Reje: Elektrotexnologiya tiykarları páni predmeti

---

Lekciya №1. Kirisiw. Elektrotexnologiya tiykarları páni predmeti, maqseti, 
wazıypaları 
Reje: 
1. 
Elektrotexnologiya tiykarları páni predmeti 
2. 
Elektrotexnologik qurılmalardıń islep shıǵarıwda áhemiyeti 
1. Elektrotexnologiya tiykarları páni islep shıǵarıwda qollanılatuǵın elektr 
texnologik qurılmalar, dizimleriniń islew tiykarları, túrleri hám xarakteristikaların 
úyrenedi. Házirgi dáwir elektrotexnologik qurılmalarda elektr energiya ıssılıq, 
mexanik hám basqa túrdegi energiyaǵa ózgerttirilip, anıq texnologik wazıypalardı 
orınlawǵa xızmet qıladı. Elektr járdeminde qızdırıw processleri metallurgiya, 
mashinasazlıq, ximiya sanatı, qurılıs, awıl xojalıǵı hám sonday-aq islep shıǵarıwdıń
basqa tarawlarında hám keń qollanıladı. Elektrotexnologik qurılmalarǵa elektr 
pechler hám qızdırıwshı qurılmalar, elektroliz vannalar, elektr kepserlew 
qurılmaları; elektr ushqın, elektr impulsı hám maydanı tásirinde detallarǵa islew 
beriwshi kóplegen túrdegi qurılmalar hám asbaplar kiredi.
2. Elektrotexnologik qurılmalardıń salmaqlı bólimin elektr pech hám qızdırıwshı
qurılmalar payda etedi. Elektr pechler hám qızdırıw qurılmaları hám elektr 
energiyanı ıssılıq energiyasına ózgerttiriw usulları boyınsha bir neshe túrlerge 
bólinedi. Olardıń atqaratuǵın wazıypaları hám, quwatları hám konstruktiv 
dúzilisleri hám hárqıylı. Elektr pechleri hám qızdırıw qurılmalarında materialardı 
eritiw hám qızdırıw, sıpatı joqarı bolǵan materiallardı alıw, detal hám buyımlarǵa 
ximiyalıq hám ıssılıq benen islew beriw hámde júzlerin túrli elementler menen 
qaplaw, qurıtıw, monokroistallardı óstiriw sıyaqlı texnolgik processler orınlanadı. 
Elektr kepserlew qurılmaları diyerli barlıq islep shıǵarıw tarawlarında metall 
konstrukciyalarınıń detalların ózara biriktiriwde, trubalardı-trubalarǵa jalǵawda 
hám sonday uqsas júzlep ámellerdi orınlawda júdá keń qollanıladı.
Elektrotexnologik qurılmalardıń jáne bir túri bolǵan elektroliz tiykarında taza 
metallardı alıw hám detallardıń júzlerin qaplamalar menen qaplaw qurılmaları 
bolıp, reńli metalurgiyada keń qollanıladı. Bunnan tısqarı detal betlerine islew
beriwde hám ásbap sazlıqda kem ushırasatuǵın ásbaplardı jaratıwda elektromexanik, 
elektrokinetik hám elektron–ionlı elektrotexnologik processler negizinde isleytuǵın 
qurılmalardıń mashinasazlıqda qollanılıwı hám onıń keyingi keleshek islep 
shıǵarıwda zamanagóy, pán hám texnika jetiskenligine tiykarlanǵan 
texnologiyalardan sanaatda únemli paydalanıwǵa xızmet qılmaqda.
Sanaat gázlerin shań hám suyıq bólekshelerden tazalawda paydalanılatuǵın 
elektrofiltrlerde, qıyın tártipke iye bolǵan elementlerdi payda etiwshilerge ajıratıp 
saralawshı elektroseparatorlarda hám úlken hám qıyın kóriniske iye bolǵan júzlerdi
boyawda elektrostatik maydan kernewligin qollawǵa tiykarlanǵan elektrotexnologik 
protsessden paydalanıladı.