublikamizning 47 foiz aholisi yashaydigan va yangi dexkonchilikga ixtisoslashgan xo`jaliklarida joylashgan g`isht zavodlari eski texnologiyaga asoslangan va g`isht mahsulotlariga bo`lgan talabni qondirmaydi. Shunday qilib kelajakda qurilish materiallarini ko`paytirish uchun uning ishlab chiqarish bazalarin kengaytirish va qurilish materiallari sanoati korxonalarini respublika hududi bo`yicha maqsadga muvofiq joylashtirish zarur. 19
Agar kelajakda respublikada asfal`tlangan avtomobil` yo`llarini qurish, shaharlarning gidromeliorativ sharoitiga va sanoat majmualarining talabiga asosan yangi ob`ektlarini qurish masalalarini hisobga olsak, unda kelajakda qurilish materiallariga bo`lgan ehtiyoj yanada ortadi. Shuning uchun qurilish sanoatida etishtiriladigan mahsulotlarning hajmini ko`paytirish uchun hozirgi bor korxonalarning ishlab chiqarish quvvatlaridan to`liq foydalanish va ishlab chiqarish sohalarida yangi texnologiya asosida mahsulot tayyorlashini kengaytirish kabi ishlarni amalga oshirish kerak. Mavjud ishlab chiqarish quvvatlaridan to`liq foydalanish uchun Qo`ng`irot, Nukus, Chimboy, Beruniy, Mang`it, Xo`jayli, Taxtako`pir va To`rtko`l g`isht zavodlarining ish ritmiini oshirish zarur. Ayniqsa, ularda g`isht tayyorlovchi korxonalarning ish jarayonini yakunlash va g`isht quritish protsessini tezlatish kerak. Bu choralar hozirgi zavodlarda etishtirilayotgan g`ishtning yillik miqdorini 200 mln donaga etkazishga imkoniyat tug`diradi. Shu bilan birga, Beruniy, Mang`it ohak zavodlarini ta`mirlashini rejalashtirilish zarur. Shuning hisobidan bu ikki zavod yiliga 60 ming tonna ohak ishlab chiqaradigan bo`ladi. Nukus, Xo`jayli, Oqtov va Mang`itdagi noruda materiallarni ishlab chiqaruvchi korxonalarda ish jarayoni (tosh qo`porish, maydalash va saralash) mexanizatsiyalashtirish-graviy, shag`al va yirik toshlarning yillik miqdorini 1500 ming tonnaga etkazishga imkoniyat yaratadi. Qo`shma temir-beton va silikat bloklari materiallarini ishlab chiqaruvchi korxonalarda bug`lantiruvchi kameralar bilan avtoklablarning quvvatliligini orttirib, yuklash, tushirish jarayonini mexanizatsiyalashtirish orqali har yili ishlab chiqariladigan temir-beton konstruktsiyalarining miqdorini 450 ming metr kubgacha etkazish mumkin. Qurilish materiallari sanoatining rivojlanishi uning xom ashyo bazasining o`rganilishiga bog`liq bo`ladi. Lekin uzoq yillar davomida Qoraqalpog`istonda qurilish materiallari sanoatining xom ashyo bazasini tekshirish va tadqiqot ishlarini rejalashtirishning yo`qligidan ortda qolib keldi. Hozir qurilish materiallarining ishlab chiqarish markazlarini tuzish va geografik joylashtirish masalalari ancha kulga olindi. O`tkazilgan tadqiqotlarning yakunlariga va qurilish materiallari xom ashyo bazasining xarakteriga asoslanib, olimlarimiz respublika hududini 4 rayonga bo`ladi. 1. Noruda har xil qazilma boyliklariga ega. Sulton Uvays-Jumurtov raioni; 2. Keramika xom ashyosi va inert materiallariga boy Toshsaqa-Tuyamo`yin raioni; 3. Mergel`, gips va ohak tosh chiqaradigan Kegeyli-Chimboy-Taxtako`pir raioni; 4. Loy, gips, karbonat va tal`k xom ashyosiga boy Sulton Uvays-Jumurtov raioni. Xalq xo`jaligi uchun Sulton Uvays-Jumurtov zonasidagi noruda qazilma boyliklarni o`zlashtirish alohida ahamiyatga ega. Bu rayonda qurilish materiallari uchun eng yirik va qulay xom ashyo bazasi joylashgan. Shunga ko`ra Sulton Uvays-Jumurtov zonasida sanoat korxonalarni qurish va uning ishlab chiqarish bazalarini tashkil etish qurilish sanoatini rivojlantirishga qaratilgan eng yirik va ahamiyatli rejalarning biri bo`lib hisoblanadi. Qoraqalpog`istonda 2000 yillarga kelib og`ir sanoat majmuasining ayrim tarmoqlari, ayniqsa, gaz sanoati, ximiya sanoati shisha va farfor fayans sanoati, shu bilan birga tuz sanoati tarmoqlarini tuzish bo`yicha katta amaliy ishlar amalga oshirildi. 1996 yil davomida Qo`ng`irot gaz kondensatini etishtiradigan Urga korxonasida respublika tarixida birinchi marta 4,8 ming tonnadan ortiq gaz kondensati, 652,9 mln. m 3 tabiiy gaz ishlab chiqildi. Italiya firmalarining ishtiroki bilan Nukus marmar zavodida yiliga 60 ming kv metr marmar bo`laklarini tayyorlaydigan yangi tsex ish boshladi. Xo`jayli shahrida yillik quvvati 45 mln dona shisha va banka tayyorlaydigan shisha zavodi foydalanishga topshirildi va dastlabki mahsulot chiqarila boshladi. Ximiya sanoatining Qoraqalpog`istondagi va hatto O`rta Osiyo davlatlaridagi eng yirik markazi Qo`ng`irot soda zavodining qurilishi juda tezkorlik bilan amalga oshirilmoqda. Bu korxona uchun dastlabki xom ashyo sifatida Qoraumbat tuz koni, keyinchalik esa Borsakelmas tuz konlari foydalaniladi. Agar Qoraqalpog`iston aholisining osh tuziga bo`lgan yillik ehtiyoji 2550 tonna chamasida deb olsak, bu nomi aytilgan tuz konlarining zahiralari faqat Qoraqalpog`iston respublikasi emas, balki O`rta Osiyo respublikalari aholisining osh tuziga bo`lgan talabini uzoq yillar davomida qondira oladi. engil sanoat. Qoraqalpog`istonda engil sanoat tarmog`i sanoat majmuasining eng rivojlangan tarmoqlaridan sanaladi. Bu tarmoq respublikaning sanoat majmuasi bo`yicha etishtiriladigan yillik mahsulotning 33-35% ini va ishchi xizmatchilarning 33,5% ini jamlaydi. Keyingi yillarda engil
20
sanoat tarmoqlari yangi texnologik uskunalar bilan qayta ta`mirlandi va bu tarmoqning geografik joylashuviga ham katta o`zgarishlar kiritildi. Masalan, 1961-2000 yillar ichida engil sanoat tarmoqlarida asosiy ishlab chiqarish fondlarining qiymati 3,7 hissaga ko`paytirildi. Bu mahsulot etishtirishning darajasini 1,7 hissaga orttirishga olib keldi. Hozir respublikada ko`ra engil sanoatning asosini paxta tozalash sanoati tashkil etmoqda. engil sanoatning boshqa sohalaridan ip yigirish va to`qish, tikish fabrikalari, trikotaj mahsulotlari tayyorlash yo`lga qo`yilgan. Biroq bu tarmoqlar endigina rivojlanish imkoniyatiga ega bo`ldi va yillik mahsulotining 25% i etishtiradi. Qolgan 72% mahsulot paxta tozalash sanoatining ulushiga to`g`ri keladi. Paxta tozalash sanoati. Karokolpogistonda 1960 yillardan boshlab paxta tozalash sanaoti rivojlana boshladi. Bo`nga Qo`ng`irot-Chorjov, Nukus-Uchkuduk-Toshkent yo`nalishidagi temir yo`l liniyasining ishga tushishi katta imkoniyatlar ochdi. O`rta Osiyo va jahonning boshqa davlatlaridan paxta tozalash sanoati uchun mashinalar jihozlari olib kelinishiga yo`l ochildi. Bu paxta tozalash sanoatini ta`mirlash uchun texnik baza tuzdi. Hozir Qoraqalpog`istonda 9 ta paxta tozalash zavodi va 44 ta paxta tayyorlash punkti bor. Paxta tozolash korxonolarida 49 ta qurituvchi-tozalovchi tsexlar bor. Bunday tsexlar boshqa paxta tayyorlash punktlarida ham qurilmoqda. Paxta sifatining yaxshilanishi esa ko`pincha uni quruqsiz saqlashga bog`liq. Paxta yig`im-terim mavsumida yuqorida ko`rsatilgan qurituvchi, tozalovchi tsexlarsiz, paxtani nam holda toylash qiyin. Shuning uchun hozirgi vaqtda qurituvchi, tozalovchi tsexlarning quvvatini orttirishga va ulardan samarali foydalanishga katta ahamiyat berilmoqda. Qurituvchi, tozalovchi tsexlar alohida ishlab chiqaruvchi soha bo`lib shakllanmoqda. U paxta tozalash zavodidan texnologik tuzilishi, mashinalar tizimi va ish jarayoniga ixtisoslashishi bo`yicha ajralib turadi. Paxta tozalash sanoatidagi bunday tarkibiy turli o`zgarishlarni ham hisobga olish zarur. Chigitdan lint olishni orttirish paxta tozalash sanoatining ishlab chiqaruvchi va iqtisodiy ko`rsatkichlarning ko`tarishiga yordam beradigan masalalardan hisoblanadi. Paxta etishtirish har yil sayin o`sishi kerak. 1990 yili Qoraqalpog`iston bo`yicha 361 ming tonna paxta etishtirildi, ya`ni 1965 yili bilan qiyoslaganda 101 ming tonna ko`p. Paxtachilik tarmog`ining rivojlanishi sababli paxta tozalash sanoatida ham texnik-iqtisodiy ko`rsatkichlar yaxshilanmoqda. Keyingi yillarda lint etkazish ham biroz o`sdi. Agar 1965 yili 9,4 ming tonna lint olingan bo`lsa, 1996 yili bu kursatkish 14,5 ming tonnaga etdi. Biroq chigitdan lint olish bo`yicha holi foydalanilmayotgan rezervlar ko`p. Masalan, ayrim yillarda, ayniksa Mang`it paxta tozalash zavodi bo`yicha lint tolasining chiqarilishi 7,36 % bo`lsa, Qo`ng`irot paxta tozalash zavodida lint tolasining chiqishi 4,49 %ni, Xo`jayli paxta tozalash zavodida 8,6% tashkil etdi. Olimlarning aniqlashlariga qaraganda, lintning chiqimi lint olishning takrorlanishiga bevosita bog`liq, ya`ni chigitdan lint olish qancha ko`p takrorlansa, lintning chiqimi ham shuncha ko`p bo`ladi. Masalan: Mang`it paxta tozalash zavodida chigitdan lint olish jarayoni 3 marta takrorlangan, Qo`ng`irot, Xo`jayli paxta tozalash zavodlarida faqat 1 martagina o`tkazilgan. Lint paxtadan olinadigan qimmatbaho mahsulotlardan biri bo`lib, o`nga talab yildan-yilga ko`paymoqda. Shuning uchun keyingi vaqtlarda chigitlardan lint tayyorlash jarayoni ko`payishiga va paxta zavodlarining barchasida chigitni 3 marta linterlashga o`tishni ta`minlashga alohida ahamiyat berilishi kerak. Paxta tozalash zavodlarida ishlab chiqarish jihozlaridan foydalanishning bir qancha yaxshilanganligini yuqoridan keltirilgan ko`rsatkichlar dalillaydi. Agar djinlarning unumdorligi 1965 yili har pilo-salt hisobida 6,79 kg bo`lsa, 2000 yili 7,69 kg etdi. Biroq ishlab chiqarish korxonalarida texnologik tomondan hanuzgacha foydalanilmayapdi. Paxta tozalash korxonalarida ishlab chiqarish fondlaridan samarali foydalanish masalasi paxta zavodlarini, respublikamizning hududlari bo`yicha to`g`ri joylashtirishni talab qiladi. Kelajakda paxta zavodlarini joylashtirishda quyidagi masalalarga alohida e`tibor berilishi kerak. Hozir Qo`ng`irot paxta tozalash zavodining quvvatidan to`liq foydalanilmayapti. Bu zavodning ishlab chiqarish quvvati bilan xom ashyo bazasining o`rtasidagi nomutanosiblikni yo`qotish kerak. Shundagina Qo`ng`irot paxta tozalash zavodining yillik samaradorligi 33,6 ming tonna paxtani chigitdan ajratishga yo`l ochadi. Bizning hisobimizcha, Chimboy va Xalqobod paxta tozalash zavodlarining ishlab chiqarish quvvati kelajakda ularning xom ashyo bazasidan ortishi mumkin. Shuning uchun bu zavodlarda paxta tozalovchi mashinalarning sonini va shu navbatligini o`zgarishsiz qoldirishga bo`ladi. Buni respublikamizning janubiy rayonsidagi Mang`it paxta tozalash zavodi uchun ham taklif qilish
21
mumkin. Sababi bu zavodning ham ishlab chiqarish quvvati uning xom ashyo bazasi bilan mos keladi. Beruniydagi paxta tozalash korxonalari 2 ta zavoddan iborat. Ularning ikkalasi ham Beruniyda joylashgan har bir boshqarmaga birikadi. Bu zavodlarning birida 5 djin, ikkinchisida 3 djin o`rnatilgan. Kelajakda Beruniy, Ellikqal`a tumanlari respublikamizning eng samarador paxtachilik tumanlari bo`lib qoladi. Shuning uchun keyingi vaqtlarda bu tumanlarning yangi massivlarini paxta ekinlariga o`zlashtirib va paxta hosildorligini deyarli ko`paytirish yo`li bilan paxta etishtirish ancha ortadi. Shunday qilib paxta tozalash zavodlarining xom ashyo bazasi bilan moslashtirish bo`yicha yuqorida ko`rsatilgan ishlar amalga oshirilgan holda ularning umumiy ishlab chiqarish quvvati barcha chigitli paxtani qayta ilashga to`liq javob beradi. Bu Qoraqalpog`iston paxta tozalash sanoatining oldida turgan asosiy vazifalardan hisoblanadi. To`qimachilik sanoati. Qoraqalpog`istonda to`qimachilik sanoati eng yangi tarmoqlar qatoriga kiradi. Dastlab respublikada Xo`jayli, Mang`it, Beruniy shaharlarida ip yig`iradigan to`qimachilik korxonalari va To`rtko`lda ip-gazlama to`qiydigan ishlab chiqarish birlashmasi ish boshlagan bo`lsa, 1993 yilning may oyidan boshlab Turkiyaning "Yazeks" firmasi yordamida "Kateks" nomli to`qimachilik mahsulotlarini ishlab chiqaruvchi korxona ishga tushdi. Bu korxona 1993 yilning 8 oyi davomida 801 ming donadan iborat umumiy bahosi 2 mln 448 ming so`mlik to`qimachilik mahsulotlarini ishlab chiqardi. 1995 yilga kelib esa Nukus to`qimachilik aktsionerlik jamiati 54 mln 624 ming so`mlik mahsulot tayyorlash imkoniyatiga erishdi. Korxona yil davomida 162 tonna paxta ipi yana 1 mln 883 ming dona trikotaj gazlamalarini ishlab chiqara boshladi. Ellikqal`a tumanida ishga tushgan «Elteks» aktsionerlik jamiyati shu yili 239 mln 170 ming so`mlik mahsulot ishlab chiqarib, yil davomida 717 tonna paxta ipini va 1 mln 932 ming kv metr paxta gazlamalarini tayyorlash imkoniyatiga erishdi. Shu davr ichida To`rtko`l, Beruniy, Mang`it, Xo`jayli ishlab chiqarish birlashmalarida yiliga 499,1 mln so`mlik mahsulot ishlab chiqarildi, tayyorlangan paxta ipining hajmi 4,5 ming tonnani, trikotaj mahsulotlarining hajmi 22 mln. 118 ming kv metrga etdi. Shunday qilib respublika hududida dastlabki mahsulot bera boshlagan to`qimachilik korxonalari yillik mahsulotlarining hajmi 793 mln. so`mni tashkil qildi. Kelajakda bu korxonalar to`liq quvvatga o`tishi bilan yillik ishlab chiqaradigan mahsulotlarning hajmi 1,8-2,5 hissaga ortadigan bo`ladi. Sof foydaning miqdori "Qoraqalpoqxlopkoprom" assotsiyatsiyasi bo`yicha 34 mln. 641 ming so`mga etadi. Respublika hududida to`qimachilik sanoatini rivojlantirish katta imkoniyatlarga ega. Kelajakda suv manbalaridan samarali foydalanish bilan birga paxtachilik sohalarida yillik mahsulot etishtirishni ko`paytirishga alohida e`tibor beriladi. Bu to`qimachilik korxonalarida ishlab chiqarish quvvatlarini oshirish, yillik mahsulot tayyorlashning hajmini orttirishga yo`l ochadi. Bu masalada O`zbekiston Respublikasi Vazirlar Mahkamasining Qoraqalpog`iston respublikasida tabiiy ofatning oqibatlarini tugatish va moddiy masalalar echishni tezlashtirish haqidagi 1992 yilgi 405 sonli qarori katta ahamiyatga ega. Shu qarorga muvofiq Xo`jayli, Mang`it ip yig`irish to`qimachilik fabrikalarini qayta ta`mirlash va yangi texnik jihozlar bilan ta`minlash masalalari echilyapti. Bu paxta mahsulotlarini 1-darajali qayta ishlashdan boshlab, undan 2-darajali tayyor mahsulotlarni ishlab chiqarishgacha jarayonlarni o`z ichiga oladi. Bu va yana boshqa ishlarni tez hayotga tadbiq qilish to`qimachilik sanoati mahsulotlarini oshiribgina qolmasdan, uning bir qismini eksportga chiqarish imkonini beradi. Kelajakda Qoraqalpog`istonda ip gazlamalarini ishlab chiqaradigan sohalar bilan bir qatorda shoyi gazlamalarini ishlab chiqarish ham alohida e`tibor berildi. Hozir har yili Qoraqalpog`istonda 890-915 tonnadan ortiq pilla mahsulotlari etishtiriladi. Lekin ishlab chiqaruvchi bazaning yo`qligi uchun tayyorlangan pilla mahsulotlariga katta chiqimlar sarflanib rekpublikadan chetga chiqariladi. Bunday holda katta tonnali temir yo`l tarkibining yuk ko`tarish darajasidan fakat 60 foydalanishini hisobga olsak, unda yuqoridagi hajmdagi pilla mahsulotlarini tashish uchun ko`p miqdordagi vagonlar talab etilishi aniq. Bu temir yo`l transporti orqali tashiladigan yuklar uchun yo`l uzunligini oshiradi va ekspluatatsiya chiqimlarining ortishi tufayli tashiladigan yuklarning tannarxining qimmatlab ketishiga olib keladi. Shuning uchun respublika hududida etishtiriladigan pilla mahsulotlari asosida ipak gazlamalarini to`qiydigan korxonalarni qurish maqsadga muvofiq keladi.
Download 0.83 Mb. Do'stlaringiz bilan baham: |
ma'muriyatiga murojaat qiling