Quramı bet

1-tema: Onomastika iliminiń izertlew obyekti. Basqa ilim tarawları menen baylanısı. (2 saat)
Jobası:
1. Onomastikanıń izertlew obyekti, tarawları, áhmiyeti, maqseti hám wazıypaları.
2. Onomastikanıń basqa ilim tarawları menen baylanısı.

Tayanısh túsinikler:
1. Teoriyalıq ádebiyatlar járdeminde onomastikanıń izertlew obyektin, tarawların, áhmiyetin, maqsetin hám wazıypaların túsindiriw.
2. Onomastikanıń birinshi gezekte til biliminiń tarawları menen baylanısı, soń basqa ilim tarawları menen baylanısın anıqlaw.
Tapsırmalar:
1. Onomastikanıń izertlew obyekti sóz etilip onıń tarawları antoroponimika, toponomika, zoonimika, kosmonimika hám etnonimika terminleriniń mánisi hám olardı úyreniwdiń áhmiyeti, maqseti hám wazıypalarına keń túrde túsinik beriledi.
2. Menshikli atlardı izertlewde olardıń fonetikalıq, leksikalıq, morfologiyalıq, sintaksislik dúzilisi analiz etiledi, til tariyxına hám dialektologiyasına baylanıslı máseleler tariyxıy lingvistikalıq baǵdarda úyreniledi. Sonıń menen birge onomastika geografiya, tariyx, etnografiya ilimleri menen tıǵız baylanısta izertlenedi.
2-tema: Qaraqalpaq onomastikasınıń izertleniwi. Qaraqalpaq antroponimleri hám onıń izertleniw tariyxınan
(2 saat)
Jobası:
1. Qaraqalpaq toponimleriniń izertleniw jaǵdayları hám wazıypaları.
2. Qaraqalpaq antroponimleriniń izertleniw jaǵdayları hám wazıypaları.
3. Qaraqalpaq etnonimleriniń izerleniw jaǵdayları hám wazıypaları.
4. Qaraqalpaq tilinde kosmonim háám zoonimlerdi izerlewdiń házirgi jaǵdayları.
Tayanısh túsinikler:
Qaraqalpaq toponimlerine, antroponimlerine, etnonimlerine, kosmonim hám zoonimlerine baylanıslı izertlengen ilimiy jumıslardı tawıp, olardıń hár birine izertlew baǵdarı boyınsha tallaw islew.
Tapsırmalar:
1. Ilimpazlardıń qaraqalapaq toponimlerine baylanıslı izertlegen ilimiy jumıslarına túsinik beriw.
2. Qaraqalpaq tilinde qaraqalpaq ismleriniń, laqaplarınıń izerleniw jaǵdayların analizlew hám sheshiliwi tiyis bolǵan tarawlarına óz pikirin bildiriw.
3. Qaraqalpaq tilinde etnonimlerdiń izerleniwi hám onda turǵan wazıypalar.
4. Kosmonim hám zoonimlerdiń izerleniwinde sheshiliwi tiyis bolǵan máseleler.

3-tema: Qaraqalpaq isimleriniń leksika-semantikalıq, morfologiyalıq qurılısı ózgeshelikleri (2 saat)

Jobası:
1. Qaraqalpaq ismlerine túpkilikli óz sózlik qatlam.
2. Qaraqalpaq isimlerinde túrkiy hám monǵol tillerine ortaq qatlamlar.
3. Qaraqalpaq isimlerinde arablıq shıǵısqa iye qatlamlar.
4. Qaraqalpaq ismlerinde parsı-tájik tillerine tán bolǵan leksikalıq qatlamlar.
5. Qaraqalpaq ismleriniń quramında orıs hám basqa tillerden ózlesken leksikalıq qatlamlar.