Reja: I. Kirish Ona tili-millat ruhi >II. Asosiy qism

Til-millat ko'zgusi

Reja:

I.Kirish.. Ona tili-millat ruhi

II.Asosiy qism:

1. Til-millat ma'naviyatining muqaddas timsoli.

2.Ona tilim-iftixorim.

III.Xulosa.Til borki,millat barhayot.

Har bir millatning dunyoda borligini ko’rsatadurg’on oyinayi hayoti

til va adabiyotidir. Milliy tilni yo’qotmak millat ruhini yo’qotmakdir.

(Abdulla Avloniy)

Til xalqning yagona bir millat sifatida milliyligini,o'zligini,madaniyatini

ko'rsatuvchi ko'zgudir.Millatning borligi va birligining bosh belgisi tili

hisoblanadi. Shuning uchun ham biz o'zbek tilini ona tili sifatida ulug'laymiz,e'tirof

etamiz. O'zbek tili dunyodagi qadimiy va boy tillardan biridir.Uning sofligi,

purma'noligi va go'zalligi bilan boshqa tillardan farqli. Dunyo tillarining faqat ikki

yuztasigina davlat tili maqomiga erishgan bo'lib,ular orasida o'zbek tili ham bor. Bu

esa har birimizning qalbimizda faxr-iftixor tuyg'ularini uyg'otib,tilimiz sofligini

saqlashgda zimamizga mas'uliyatlar ham yuklaydi.Binobarin,til qalbimiz oynasi

hamdir. Shu o'rinda Abdulla Oripovning betakror satrlari yodga tushadi:

Ming yillardirki bulbul kalomi

O'zgarmaydi,yaxlit hamisha.

Ammo sho'rlik to'tining holi

O'zgalarga taqlid hamisha.

Ona tilim, sen borsan,shaksiz,

Sen yo'qolgan kuning,shubhasiz,

Men ham to'ti bo'lib qolaman!

Shunday ekan, tilimiz qanchalik go'zalligini butun dunyoga tarannum etmog'imiz darkor.

Ona tili-bu millatning ma'naviy qiyofasi,or-nomusi,orzu-umidlari

namunasi. Ona tili so'zi shunchalar ulug'ki, uni har qancha ta'riflasak arziydi. Har

qaysi millatning o'z Vatani,oilasi bo'lgani kabi jonajon,betakror tili ham

bo'ladi. Vatan, ona qanchalik muqaddas bo'lsa, ona tili ham shunchalik

ulug'dir.Ona tiliga muhabbat,avvalo, ona allasi bilan bolaning qalbiga singadi.

Ana shunday ulug'vorlik bola qalbida mudom yashaydi.Ona tili rivoji ham aynan

yoshlar qo'lida.Tilsiz jamiyat rivojlanmaydi,taraqqiy etmaydi.Suvsiz daryo

bo'lmaganidek, tilsiz millat ham vujudga kelmaydi.

Yuragimning qoshida

Sayrab turgan bulbulim,

Sensiz ochilmas gulim

Ruhiyat bo'stonimda,

Ona tilim,jon tilim.

Tilni sevish,uni ardoqlash,millatni sevish va uni qadrlash bilan teng hisoblanadi.

1989-yil 21-oktabrda o'zbek tiliga davlat tili maqomi berildi.O’zbekiston

Respublikasi Konstitutsiyasida o'zbek tili maqomi huquqiy jihatdan mustahkamlab

qo'yildi.”O'zbek tili haqida”gi qonun qabul qilingandan so'ng mamlakatimiz har

tomonlama rivojlandi. O’zbek tilining jozibadorligi va mukammalligi barcha

xalqlar tomonidan e'tirof etib kelinmoqda.

Xususan, rossiyalik tilshunos olima,professor A.M.Kozlyanina shunday degan

edi:”O'zbek tili nafis va musiqa ohangidek jozibador".Shuning uchun ham ona

tilini ulug'lash,asrab-avaylash har bir o'zbek farzandining burchidir.Birinchi

Prezidentimiz ta'biri bilan aytganda:”O'zlikni anglash, milliy ong va tafakkurning

ifodasi,avlodlar o'rtasidagi ruhiy-milliy bog'liqlik til orqali vujudga keladi”. Bu

fikrlarni doimo yodda tutishimiz va tilimiz yuksalishiga o'z hissamizni qo'shishimiz lozim.

Bugungi kunda jahon sport arenalarida o'zbek kurashining qoidalari sof o'zbek

tilida"chala", “yonbosh",”halol" kabi so'zlarni baland ovozda yangrashini eshitgan

inson o'z tili,o'z millatining,Vatanining davlat tilini eshitib,g'ururlanishi bor gap.

Til-millatning faxridir.Har qaysi inson o'z Vatani bilan qanchalik faxrlansa,o'z ona

tili bilan ham shunchalik faxrlanadi.Shunday ekan,ona tilini sevish,so’z boyligini

chuqurroq oshirish zarur. Biz o’z ona-tilimizni asrab-avaylashimiz, uning nufuzini

oshirishimiz, go’zal va sofligini avlodlarga meros sifatida qoldirishimiz, dunyoga

tanitishda o’z hissamizni qo’shishimiz kerak. Til yashasa, millat yashaydi. Agar

biz o’z tilimizning ko’rkamligi, boyligini dunyoga tarannum etsak, millatimiz yanada

charog’on bo’ladi va birligimiz mustahkam bo’ladi. Zero rus tarixchisi Shobelev

aytganidek “Millatni yo’q qilish uchun u yerga qurol ko’tarib borish shart emas,

uning tilini, ma’naviyatini, adabiyotini yo’q qilish kerak, shunda millatning o’zi yo’q

bo’lib ketadi” degan fikri naqadar to’g’ri ekanligini ko’rishimiz mumkin. Shu sababli

har bir yosh avlod millat tilini ardoqlashi va yuksalishida o‘z hissasini qo‘shishi lozim.