Saodat toxirovna toshaliyeva r e k r u t m e n t

Bo'sh ish joyi ekspertizasi - bu 
bo'sh ish joyini baholash tartibi, 
unda mutaxassisning ish joyidagi 
faoliyati tahlili, qidiruv parametrlari 
va nomzodlarni tanlash mezonlari 
aniqlanadi

---

55 
Ikkinchi blok - bu nomzodlarni qidirish parametrlarini aniqlash. 
Bunday holda, kerakli mutaxassisning kasbiy tajribasiga qo‘yiladigan 
talablarni shakllantirish uchun u ishlaydigan yoki ishlay oladigan 
kompaniyalar haqida o‘ylash kerak. Shuningdek bu nomzodni qiziqtirishi 
mumkin bo‘lgan qidiruv manbalarini, masalan, ma'lum nashrlar, saytlar, 
forumlar va boshqalarni tanlash uchun ham samaralidir. 
Bundan tashqari, kelajakdagi xodim qaysi lavozimlarda ishlashi 
mumkin yoki ishlayotganligini aniqlash kerak. Gap shundaki, tahlil qilingan 
ish majburiyatlari asosida mutaxassislar buyurtmachiga zarur bo‘lgan 
vazifalarni bajaradigan lazovimlar turlicha nomlanadi degan xulosaga 
kelish mumkin. Masalan: 
- Rieltor, ko‘chmas mulk bo‘yicha menejer, ko‘chmas mulk bo‘yicha 
mutaxassis, ko‘chmas mulk bilan bog'liq bitimlarni kuzatish mutaxassisi; 
- savdo menejeri, savdo mutaxassisi, faol savdo menejeri, mijozlarga 
xizmat ko‘rsatish menejeri, mijozlarga xizmat ko‘rsatish mutaxassisi, savdo 
bo‘limi menejeri, savdo bo‘limi rahbari; 
- barista, bar menejeri; 
- promo-model, promouter; 
- Personal bo‘yicha menejer, HR-menejer, kadrlar bo‘yicha 
mutaxassis, personalni boshqarish bo‘yicha menejer, personalni boshqarish 
bo‘yicha mutaxassis, kadr va ko‘plab boshqalar. 
Va nihoyat, vakansiya ekspertizasining uchinchi bloki nomzodlarni 
tanlash mezonlarini aniqlashdan iborat bo‘lib, ularning algoritmi bir qator 
savollarga ketma-ket javob berishdan iborat. 
Tajriba va minimal ish stajiga qo‘yiladigan talablar bo‘yicha savollar 
guruhi: 
- Mutaxassisning ish joyidagi faoliyatini tahlil qilish jarayonida 
aniqlangan qanday vazifalari ish tajribasini talab qiladi va / yoki yangi ishda 
o‘zlashtirilishi mumkin? 
- Nomzod oxirgi ish joyida qanday vazifalarni bajarishi kerak edi? 
- Buni sifatli amalga oshirish uchun nomzod necha marta ish 
topshiriqlarini bajarishi kerak edi? 
- Qancha vaqt ichida nomzod vazifani kerakli miqdorda bajarishga 
muvaffaq bo‘ldi? 
Kasbiy bilim va ko‘nikmalarga qo‘yiladigan talablar bo‘yicha savollar 
guruhi: 
- Ish tajribasini talab qiladigan va / yoki ish tajribasini talab 
qilmaydigan vazifalarni sifatli bajarish va / yoki o‘zlashtirish uchun xodim 
qanday kasbiy bilim va ko‘nikmalarga ega bo‘lishi kerak? 

---

56 
- Belgilangan vazifalarning muvaffaqiyatini cheklovchi omillar 
bormi? 
- Bu cheklovchi omillar nima? 
Bu erda, shuningdek, nomzodning ta'limiga qo‘yiladigan talablarni 
(o‘quv muassasasi, fakultet, qo‘shimcha kurslar, treninglar, malaka oshirish, 
qayta tayyorlash) hisobga olish kerak. 
Shaxsiy va psixologik talablar va cheklovlar bo‘yicha savollar guruhi: 
- Tanish bo‘lgan vazifalarni bajarish yoki yangi vazifalarni 
o‘zlashtirish uchun nomzod qanday shaxsiy va psixologik fazilatlarga ega 
bo‘lishi kerak? 
- Nomzodning qanday shaxsiy va psixologik fazilatlari xizmat 
vazifalarini muvaffaqiyatli bajarishga va / yoki o‘zlashtirishiga to‘sqinlik 
qilishi mumkin? 
- Nomzod boshliqlar va qo‘l ostidagilar bilan mos bo‘lishi uchun 
qanday shaxsiy va psixologik fazilatlarga ega bo‘lishi kerak?
Nomzodga korporativ talablarga oid savollar guruhi: 
- Nomzod qanday korporativ talablarga javob berishi kerak? 
- Buyurtmachi kompaniyada uzoq vaqt va muvaffaqiyatli ishlagan 
xodimlarning qanday fazilatlarga ega? 
Shu yo‘sinda, bo‘lajak nomzodga qo‘yiladigan talablarni belgilab, 
kompaniya uchun kerakli xodimni tanlash uchun bir qator mezonlarni 
shakllantiradi. 
"Chiziqli menejerdan buyurtma olish"ning ikkinchi bosqichida 
rekruter bevosita chiziqli rahbardan olingan ma'lumotlarni vakansiya 
ekspertizasi natijalariga qo‘shishi kerak: 
- kompaniyada ushbu lavozim paydo bo‘lishi tarixi, uning ochilish 
sabablari, nomzodni izlashning dolzarbligi; 
- lavozim tavsifi (lavozim nomlanishi, lavozim vazifalari, bo‘lim va 
unga bo‘ysunish tizimi to‘g'risida ma'lumot, kompensatsiya paketi va uni 
oshirish imkoniyatlari); 
- ochiq lavozim istiqbollari; 
- tanlov oldi va va tanlovdan keyingi tadbirlarni o‘tkazish tartibi. 
Olingan 
ma'lumotlarga 
asoslanib, 
rekruterdan 
nomzodlarni 
qidirishning samarali xaritasini tuzishi talab qilinadi. Masalan, “savdo 
vakili” bo‘sh ish joyini yopish uchun Internet-resurslarga, reklama va 
tavsiyalarga ko‘proq e'tibor qaratish kerak.
Ta'kidlash kerakki, bo‘sh ish joyini ekspertizadan o‘tkazish va chiziqli 
rahbardan buyurtma olish munosib nomzodni topish va ishga joylashtirish 
imkoniyatini oshiradi. 

---

57