Реферат мавзу: Беморларни операцияга тайёрлаш ва операциядан кейинги парваришлаш Бажарувчи: Сайдалиева н режа

ЎЗБЕКИСТОН РЕСПУБЛИКАСИ СОҒЛИҚНИ
САҚЛАШ ВАЗИРЛИГИ


РЕФЕРАТ


Мавзу: Беморларни операцияга тайёрлаш ва
операциядан кейинги парваришлаш

Бажарувчи: Сайдалиева Н
Режа:


1.Кириш
2. Беморларни операцияга тайёрлаш
3. Операциядан кейинги парваришлаш
4.Ҳулоса
1.Хирургияда операция бемор учун энг муҳим воқеадир. Операция ва оғриқсизлантириш билан боғлиқ ҳар бир муолажаларнинг барчаси операцион стресс деб аталиб, уларнинг асоратлари эса операциядан кейинги ҳолат ёки операциядан кейинг касаллик деб қаралади. Бундай стрессга фақатгина бевосита операцион жароҳатгина сабаб бўлмасдан, балки турли хил мураккаб таъсирлар комплекси натижасида юзага келади: қўрқиш, таъсирланиш, оғриқ, наркотик воситалар таъсири травма, яра ҳосил бўлиши, овқат емаслик, тўшак режимининг сақланиши кераклиги ва бошқалар.

Операциядан кейинги давр - операциядан сўнг беморни тўлиқ соғайиши ёки ногиронликка ўтказишгача бўлган давр. Операциядан кейинги даврнинг аҳамияти ката бўлиб, айнан ўша вақтда беморга максимал эътибор ва ғамхўрлик керак бўлади. Операциядан кейинги даврнинг асосий мақсади - операциядан кейинги даврда беморда кузатиладиган регенерация ва адаптация жараёнларининг ривожланишига имконят яратиш, шунингдек юзага келиши мумкин бўлган асоратларнинг олдини олиш, эрта аниқлаш ҳисобланади.

Асоратланмаган операциядан кейинг даврда организмдаги асосий органлар ва тизимларда қатор функционал ўзгаришлар юз беради. Бу қуйидагилар билан боғлиқ: психологик (рухий) стресс, операциядан кейинги жароҳат зонасидаги оғриқ, операция соҳасидаги некроз ўчоқлари ва тўқималар жарохати, беморнинг мажбурий ҳолати, гипотермия, овқатланишнинг бузилиши каби омиллар таъсири туфайли бўлади. Операциядан кейинги давр нормал кечганда организмдаги реактив ўзгаришлар одатда мўътадил ифодаланган бўлиб, тахминан 2-3 кун давом этади.

Операциядан кейинги даврнинг асосий вазифалари қуйидагилардан иборатдир: