Ruwxiyliq tiykarlarin woqitiw metodikasi kk

Da`stu`riy sabaqtin` basqishlari  
1. Sho`lkemlestiriwshi bo`lim - sa`lemlesiw, qatnasti tekseriw, za`ru`r ko`rgizbeli qural 
ha`m u`skenelerdi sabaqqa tayarlaw;
2. Jan`a temani baslawg`a tayarliq, motivatsiya – jan`a tema menen baylanisli o`tilgen 
sabaq temalarin ta`kirarlaw, jan`a temani baslamastan aldin oqiwshilardin` bul temag`a tiyisli 

---

48 
bilim da`rejelerin aniqlaw, bahalaw ha`m jan`a materialdi o`zlestiriwge tayarlaw, jan`a sabaq 
maqsetin tu`sindiriw ha`m sabaqqa qiziqtiriw;
3. Jan`a temani aship beriw – sabaq materiallarin kishi-kishi bo`limlerge bo`lip, izbe-iz 
belgili bir baylanista, ko`rgizbeli ta`rizde ha`m ha`r qiyli usillardan paydalang`an halda beriw;
4. Jan`a temani bekkemlew – aling`an teoriyaliq bilimlerdi jarqin misallardi qollaniw ha`m 
ha`r qiyli tapsirmalardi orinlaw tiykarinda okiwshilarda jan`a temag`a baylanisli a`meliy 
ko`nlikpelerdi payda etiw ha`m bahalawdan ibarat. Bunda bahalaw ushin beriletug`in soraw 
ha`m tapsirmalar a`yne sabaq maqsetinen kelip shiqqan boliwi, og`an erisilgen yaki 
erisilgenligin aniqlawg`a qaratiliwi lazim. 
5. Sabaqti juwmaqlaw ha`m bahalaw – sabaqtin` maqsetin ja`ne bir ret esletiw ha`m og`an 
qanshelli eriskenligin oqiwshilar menen birgelikte aniqlaw lazim. Sonday-aq, oqiwshilardin` 
tema boyinsha sorawlarina juwap beriw, sabaqtin` tiykarg`i momentlerin atap o`tiw, 
oqiwshilardin` o`zlestirgenlik da`rejesin aniqlaw, sabaqqa belsendi qatnasqan oqiwshilardi tilge 
aliw ha`m bahalaw usi bo`limnin` quramina kiredi. Oqiwshilar bilimin bahalawdi pu`tkil sabaq 
dawaminda ha`r qiyli usillar ja`rdeminde orinlaw mu`mkin.
Bahalawdan maqset oqiwshilarg`a tek qandayda bir ballardi qoyip bariw emes, ba`lki 
oqiwshilardin` o`zlestiriw da`rejesin qadag`alap bariwdan ibarat bolip tabiladi. Kerek bolg`anda 
sabaqtin` barisina o`zgerisler kirgiziw, tu`siniw qiyin bolg`an jerlerine qaytalap toqtaliw lazim 
boladi. 
6. U`yge tapsirma - o`tilgen tema boyinsha bilim, ko`nlikpe, epliliklerdi ja`nedebekkemlew 
yaki kelesi sabaq ushin tayarliq ko`riwge qaratilg`an, o`z betinshe orinlawg`a soraw, shinig`iw 
ha`m tapsirmalar jiyintig`inan ibarat boliwi lazim.