Reja: Adobe Flash dasturiga kirish. Taxrirlash oynasi. Xujjatlar oynasi. Kalit so’zlar

---

1-Ma’ruza. Adobe Flash dasturiga kirish. Taxrirlash oynasi. Xujjatlar oynasi. 
asboblar oynasi. Suzuvchi panellar. Taxrirlash oynasini tashqi ko’rinishi. 
Grafik formatlar. Vektor va vektorli grafikalar. Obyektlar va konturlar. 
Xujjat oynasining bosqichlari. 
Reja: 
1. Adobe Flash dasturiga kirish. 
2. Taxrirlash oynasi. 
3. Xujjatlar oynasi. 
 
Kalit so’zlar: Adobe Flash, tahrirlash, asboblar, panel, oyna, format, vektor. 
Flash-texnologiyasi quyidagilardan tashkil topgan: vektorli grafika; 
animatsiyalarning bir qancha ko'rinishini qo'llanishi; interaktiv elementlar 
interfeysini yaratish imkoni; sinxron ovozlarni yozishni o'z ichiga olish imkoni; 
Flash filmlarni, shuningdek, Internetdagi istalgan grafik formatlarni HTML 
formatiga o'tkazishni taminlaydi;
Adobe Flash dasturi yordamida ham animatsiya va takdimot fayllarni 
yaratishimiz mumkin. Ammo, Power Point ga qaraganda Adobe Flash dasturida 
yaratilgan animatsiya fayllari to'liq siz tomoningizdan yaratiladi. Shu bilan 
birgalikda bu dasturda aktiv elementlar bilan ishlash va dasturlash imkoniyatlari 
mavjud. Asosan, Adobe Flash dasturida kichik animatsiya fayllari (kliplar), 
Internet sahifalar, elektron qo'llanmalar va boshqa Flash dasturida yaratilgan 
fayllar o'zining originalligi, ishlash soddaligi, yaratilish murakkabligi, tezkorligi, 
multimediya bilan jihozlanganligi va hajm bo'yicha kichikligi bilan ko'zga 
tashlanadi. 
1. Kompyuterda tasvirlar ikki xil usulda tayyorlanadi va saqlanadi: vektor va 
rastrli formatlarda.
a) Vektor tasvirlar (inglizcha vector image; ruscha - vektornie izobrajeniya) - 
bunday usulda tasvir vektorning tekislikdagi formulalari orqali hosil qilinadi. Bu 
turdagi fayllarda shu vektorlar formulalari va ularning xususiatlari (rang, uzunlik 
va h.k.) saqlanadi. Bunday fayllar: wmf (windows metafile); emf (enhanced 
metafile); cdr (Corel Draw standart fayllari); ai (Adobe Illustrator standart 
fayllari) va h.k. 
b) Rastr tasvirlar (bitmap images; rastrovie izobrajeniya) - bunday usulda tasvir 
ushbu tasvirni hosil qiluvchi har bir nuqtaning xususiyatlari (rangi, koordinatasi 
va h.k) orqali hosil qilinadi. Bunday fayllar: . bmp (bitmap); .pcx (paintbrush 
image); tiff (tagged image file format); jpeg (joint photographic experts group - 
compresslangan /siqilgan, hajman qisqartirilgan / rastr tasvirlar) va h.k. 
Vektor usuldagi tasvirlar hajman ancha kichik bo'ladi. Chunki unda faqat 
vektorlar formulalari joylashtirilgan. Biroq shu bilan birga, vektor rasmlar 
ko'pincha sodda, primitiv (qo'lda chizilgan qahramonlar, ob'ektlar, multiklar va 
h.k) ko'rinishda bo'ladi. 
Rastr tasvirlar esa birmuncha hayotiy (fotografiyalar) ko'rinishda bo'ladi. Biroq 
ular hajman vektor tasvir fayllariga qaraganda ancha yirik bo'ladi. Chunki ularda 

---

tasvirni tashkil qiluvchi har bir nuqta (dot) haqida ma'lumot bo'ladi. Demakki, 
tasvir qancha ko'p nuqtaga ega bo'lsa, fayl hajmi shunchalik ortadi. Rasmda 
nuqtalar soni qancha ko'p bo'lsa u shunchalik aniq, detallashtirilgan bo'ladi. 
Nuqtalar soni odatda dpi (Dot per Inch - bir dyumga to'g'ri keladigan nuqtalar 
soni) atamasi bilan beriladi. Masalan, standart monitoringiz ko'rsatishi mumkin 
bo'lgan nuqtalar soni 96 dpi. Shuningdek 100x100, 640x480 va h.k. ko'rinishida 
ham berilishi mumkin. Bunda 1-son gorizontal chiziq bo'ylab joylashgan nuqtalar 
soni, ikkinchisi esa vertikal chiziq bo'ylab joylashgan nuqtalar sonini bildiradi. 
Rus tilida tasvirning grafik ko'rsatish imkoniyati razreshenie (inglizcha 
resolution) deb yuritiladi.