Ruwxiyliq tiykarlarin woqitiw metodikasi kk

7. Na`tiyjelilik. Na`tiyjelilik test tapsirmalarinin` barg`an sayin quramalasip bariwin 
ko`zde tutadi. Bul qatan` talap emes. O`ytkeni zamango`y komp`yuter test sistemasinda 
okiwshig`a na`wbettegi test tapsirmasi alding`isin kalay sheshkenine qarap beriledi. Yag`niy 
aldin`g`i sorawg`a naduris juwaptan keyin og`an salistirg`anda quramali bolmag`an test 
tapsirmalari beriliwi mu`mkin.
8. Qatan` belgilengen waqit. Bul sharttin` ma`nis-mazmuni sonnan ibarat, oylaw ushin 2 
minuttan artiq waqit talap etetugin test sorawlari bolmawi lazim. Bir qansha shet ellik test 
tapsirmalari analizlengende, matematika boyinsha 65 sekund, til ha`m a`debiyat boyinsha 32 
sekund, sotsialliq ha`m ta`biyiy pa`nler boyinsha 41 sekund, da`liller ha`m ibaralar ushin 20-25 
sekund, sizilmalar ushin 90 sekund, formalardi aniqlaw ushin 90-120 sekund waqit ajiratilg`ani 
belgili bolg`an. 
9. Iqshamliliq. Test tapsirmalarinin` teksti sozilip ketpesligi, shubalan`qi bolmasligi lazim. 
Quramali ko`lemli oqiw sorawin o`zlestirgenin aniqlaw za`ru`r bolg`an jag`daylarda oni bir 
neshe iqsham testlerge bo`lip du`zgen maqul. 
10. Tildin` ra`wanligi, aniqlig`i, bir ma`nisliligi. Test tapsirmalarinda ko`p ma`nislilik 
ha`m naaniqliqqa jol qoyip bolmaydi. AQShta test tapsirmalarin du`ziwshiler toparina belgili bir 
oqiw pa`ni boyinsha ta`jiriybeli pedagog ha`m psixologtan tisqari a`debiy redaktordi da kirgiziw 
da`stu`rge aylang`an.
11. Quramaliliq o`lshemi (jaramlilig`i). Test tapsirmalir pedagogikaliq aspektten 
na`tiyjeli boliwi ushin olar g`alaba xabar berip qoymastan,juwabi ashiqtan-ashiq ayan boliwi 
lazim. Na`tiyjesi yarimina ten` (Rq0,5) bolg`an test tapsirmalari salistirmali na`tiyjeli esaplanadi. 
Bunday na`tiyje oqiw materiallarin jaqsi o`zlestirgen yaki teren` tayarliq ko`rmegen okiwshini 
aniqlawdi an`satlastiradi. Sonin` ushin da abiturientlerdi tan`law, pitkeriw imtixanlari siyaqla 
a`hmiyetli ilejlar ushin test tapsirmalari oqiw bag`darlamasin toliq u`yrengen okiwshilardin` 50 
payizi orinlay aliwi mu`mkin bolg`an da`rejede tayarlanadi. Demek, belgili bir bag`dardag`i 
testler ushin 50 payizliq na`tiyje jaqsi ko`rsetkish bolip tabiladi. Sonni umitpaw kerek, o`z klassi 
ushin mug`allimler ta`repinen tayarlang`an test tapsirmalari basqasharaq o`lshem menen 
bahalandi. Bunda 50 payiz emes, ba`lkim 85 payiz ko`rsetkish maqsetke muwapiq esaplanadi. 
Bul haqkinda aldin`g`i temalarda bayan etilgen.