Русс нашриётига сўз боши

Ишқибозликни муҳимлик билан адаштирманг
 
Буюк ғояларнинг туғилиши сизни сармаст қилади. Сиз ўзингизни 
имкониятлар яратишга қодир ва фойдали одам деб ҳисоблайсиз. Ва албатта 
ҳозир қилишни хоҳлайсиз. Барча ишингизни ташлаб, бутун борлиғингиз 
билан ўзингизнингнинг охирги буюк ғоянгизни амалга оширишга шўнғиб 
кетаси. Бу қадамни ақллиларча ташланган дейиш қийин. Сизни янги ғоя 
билан заҳарлаган ишқибозлик, унинг қийматини кўрсатиб берадиган аниқ 
индикатор эмас. Бугун сиз панд бермайди деб ҳисобланган вариант, эртага 
шунчаки “ҳа, бу ёмон бўлмасди”га айланиши мумкин. Бу “ҳа, бу ёмон 
бўлмасди” эса қолган барча нарсангизни тикишга арзимайди.
Бизда ҳар доим бизнинг приложенияларимиз учун янги функциялар 
ғояси пайдо бўлган, шу билан бирга мижозларимиз ҳар куни бизга ўнлаб 
қизиқ ғоялар таклифини юборишарди. Шубҳасиз, биз бу ғояларни ҳаётга 
тадбиқ этишга ҳаракат қилиб, уни нимага олиб келишини кўриш яхши бўлар 
эди. Лекин бундай қиладиган бўлсак, биз ҳудди йугуриш машқлари 
ўтказиладиган йўлда югураётгандек бўламиз, аслида бошқа ҳеч қаёққа бориб 
қолмаймиз.
Шунинг учун, олдинига янги буюк ғояларга, совуши учун бир оз вақт 
беринг. Албатта, қўлингиздан келгунича янги ғояларни ўйлаб топинг. 
Улардан куч олинг ва улар билан завқланинг. Фақат айни ўша вақтнинг 
таъсири остида ҳаракатланишни бошламанг. Уларни ёзиб қўйинг ва бир неча 
кун, қўйиб қўйинг.
Кейин эса, уларни қанча вақтда амалга ошириш кераклигини теран ақл 
билан тўғри баҳоланг. 
Уй шароитида фойдаланиш учун яхши бўлинг 
 
Сиз буни қандай бўлишини яхши биласиз. Сиз дўконга борасиз. Бир 
нечта товарларни кўрасиз ва энг яхши деб ҳисоблаганингизни танлайсиз. У 
жуда кўп икониятларга эга.
У ажойиб кўринади. Унинг ўрами ва ундаги аннотацияси яхши. 
Ҳаммаси ажойибдек туюлади.

---

Лекин уни уйга олиб келганингиздан кейин шуни тушунасизки, у сизга 
тўғри келмайди. Ундан фойдаланиш сиз ўйлаганингиздек осон эмас. Унинг 
жуда кўп сизга керак бўлмаган имкониятлари бор. Сиз охир оқибатда 
ўзингизни шундай ҳис қиласизки, ҳудди сизни тунаб кетишди. Шунда, сиз 
ўзингиз мўлжаллаган нарсани олмаганингизни ва шунчаки жудда қимматга 
тушганингизни тушунасиз.
Сиз фақатгина “дўкон учун ажойиб” товарни олдингиз, яъни бу товар 
сизни, сотиб олингандан кейин турмуш ҳаётда фойдаланиш вақтидагидан 
кўра, дўконда кўпроқ қизиқтирганди.
“Ақлли” компаниялар аксинча йўл тутишади: улар турмуш тарзида 
фойдаланишда яхши бўладиган маҳсулотларни ишлаб чиқаришади. “уй учун 
ажойиб” дегани, товарни уйга олиб келганингиздан кейин сиз, уни дўкондан 
сотиб олаётган вақтдагидан кўра кўпроқ мамнун бўласиз.
Сиз “уй учун ажойиб” бўлган товарлар билан яшаяпсиз ва вақт ўтиши 
билан сиз уларни кўпроқ ва яна кўпроқ яхши кўриб борасиз. Яна улар ҳақида 
дўстларингизга айтиб берасиз.
Уй учун ажойиб” бўлган товарни яратишда сиз эҳтимол, унинг “дўкон 
учун пардоз”ини бир қисмидан воз кечишингизга тўғри келиши мумкин. 
Ўзининг асосий вазифасини ажойиб даражада бажара оладиган товарлар 
рақобатчиларнинг хар ҳил, қалашиб ётган товарлари каби жозибадор, 
чиройли кўринмаслиги мумкин. Камроқ ҳажмдаги вазифаларни керагидек 
бажара олиши билан, улар узоқдан кўп ҳам кўзга ташланмайди. Бу оддий 
ҳол.
Сиз узоқ муддатли муносабатларга умид қилаяпсиз, бир кечалик алоқага 
эмас. 
Гап товарнинг фақат кўриниши ёки ўрами ҳақида кетмаяпти. Балки 
реклама учун ҳам шундай ёндашиш керак. Биз ҳаммамиз телевизорда 
“сизнинг ҳаётингизни бутунлай ўзгартириш”га ваъда бераётган, “тубдан 
ўзгарган” янги нарсанинг рекламасини кўрганмиз. Лекин уни ҳақиқатда уйга 
олиб келганимизда, ҳафсаламиз пир бўлади. Фойдаланишнинг омадсиз 
тажрибасини ёрқин реклама ва маркетинг билан бўяб яхши қилиб бўлмайди.