Rasm 9-108-rasm

O‘z-o‘zini nazоrat qilish uchun savоllar
1. Ko‘p yoqli burchaklarga ta’rif bering.
2. Ko‘pyoq dеb qanday jismga aytiladi? Qavariq ko‘pyoqqa ta’rif bеring.
3. Prizma dеb qanday ko‘pyoqqa aytiladi?
4. Piramida dеb qanday ko‘pyoqqa aytiladi?
5. Muntazam ko‘pyoqqa ta’rif bеring va uning turlarini aytib, tushuntiring?


9.12. Aylanma jismlar. Silindr, konus, shar
Biror to‘g‘ri chiziqni yoki egri chiziqni bir to‘g‘ri chiziq atrofida aylantirishdan aylanma sirt hosil bo‘ladi.

97-rasm
Agar aylanma sirtni o‘q deb ataluvchi to‘g‘ri chiziqqa perpendikulyar bo‘lgan parallel ikkita tekislik bilan kessak aylanma sirt va doira bilan chegaralangan aylanma jism hosil bo‘ladi.

- aylanma jismning o‘qi, jismning egri sirti aylanmasirt deyiladi.
9-119-rasm
Aylanma sirt parallel tekisliklar bilan kesilsa, kesim doiralardan iborat bo‘ladi.
Silindr. O‘q atrоfida unga parallеl bo‘lgan to‘g‘ri chiziq aylantirilsa, silindrik sirt hоsil bo‘ladi. U o‘qqa perpendikulyar ikkita parallеl tеkislik bilan kеsilsa ular оrasida silindrik jism hоsil bo‘ladi.

98-rasm
Doiralar silindrning asoslari deyiladi, doira aylanalari mos nuqtalarini tutashtiruvchi kesmalar silindrning yasovchilari deyiladi. Silindrning sirti asoslaridan va yon sirtidan tashkil topadi. Yon sirt yasovchilardan tuzilgan.

9-120-rasm
Silindrning yasovchilari asos tekisliklariga perpendikulyar bo‘lsa, bunday silindr to‘g‘ri silindr deyiladi. To‘g‘ri silindrni to‘g‘ri to‘rtburchakni aylantirish o‘qi vazifasini bajargan biror tomoni atrofida aylantirishdan hosil qilingan jism deb qarash mumkin.
Silindr asosining radiusi silindrning radiusi deyiladi. Silindr asosining tekisliklari orasidagi masofa silindrning balandligi deyiladi. Asoslarining markazlaridan o‘tuvchi to‘g‘ri chiziq silindrning o‘qi deyiladi. bu o‘q yasovchilarga parallel bo‘ladi. Silindrning o‘qi orqali o‘tuvchi kesim o‘q kesim deyiladi. Silindrning yasovchisi orqali o‘tib, bu yasovchi orqali o‘tadigan o‘q kesimga perpendikulyar tekislik silindrning urinma tekisligi deyiladi.
9-121-rasm
Teorema. Silindr o‘qiga perpendikulyar tekislik uning yon sirtini asos aylanasiga teng aylana bo‘yicha kesadi.

99-rasm
Silindrga ichki chizilgan prizma deb shunday prizmaga aytiladiki, uning asoslari silindrning asoslariga ichki chizilgan teng ko‘pburchaklardan iborat. Uning yon qirralari silindrning yasovchilari bo‘ladi.

9-122-rasm 9-123-rasm
Silindrga tashqi chizilgan prizma deb shunday prizmaga aytiladiki, uning asoslari silindrning asoslariga tashqi chizilgan teng ko‘pburchaklardan iborat. Uning yon yoqlari tekisliklari silindrning yon sirtiga urinadi (101-rasm).
Konus. Konus (doiraviy konus) deb shunday jismga aytiladiki, u doira – konus asosidan, shu doira tekisligidagi yotgan nuqta-konusning uchidan va konusning uchini asosining hamma nuqtalari bilan tutashtiruvchi kesmalardan iborat bo‘ladi (102-rasm). Konus uchini asos aylanasi nuqtalari bilan tutashtiruvchi kesmalar konusning yasovchilari bo‘ladi. Konusning sirti asosidan va yon sirtidan iborat.

9-124-rasm 9-125-rasm

Konusning uchi bilan asos aylanasining markazini tutashtiruvchi to‘g‘ri chiziq asos tekisligiga perpendikulyar bo‘lsa, bunday konus to‘g‘ri konus deyiladi.
To‘g‘ri konusni to‘g‘ri burchakli uchburchakni kateti atrofida aylantirishdan hosil qilingan jism deb qarash mumkin (103-rasm).
Konusning uchidan uning asosiga tushirilgan perpendikulyar konusning balandligi deyiladi. To‘g‘ri konus balandligining asosi asos markazi bilan ustma-ust tushadi. To‘g‘ri konusning balandligidan o‘tuvchi to‘g‘ri chiziq uning o‘qi deyiladi. Konusning o‘qi orqali o‘tuvchi tekislik bilan kesimi o‘q kesim deyiladi. konusning yasovchisi orqali o‘tuvchi va bu yasovchi orqali o‘tkazilgan o‘q kesimga perpendikulyar tekislik konusning urinma tekisligi deyiladi.
Teorema. Konusning o‘qiga perpendikulyar tekislik konusni doira bo‘yicha kesadi, yon sirtini esa markazi konusning o‘qida joylashgan aylana bo‘yicha kesib o‘tadi (tеоrеmani isbоt qilish talabalarga mustaqil ish sifatida tоpshiriladi).
Konusning o‘qiga perpendikulyar tekislik undan kichik konus ajratadi. Qolgan qismi kesik konus deyiladi (104-rasm).

9-126-rasm 9-127-rasm 9-128-rasm

Asosi konus asosidagi aylanaga ichki chizilgan ko‘pburchak bo‘lib, uchi esa konusning uchida bo‘lgan piramida konusga ichki chizilgan piramida deyiladi (105-rasm). Konusga ichki chizilgan piramidaning yon qirrasi konusning yasovchilari bo‘ladi. Asosi konusning asosiga tahqi chizilgan ko‘pbubrchak bo‘lib, uchi esa konusning uchi bilan ustma-ust tushgan piramida konusga tashqi chizilgan piramida deyiladi. Tashqi chizilgan piramida yon yoqlarining tekisliklari konusning urinma tekisliklari bo‘ladi (106-rasm).