Ruwxiyliq tiykarlarin woqitiw metodikasi kk

Ruwxiyliq tiykarlari sabaqlarina tayarlaniw 
Ruwxiyliq tiykarlari pa`nin oqitiw sabag`ina tayarlaniw birinshi gezekte oqiwshilarg`a 
jan`a sabaq matriali ju`zesinen qanday o`lshemde tayarlang`anlig`in, bunin` ushin nelerdi 
ta`kirarlaw za`ru`rligin aniqlaw kerek. 
Okitiwshi Ruwxiyliq tiykarlari bag`darlamasin,isshi jobasin, sabaqlik ha`m oqiw 
qollanbalarin, metodikaliq a`debiyatlardi ha`m ko`rgizbeli qurallardi ja`mlegennen keyin 
gezektegi sabaqqa tayarliqti baslaydi. En` da`slep gezektegi sabaq Ruwxiyliq tiykarlari 
bag`darlamasinda qaysi orinda, qaysi temalar menen baylanisli halda, tu`siniklerdi neler menen 
baylanistirip tu`sindiriw kerekligin aniqlaydi. 
Bul sorawlardin` barlig`i bayan etilgennen keyin sabaqtin` tiykarg`i didaktikaliq maqseti 
ha`m onin` tipik o`zgesheliklerin qatan` u`yreniw za`ru`rligi kelip shig`adi. Bul bolsa sabaqtin` 
mazmunin aniqlawg`a ja`rdem beredi. Sabaqtin` didaktikaliq maqsetinde onin` mazmuninan 
sabaqtin` bir sistemag`a, yag`niy sabaqtin` jeke bo`limlerinin` birlesiwi, olardin` organikaliq 
birligi sabaqtin` bo`limlerin toltiradi ha`m olar o`z-ara birin-biri baylanistiradi. Sabaqtin` joba 
yamasa teksti du`zilisinde temanin` didaktikaliq maqsetine juwap beriwshi tiykarg`i bo`limlerdi 
du`ziwden baslaw kerek. Eger sabaq jan`a bilimlerdi bayan etiwden ibarat bolsa, o`tken sabaqtan 
nelerdi ta`kirarlaw kerekligin, bul tiykarda jan`a temani jaqsi o`zlestiriw mu`mkinligi, jan`a 
temadan u`yge tapsirmani tekseriw za`ru`rligi bar yaki joqlig`i, jan`a temani o`zlestiriw ushin 
oqiwshilarg`a qaysi tapsirmalardi usiniwdi oylap ko`riw kerek. Sonnan keyin oqitiwshi qaysi 
oqiw materiali menen sabaqtin` ayirim bo`limin toltiriwi za`ru`rligin, oqitiwshi qanday metod 

---

46 
ha`m usillardi qollaniwi, qanday ko`rgizbe qurallarin tayarlawi ha`m qollaniwi mu`mkinligin 
esapqa aladi. 
Sabaqtin` ha`r bir bo`limin orinlaw ushin qansha waqit talap etiliwin aniqlaw za`ru`r. 
Ta`biyiy tu`rde sabaqtin` en` u`lken bo`limisabaqtin` tiykarg`i didaktikaliq maqsetin 
sheshetug`in bo`limge qaratiliwi za`ru`r. 
Solay etip, oqitiwshi to`mendegi jumislardi orinlawi lazim: 
- oqiw bag`darlamasi ha`m oqitiwshi jobasinda sabaqtin` ornin aniqlaw; 
- sabaqtin` tiykarg`i didaktikaliq maqsetlerin aniqlaw; 
- sabaq mazmunin aniqlaw; 
- sabaq basqishlarin du`zip shig`iw; 
- sabaq jobasin du`zip shig`iw; 
- sabaq tekstin jaziw; 
- sabaq o`tiw metodlarin aniqlaw; 
- sabaqta ha`m u`yge beriletugin tapsirmalardi aniqlaw; 
- ko`rgizbeli qurallardi tayarlaw; 
- ha`r bir basqishqa sariplanatug`in waqitta aniqlaw ha`m t.b.