Qoraqalpog`iston geografiyasi
Download 0.83 Mb. Pdf ko'rish
|
- Bu sahifa navigatsiya:
- Qoraqalpog`iston Respublikasi sanoatini rivojlantirishning istikbol yo`nalishlari.
Oziq-ovqat sanoati. Qoraqalpog`iston oziq-ovqat sanoati engil sanoati kabi etakchi o`rinni egallab, barcha sanoat majmuasida yil davomida etishtiradigan umumiy mahsulotning 30-35% , 22
asosiy ishlab chiqarish fondlarining 12% ga yaqini va sanoatda ishlovchi ishchi va xizmatchilarning 18,6% ni tashkil etadi. Agar 60-yillarda oziq-ovqat sanoati asosan baliq konservalarini chiqarish, o`simlik yog`ini etishtirish va non mahsulotlarini chiqarish bilan cheklansa, hozirgi vaqtda bu soha go`sht, yog`, un, makaron mahsulotlari, pivo, konditer mahsulotlari, ichimlik suv va boshkada mahsulotlarni ishlab chiqara boshladi. Oziq-ovqat sanoatining hozirgi vaqtda rivojlangan sohalariga yog` ishlab chiqarish, go`sht sanoati, sut-yog` sanoati, non sanoati, un sanoati va meva kontservalarini ishlab shikarish sanoati hisoblanadi. Shu yuqorida ko`rsatilgan sohalar oziq-ovqat sanoati ishlab chiqargan umumiy mahsulotning 68-73% ini etishtiradi. Keyingi yillarda oziq-ovqat sanoatini qayta ta`mirlash natijasida Chimboy, Xo`jayli, Beruniyda yog` zavodlari, Xo`jayli va Nukusda go`sht kombinatlari, sut-yog` zavodlari, Mo`ynok raionida baliq zavodlari, Nukusda makaron va konditer fabrikalari foydalanishga topshirildi. Shunday qilib, respublikada oziq-ovqat sanoatining asosiy ishlab chiqaruvchi bazasi kengaytirildi va mahsulot ishlab chiqarishning hajmi ortdi. Agar 1960 yillarda Qoraqalpog`iston bo`yicha yiliga 13 ming tonnaga yaqin o`simlik yog`i, 4,5 ming tonna go`sht mahsulotlari etishtirilgan bo`lsa, tuksoniinchi yillarnng oxiriga kelib, respublikamizda yiliga 19 ming tonna o`simlik yog`i, 3,3 ming tonna go`sht mahsulotlari,108 ming tonna un, 6ming tonna makaron 192 dkl.litr vino mahsulotlari ishlab chiqaradigan bo`ldi. Lekin, bu ko`rsatkichlar aholining oziq-ovqatlariga bo`lgan ehtiyojini qanoatlantirmaydi. Ishlab chiqarish fondlaridan foydalanishning pasayishi xom ashyo bazasining deyarli kamayishiga bog`liq bo`lyapti. Masalan, 2004 yilgi ko`rsatkich bo`yicha Qoraqalpog`istonning yog` zavodlari ishlab chiqarish quvvatidan hammasi bo`lib 66% cha foydalansa,kontserva kombinatlarida ishlab chiqarishi quvvatlaridan 46% ga, mol egin taerlash korxonalarida 17% ga, go`sht kombinatlarida 57%ga foydalaniladi. Oziq-ovqat sanoatida ishlab chiqarish quvvatlaridan foydalanishning darajasi respublikaning boshqa korxonalarida ham yaxshi emas. Masalan, hozirgi ma`lumotlarga qaraganda Nukus sut zavodida xom ashyo bazasining etishmasligidan ishlab chiqarish quvvati 60% ga, go`sht kombinatida 43% ga, foydalanilsa, Beruniy yog` zavodida esa ishlab chiqarish quvvatidan foydalanish 66% ni, Chimboy yog` zavodida 79% ni tashkil qiladi xolos. Respublika bo`yicha xom ashyo resurslarining etishmasligidan ishlab chiqarish quvvatidan foydalanish darajasi deyarli pasaymoqda. Hozir Qoraqalpog`iston yog` zavodlari yiliga 28 ming tonnadan ortiq yog` mahsulotlarini etishtirish imkoniyatiga ega. Lekin hozir yiliga hammasi bo`lib 13-15,3 ming tonna yog` mahsuloti tayyorlanadi. Ishlab chiqarish quvvatidan to`liq foydalanmaslik natijasida Qoraqalpog`iston bo`yicha sanoat sektorida yiliga 258 mln sumlik maxsulot kam etishtirildi. Bundan tashqari oziq- ovqat sanoatida ishchilarning ish vaqtidan foydalanishi grafigida ham kamchiliklar uchraydi. 2000 yilgi ma`lumot bo`yicha Chimboy yog` zavodida 20 kishi ishga qabul qilingan, 41 kishi ishdan bo`shagan bo`lsa, Beruniy yog` zavodida bu ko`rsatkich 26-34 kishini tashkil qiladi. Shu sababli, Chimboy yog` zavodi bo`yicha ishchi kuchidan foydalanishning grafigi 18% ga bajarilmadi. Respublikaning oziq-ovqat sanoatida o`rin olgan bunday hollar yil sayin etishtiriladigan kundalik mahsulotlar miqdorining pasayishiga va jon boshiga to`g`ri keladigan oziq-ovqat mahsulotlarining keskin kamayib ketishiga olib kelmoqda. Shuning uchun hozirgi vaqtda yiliga respublika bo`yicha faqatgina 144,7 mlrd. so`mlik har xil turdagi tutunish mahsulotlari tayyorlanadi. Shunga kura, Qoraqalpog`iston bo`yicha oziq-ovqat mahsulotlarini tayyorlash O`zbekistonda ishlab chiqariladigan mahsulotning faqat 2,4% ini tashkil qiladi. Natural formada etishtirilayotgan oziq-ovqat mahsulotlarining hajmi O`zbekistonga qiyoslaganda go`sht bo`yicha 5% i, sut mahsulotlari bo`yicha 4,5% ini tashkil qiladi xolos. Bu haqiqatdan ham achinarli hol.. Respublikamiz qishloq xo`jaligiga iktisoslashgan bulsada yiliga aholi jon boshiga 5,1 kg kartoshka, 52,8 kg poliz mevalari, 77 kg qovun-tarvuz mahsulotlari, 963 kg cha meva, 28,4 kg go`sht mahsulotlari, 155-160 kg sut, 77-80 dona tuxum etishtirish darajasiga ega. Bunday og`ir sharoitdan chiqish uchun xom ashyo bazasini kengaytirishga alohida e`tibor berish zarur. Qoraqalpog`istonning yog` zavodlarida mahsulot etishtirish-ning pasayishi, etishtiriladigan paxta mahsulotlarining kamayishiga bog`liq bo`lyapti. Shunga kura, korxonolarda xozirgi ishlab
23
turgan kuvvatlardan to`liq foydalanish uchun, eng kamida yiliga 300-350 ming tonna paxta mahsulotlarini etishtirish kerak. Bu uchun respublikada paxtaning ekin maydonlarini 150 ming gektarga kupaytirish, shu jumladan uning 87-88 ming gektarini janubiy tumanlarda joytslashtarib, hosildorlikni 29,7 tsentnerga etkarilsa, yiliga 259-260 ming tonnacha paxta mahsulotlarini taerlash mumkin. Bu birinchidan, aholini o`simlik yog`i bilan ta`minlashni hal qilsa, ikkinchidan, chorvachilik sohalarini, oqsilli em-hashak kontsentratlar bilan ta`minlashga yo`l ochadi. Qoraqalpog`istonda oziq-ovqat sanoatining rivojlanishini ta`minlash uchun chorvachilikni rivojlantirishga alohida e`tibor berish kerak. Yuqorida ko`rsatganimizdek, chorvachilikni olinadigan sut, go`sht va boshqa mahsulotlarning kamayishi sababli respublikaning go`sht va sut mahsulotlarini qayta ishlab chiqaradigan korxonalarda ham ishlab chiqarish kuchlaridan to`liq foydalanishning imkoniyati bo`lmayapti. Shuning uchun sug`orma dehqonchilik rayonlarining hisobidan, mustahkam em- hashak bazasini tuzatib, qoramollarning bosh sonini ko`paytirish va podaning tarkibida sog`in sigirlarning nisbiy hissasini 45-50% gacha oshirish zarur bo`ladi, bizda hozirgi vaqtda sog`in sigirlarning nisbiy hissasi podaning tarkibi eng ko`pi bilan 24-25% dan oshmaydi. Qoraqalpog`iston sharoitida oziq-ovqat sanoatining rivojlanishini ta`minlash va xalqka kundalik oziq-ovqat mahsulotlarini ko`paytirishda ko`p imkoniyatlar bor. Qulay va uzoq vegetatsiya davridagi yuqori haroratning yig`indisi, uzoq muddatga cho`ziladigan quyoshli kunlar qovun-tarvuzlarning meva va poliz mahsulotlaridan mo`l hosil to`plashga imkon beradi. Biroq hozir respublikaning dehqonchilikka ixisoslashgan ekin maydonlarining tarkibida yuqorida ko`rsatilgan barcha hosillar uchun bo`lingan ekin maydoni 2,3-3,7% dan ortmaydi. Shuning uchun bizning fikrimizcha, dehqonchilik tarkibida bog`, kartoshka va boshqa mahsulotlar uchun ajratilgan ekin maydoni eng kam deganda 30-37 ming gektar erni tashkil etishi, yillik etishtiriladigan mahsulotning hajmi esa, meva bo`yicha eng kam deganda 24 ming tonna, poliz mahsulotlari 190 ming tonna, kartoshka etishtirishi 26,5 ming tonnani tashkil qilishi oziq- ovqat sanoatida hozirgi o`rnatilgan ishlab chiqarish kuvvatlaridan to`liq foydalanishga imkoniyat yaratgan bo`lar edi. Xulosa qilib aytganda,azik-avkat sanoatining shakllangan tarkibi va yil movaynida etishtirilayotgan mahsulotlarining hajmi hozirgi talablarga javob bermaydi. Suv tankisliligiga boglik cheklangan xom ashe resursi sharoyatida sanoat majmui asosan qishloq-xo`jalik mahsulotlarini qayta ishlash bilan cheklanmoqda. Agar respublika hududida yil davomida etishtirilgan sanoat mahsulotlarining hajmini 100 % deb olsak, shuning oziq-ovqat va engil sanoati tarmoqlarining ulushiga 68,2% etishtirilgan mahsulot to`g`ri keladi. Og`ir sanoat tarmoqlari hammasi bo`lib yillik etishtirilgan mahsulotning 27,7%, poligrafiya sanoati 0,3%, qolgan tarmoqlarning ulushiga 3,7% umumiy mahsulot to`g`ri keladi. Keltirilgan ma`lumotlarga qaraganda, respublikada sanoat majmui bir yo`nalishda yoki qishloq xo`jalik mahsulotlarini qayta ishlash bilan shakllanmoqda. Qoraqalpog`iston O`zbekiston hududidagi qazilma boyliklarning hajmiga va har xil turlariga ega bo`lishiga qaramasdan, sanoatda foydalanish darajasi bo`yicha eng oxirgi o`rinlarning birini egallaydi. Sanoat majmuasini rivojlantirish uchun etarli baza tuzilmayapti. Shuning uchun og`ir sanoatda etishtirilgan yillik mahsulotning ko`pchiligini qurilish materiallari sanoati (77%) va elektroenergiya (14,8% ) sanoati egallaydi. Fan va texnika taraqqiyoti bilan bevosita bog`liq sohalar, ayniqsa, ximiya sanoati, mashinasozlik, metallurgiya va yog`och mahsulotlari ishlab chiqaradigan sanoat tarmoqlari yillik etishtiriladigan sanoat mahsulotlarining faqatgina 5,1% ini etishtiradi. Binobarin, respublikada sanoatning bugungi rivojlanish bosqichi va soha strukturasi Qoraqalpog`iston qishloq xo`jaligining o`sib borayotgan umumiy talablariga javob bermaydi va rivojlanish sur`ati bo`yicha O`zbekistondagi o`rtacha ko`rsatkichdan ham past. Shunday qilib, respublika ushbu sanoat tarmoqlari O`zbekistonda etishtiriladigan yillik sanoat mahsulotlarining faqat 1,7-2,0% igina tayyorlanmoqda. Shu boisdan kelajakda bosh vazifa Qoraqalpog`istonning sanoat potentsialini yuksaltirishdan iborat. Avvalo oldin neft`-gaz sanoati, kimyo sanoati, elektroenergetika sanoati, rangli metallurgiya, qurilish materiallari va qurilish industratsiyasi sanoati tarmoqlarini rivojlantirish yo`li bilan echilishi zarur. Qoraqalpog`iston Respublikasi sanoatini rivojlantirishning istikbol yo`nalishlari. Qoraqalpog`iston asrlar davomida ishlab chiqarish kuchlariining rivojlanish darajasi bo`yicha eng 24
qoloq mintaqalardan hisoblanar edi. Sanoatning asosini kichik paxta tozalash zavodlari, teri ishlab chikarish korxonalari va qo`l hunarmandchiligi ustaxonalari egallagan edi. Paxta tozalaydigan korxonalarning imkoniyati yiliga 1000 tonnadan ortmagan bo`lsa, hozir paxta tozalaydigan har bir korxonaning quvvati 13,5 ming tonna mahsulot tayyorlashgacha o`sdi. Keyingi yillarda ishlab chiqarishni joylashtirishning qonunlariga suyanib, ortda qolgan o`lkaning ishlab chiqarish kuchlariini kelajakda rivojlangan rayonlar qatoriga tenglashtirish maqsadida xalq xo`jaligi tarmoqlariga ajratadigan yirik davlat mablag`i miqdori ortdi. Agar 1928-1940 yillarda Qoraqalpog`istonning sanoatini rivojlan-tirish uchun ajratilgan mablag`larning hajmi 52 ming so`mdan ortmagan bo`lsa, 2000 yilga kelib faqat Priaralvodstroyga kabi mahkamaning yillik mablag` ishlatish darajasi 160-250 mln so`mdan ortdi. Qoraqalpog`iston bo`yicha esa 166 mlrd so`m mablag`lar xalq xo`jaligi sohalarini rivojlantirish uchun ishlatilmoqda. Bu va boshqa ehtiyojlar sanoat, qishloq xo`jaligi, transport, aloqa tarmoqlari va madaniyat sohalarini rivojlantirishga yo`l ochadi. O`lkamizning tabiiy sharoitiga va resurslariga bog`liq qishloq xo`jaligi sohalari va qishloq xo`jaligidan olingan mahsulotni qayta ishlab chiqaradigan sanoat tarmoqlari o`sib rivojlandi. Metall mahsulotlarini qayta ishlaydigan va mashina sozlash bazalari tuzildi. Qishloq xo`jaligi va sanoat kompleksining shu qatorda kommunal xo`jaligining qurilish materiallariga bo`lgan ehtiyojini qondirish maqsadida qurilish materiallarini ishlab chiqaradigan korxonalar tuzildi. Ammo Qoraqalpog`istonning hozirgi xalq xo`jalik tarmoqlarining, ayniqsa, sanoat ishlab chiqarishining tarmoqlik tarkibini to`liq darajada shakllangan deb hisoblab bo`lmaydi. Masalan, sanoat majmuasi bo`yicha yiliga ishlab chiqariladigan mahsulot hajmini 100% deb olsak, shuning 68,1-73% ini oziq-ovqat va engil sanoat tarmoqlaridan olingan mahsulot tashkil qiladi, og`ir sanoat tarmoqlarini hammasi bo`lib yiliga 19-23% mahsulot etishtirishi mumkin. Sanoatning hozirgi tarkibi o`lkamizning industrial rivojlanishga javob bermaydi. Hozirgi mavjud og`ir sanoat tarmoqlari mashina uskunalarni ta`mirlash, qurilish materiallari sanoati, elektroenergetika tarmoqla- ridan iborat. Bu tarmoqlarni rivojlantirish sanoatning tarkibida og`ir sanoatning nisbiy ulushini bir qancha yuksalishiga yo`l ochadi. Kelajakda o`lkamizda ishlab chiqarish kuchlarini tez sur`atlar bilan rivojlantirish uchun xalq xo`jaligi tarmoqlariga ancha tarkibiga o`zgartirishlar kiritish kerak. Xammamizga ma`lum metall turidagi magniy olish boshqa MDH davlatlariga qaraganda kam chiqim sarflanishi mumkin va mahsulotning bahosi juda arzon. Qo`sxonatov magniy tuzini 100 m chuqurlikda siltili usuli bilan o`zlashtirganda metall magniy olish Qorabug`oz go`l rayonsidan etishtiriladigan magniyga qaraganda sarflangan mablag`dan 2 hissa arzonga tushishi aniklandi. Qishloq xo`jaligi sohalarini kelajakda rivojlantirish dasturiga mos respublikada arzon yonuvchi gaz resurslarining bazasida mineral o`g`itlarni, ayniqsa, nitratli tuzilishdagi o`g`itlarni etishtiradigan korxonalarni tashkil qilish imkoniyatlari kam emas. Buni amalga oshirish quyi Amudaryo iqtisodiy rayonida joylashgan qo`shni Xorazm va Turkmanistonning Toshhovuz viloyatlarida dehqonchilik tarmoqlarini o`g`it bilan ta`minlaydi. Hozir bu mintaqa O`rta Osiyodagi eng yirik dehqonchilik rayonlaridan biridir. Yil bu zona 1 mln 12 ming gektardan ortiq ekin maydonga paxta, g`alla, poliz va bog` ekinlari, bog`dorchilik va pillachilikda foydalaniladi. Agar almashlab ekish texnologiyasiga xos beda, makkajo`xori, sudan butasi va boshqa ekinlar erning sho`rini yo`qotadigan mahsulot sifatida foydalaniladiganligini hisobga olsak, kelajakda quyi Amudaryoda yirik sug`ormali dehqonchilik rayonsining shakllanishi aniq. Bu va boshqa dasturlarning amalga oshirish o`z navbatida azot o`g`itlarini etishtiradigan kimyo sanoatini tashkil qilishni talab etishni, shu qatorda qishloq xo`jaligi texnikasini tuzatadigan, hamda traktor tuzatadigan korxonalarning tuzilishiga yo`l ochadi. Qoraqalpog`iston Respublikasining industrial rivoj-lanish dasturiga asosan zarur ehtiyojlarni amalga oshirish uchun hozirgi Nukus-Taxiatosh-Xo`jayli sanoat uzelini kelajakda rivojlantirish bilan bir qatorda, Qoratov tog`-kon sanoati mintaqaini va Qo`ng`irot-Ko`sqanatov kimyo sanoati tumanini tuzish yo`lga qo`yilishi kerak. Qoratov (Sulton Uvays) rayonsi respublikadagi xom ashyoga boy hududlar qatoriga kiradi. Bu erlarni keyingi yillardagi geologik tadqiq qilishning natijasida toshko`mir zahirasi, temir rudasi, granit, marmar toshlarning katta zahiralari, shuningdek qurilish sanoati uchun xom ashyo sifatida foydalaniladigan yaroqli bentonit va kaolin loylari topildi. Agar Sharqiy Qoratov va
25
Xo`jako`ldagi fosforit konlarini hisobga olsak Qoratov tog`-kon mintaqaini kelajakda respublika ahamiyatiga ega sanoat mintaqga aylanadi. Shunday qilib yuqorida nomi ko`rsatilgan tabiiy boyliklar, ayniqsa, Qoratovdagi Teginbo`lak titan-magnititli koni eng istiqbolli boyliklar qatoriga kiradi, buning bazasida sul`fat natriy, osh tuzi va metall magniyni olish, kimyo-metallurgiya sanoatini tuzishga yo`l ochadi. Qurilish materiallari sanoatini rivojlantirish uchun Qoraqalpog`iston mineral xom ashyolarning etarli zahirasiga ega. Tal`kning sanoat zahirasi 21 million tonnadan ortiq. Noruda qurilish materiallarining bazasida Qoratovda yillik quvvati 400 ming t ohak va 70 ming t tosh maydalaydigan kar`er ishga tushirilmoqda. Kelajakda Qoraqalpog`istonning qurilish materiallariga bo`lgan ehtiyojini ta`minlash maqsadida Qoratov posyolkasida yiliga 1 million kub metrdan ortiq shag`al tosh ishlab chiqaradigan tosh maydalash korxonasi ishga tushadi. Nukusda ham beton buyumlarini tayyorlaydigan bir qator ishlab chiqarish ob`ektlari ishga tushadi. Qoraqalpog`istonda ishlab chiqarish kuchlarini rivojlan-tirish istiqbollarida xalq xo`jaligi tarmoqlari tarkibida sanoatning nisbiy ulushini ko`paytirish zarur. Binobarin, sanoat mahsulotlari tarkibida og`ir sanoat mahsulotlarining nisbiy ulushini kamida 35-37% ga orttirish kerak. Shuningdek, yaqin kelajakda Qoraqalpog`istonda 30 dan ortiq sanoat ob`ektlari ta`mirlanadi va kengaytiriladi. 2010 yillarga kelib Qoraqalpog`istonning elektr energiyasiga bo`lgan ehtiyojini kamida 6 hissaga, shu jumladan qishloq xo`jaligida 8,3 hissaga ortadi. Bu ehtiyojni qondirish uchun dastlab Taxiatosh TES ining quvvatini 2 hissagacha orttirish kerak. Kelgusida agrosanoat majmuasi tarmoqlarini intensiv rivojlantirish yo`lga qo`yiladi. Qoraqalpog`iston katta hajmli er resurslariga ega. Sug`oriladigan er fondi Taxiatosh gidrouzeli rayonida 2 mln gektarni tashkil qiladi. Respublikaning umumiy er fondidan 5,3 mln gektari yaylov sifatida foydalanilmoqda, 6,7 mln gektar er esa o`zlashtirish lozim bo`lgan erlar hisoblanadi. Ammo, bu oltin xazina sug`orish muammosi tufayli xalq xo`jaligida kam foydalanilmoqda. Kelajakda ishlab chiqarish kuchlarini tez sur`at bilan rivojlantirish va aholini chuchuk suv bilan ta`minlash muammosi qo`shimcha suv manbalarini tuzish va vodoprovod liniyalarini qurish bo`yicha kompleksli masalalarini echishni talab qilinadi. Shunga ko`ra, yaqin yillar ichida 1146 km, vodoprovod tarmog`i quriladi. Bu Qoraqalpog`iston aholisini suv bilan ta`minlashni ancha yaxshilaydi. Qoraqalpog`iston aholisining soni 2010 yillarga kelib 1,7 million kishiga etadi, ya`ni hozirgiga nisbatan 14% ko`payadi. Chunki, aholining o`sishini hisoblaganda, hozirning o`zida 18-19 kishidan ortadi. Shunga ko`ra, respublikada mintaqaviy xarakterdagi ijtimoiy iqtisodiy rivojlanishni ta`minlaydigan yangi tuzilma tuzish masalasi katta ahamiyatga ega. Qoraqalpog`istonda kelajakda ishlab chiqarish kuchlarini rivojlantirish masalalarini kuzatish xalq xo`jaligi tarmoqlarining hududiy aspektda ratsional joylashtirishni ta`minlash yo`li bilan echilishkerak. Ustyurt qulay transport-iqtisodiy aloqalarga ega. Bu mintaqa orqali Buxoro-Ural va O`rta Osiyo-Markaz gaz quvuri, Chorjo`y-Qo`ng`irot-Beynov -Maqat temir yo`l tarmog`i o`tadi. Bu birinchidan, bizning mintaqada ishlab chiqarish bazalarini qurishga, ikkinchidan Ustyurtning tabiiy yaylovlarini va er osti qazilma boyliklarini xalq xo`jaligida foydalanish uchun imkoniyat tug`diradi. Qizilqum rayoni g`arbida Amudaryo del`tasi, shimolda Orol bo`yi rayoni bilan, janubda 42 0 - 30 0 shimoliy kenglik oralig`idagi hududni egallab, ma`muriy tomondan Qizilqum rayonsi Ellikqal`a, Beruniy, To`rtko`l. Qorao`zak, Taxtako`pir tumanlarining tarkibiga kiradi va qorako`l chorvachiligida foydalanililmoqda. Qizilqum tabiiy-iqtisodiy rayonining iqtisodiy salohiyatidan xalq xo`jaligida foydalanishni tezlatish uchun katta imkoniyatlar bor. Rayon Nukus-Chimboy- Taxtako`pir-Qizilo`rda yo`nalishida quriladigan temir yo`l tizimi bo`yida joylashgan. Bu temir yo`lni tez ishga tushirish Qizilqumning tabiiy resurslarini xalq xo`jaligi majmuasida keng foydalanishga imkoniyat beradi va foydalanilmayotgan keng yaylovlarni sug`orish uchun suv qurilishi ishlarini va meliorativi ehtiyojlarni amalga oshirishga imkoniyat yaratadi. Qishloq xo`jaligiga bog`liq yuritilgan tekshirish ishlarining ma`lumotlariga ko`ra Qizilqum rayonida Qoraqalpog`is-tonning 3,2 mln.gektar tabiiy yaylovlari joylashgan. Bu yil sayin 6-7 mln tsentner em-hashak zahirasini to`plashga zamin yaratadi. Biroq suv resurslarining kamligi uchun Qizilqumning yaylovlari bugungi kungacha to`g`ri foydalanilmay kelmoqda. Shu boisdan so`nggi yillarda Qizilqum yaylovlaridan sug`orish maqsadida ko`plab artezian quduqlari va shaxta tipidagi kuduklardan foydalanilmoqda. Qizilqum yaylovlarining em-hashak bazasini kengaytirish
26
maqsadida tajriba ishlari yuritilmoqda. Bu rayon chuchuk suv bilan ta`minlanganda gektariga 30 tsentner mosh, 500 tsentner ko`k massa tipidagi jo`xori va 110 ts bedani yig`ib olish imkoniyati borligi aniqlandi. Qizilqum rayonida qishloq xo`jaligi uchun foydalanishga yaroqli 250 ming gektardek er resurslari joylashgan. Bularni chorvachilik uchun ko`shimcha foydalanish Qizilqum yaylovlarida qo`ylarning soni 700-800 mingga etishiga yo`l ochadi. Bu o`z navbatida chorvachilik mahsulotlarini, asosan, jun yuvadigan, teri sanoat tarmoqlarini, shu bilan birga to`qimachilik sohalarining shakllanishiga imkoniyat yaratadi. Kelajakda Qoraqalpog`istonning xalq xo`jaligi majmuasida etakchi o`rinda Qoratov tog` koni sanoati rayonini ko`rsatish mumkin. Sababi, bu rayon boy tabiiy resurslarga ega va qulay iqtisodiy geografik o`rinni egallaydi. Respublikalararo ahamiyatli Nukus-To`rtko`l-Buxoro-Samarqand- Toshkent av-tomobil` yo`li Sulton Uvays orqali o`tib O`zbekistonning sanoat mintaqalari bilan aloqa qilishga qulay, bundan tashqari ishlab turgan yuqori vol`tli LePlar rayonni arzon elektrenergiyasi bilan ta`minlasa, qurilgan Nukus-Qoratov-Uchquduq-Navoiy-Toshkent temir yo`l tizimi butunlay O`zbekistonning sanoatli tumanlari bilan temir yo`l orqali tutashtiradigan bo`ladi. Bu birinchidan, rayonning transport-iqtisodiy aloqalarini ta`minlasa, ikkinchidan, tabiiy er osti boyliklarini sanoatda foydalanishga real imkoniyat yaratadi. Rayon tabiiy er osti boyliklari zahiralariga boy. Bu tabiiy er osti boyliklarini kelajakda xalq xo`jaligida foydalanish metallurgiya zavodini, qurilish materiallarini etkazadigan tsement-shifer kombinatini, Qoratov panelli yirik joy qurilishi kombinatini solinishiga yo`l ochadi. Bu Qoratov rayonida Qoraqalpog`istonning yirik tog`- kon sanoati tumanining shakllanishi va respublikaning rivojlanishiga asos bo`ladi. Kelajakda Qoratov tog`-kon sanoati rayonda ishlab chiqarish kuchlarining tez sur`at bilan rivojlanishini ta`minlash uchun Amudaryo orqali Sulton Uvays-Jumurtov rayonsida Amudaryoga ko`prik qurish kerak.Bu ko`prik yangi shakllangan tumanni ortiqcha mehnat resurslariga ega, bo`lgan Xorazm hududidagi tumanlar bilan tutashtiradi hamda sug`oriladigan dehqonchilik rayonlaridan bo`shagan ishchi va xizmatchilar kuchini yangi quriladigan binolarini qurishga, tayyorlanadigan sanoat mahsulotlarini tez va chiqimsiz etkazishga imkoniyat yaratadi. Shunday qilib, rayonlararo transport-iqtisodiy aloqalarni rivojlantirish respublikaning ortda qolgan hududlarning iqtisodiy saloxiyatini rivojlangan mintaqalarga tenglashtirilishiga imkoniyat yaratadi. Yuqorida aytilganidek, Qoraqalpog`iston kelajakda qishloq xo`jaligi sohalarini rivojlantirish mumkin. Shu bois er-suv resurslaridan oqilona foydalanish, paxtachilik, gallachilik, pillachilik sohalarini rivojlantirishga yo`l ochadi. Bu respublikaning to`qimachilik va sanoatini xom ashyo resurslari bilan ta`minlanishiga, shuningdek yangi ko`riladigan ishlab chiqarish markazlarini ishga tushirishga zamin yaratadi. Paxtachilikni kelajakda rivojlantirish to`qimachilik sanoatining paxta tolasiga bo`lgan talabni qondiribgina qolmay, oziq-ovqat sanoatining, jumladan yog` ishlab chiqaradigan sohalarning chigitga bo`lgan talabini xam ta`minlaydi. Hozir Qoraqalpog`istondagi yog` zavodlari xom ashyo resurslarining etishmasligidan yiliga hammasi bo`lib 12-13 ming tonna o`simlik yog`i ishlab chiqarmoqda. Buning oqibatida yog` ishlab chiqariladigan korxonalarda ishlab chiqarish kuchlaridan bor-yo`g`i 50-64 foizga foydalanilmoqda. Qoraqalpog`istonning tabiiy sharoiti, ayniqsa, quyoshli kunlarning uzoqqa cho`zilishi, pillachilik, uzumchilik va bog`dorchilik, poliz, sabzavot mahsulotlaridan yuqori hosil olishga imkoniyat yaratadi. Hozir Qoraqalpog`iston katta er resurslariga ega bo`lsa ham pilla etishtirish imkoniyat darajasida emas. Natijada respublika yiliga 0,8-0,9 ming tonna pilla mahsulotlarini etishtirdi. Kelajakda pilla etishtirishni 2-3 hissaga ko`paytirish kerak. Pilla mahsulotlarini tashish jarayonida yuk vagonlaridan foydalanish koeffitsentini pasaytiradi. Shuningdek, ipak gazlamalarini ishlab chiqarishni kengaytirish katta ahamiyatga ega. Buning uchun respublikaning resurs potentsiali etarli. Kelajakda bog`dorchilik va uzumchilik, sabzavot va kartoshka mahsulotlarini etishtirishga alohida e`tibor beriladi. Qoraqalpog`istonda o`sadigan qovun tarvuzlarning, pomidor va sabzining hisobidan qovunqoqi tayyorlash, sharbat etishtirish maqsadga muvofiq bo`ladi. Bu tarmoqdan olinadigan mahsulotlarni boricha ko`paytirish respublikaning eksport talablarini echishga imkoniyat yaratadi. Qoraqalpog`iston bozor iqtisodiyotiga o`tayotgan paytda ko`pgina qiyinchiliklarga duch kelmoqda. Xo`jalik va rayonlararo iqtisodiy aloqalarining uzilishga tushishi aholini kundalik
27
mahsulotlar bilan ta`minlashga bir oz to`sqinlik qilmoqda. Binobarin, respublika aholisining non mahsulotlariga bo`lgan talabini qondirish maqsadida kelajakda g`allachilikni rivojlantirishga alohida e`tibor berishimiz kerak. Shuningdek, shimoliy tumanlardagi sholichilikka va almashlab ekish tizimidan foydalanilayotgan erlarning hisobidan g`allaning ekin maydonini kengaytirish zarur. Qoraqalpog`istonning shimoliy rayonida g`allachilikni rivojlantirish uchun etarli er fondi mavjud. Hozir ana shu yaroqli erlarning barchasi bo`lib 20 foizgacha o`zlashtirayotirmiz. Shuningdek, foydalanmaydigan erlar hisobidan g`allaning ekin maydonini kengaytirish imkoniyati ko`p. Kelajakda Qoraqalpog`istonda g`allachilikni rivojlantirish uchun hamma imkoniyatlarni amalga oshirish faqat axolini ozuqa maxsulotlari bilan ta`minlab qo`ymasdan, bu chorvachilik uchun em- hashak bazasini shakllantirishga xam yo`l ochadi. Hozir Qoraqalpog`istonning yaoylav fondi to`liq o`zlashtirilgani yo`q. Qizilqum rayonida chorvachilikni rivojlantirish uchun foydalanishga yaroqli tabiiy o`tlarining faqat 53% dan, dengiz bo`yi rayonsida 7% dan chorvachilikda foydalanilmoqda. Shuningdek, em-hashak o`simliklarini sug`orish va uning hosildorligini ko`paytirish kun tartibidagi bosh vazifa hisoblanadi. Bularni amalga oshirish, birinchidan, aholining chorvachilik mahsulotlariga bo`lgan ehtiyojini qondirsa, ikkinchidan, oziq-ovqat sanoatining ayrim sohalarini xom ashyo bilan ta`minlashga imkoniyat yaratadi. Xulosa qilib aytganda, kelajakda Qoraqalpog`istonning xalq xo`jaligi tarmoqlarini rivojlantirishda progressiv tenden-tsiyalarning amalga oshganini anglash mumkin. Sanoat tarmoqlarida avval bo`lmagan rangli metallurgiya, kimyo sanoati, gaz sanoati, tuz sanoati rivojantiriladi. Aholining oziq-ovqat mahsulotlari bilan va yangidan ishga tushadigan sanoat tarmoqlarini xom ashyo resurslari bilan ta`minlash maqsadida qishloq xo`jaligi tarmoqlarini keng rivojlantirishga e`tibor beriladi. Bu va boshqa tadbirlar oxir-oqibat Qoraqalpog`istonni yuqori rivojlangan sanoatli hududga aylanishiga va uning rayonlarlaro mehnatning geografik taqsimotida tutgan o`rnining yuksalishiga zamin yaratadi.
Download 0.83 Mb. Do'stlaringiz bilan baham: |
ma'muriyatiga murojaat qiling