Sarlavhaga oid ma’lumot, hujjat nomi

Klaviaturaning maxsus tugmachalari
Klaviaturada alifbo, raqamli va tinish belgili tugmachalaridan tashqari boshqa maxsus tugmachalar ham mavjud:

• 
  [Enter] tugmachasi (ba’zi bir klaviaturalarda [Return] va [CR]) satr kiritilishini tugaganligini bildiradi.
  
• 
  [Del] tugmachasi, to‘liq "delete" so‘zidan olingan bo‘lib, olib tashlash ma’nosini bildiradi va kursor ko‘rsatayotgan belgini olib tashlash uchun ishlatiladi.
  
• 
  [Ins] tugmachasi ("insert" so‘zidan olingan bo‘lib, surish ma’nosini bildiradi) belgilarni kiritishda surish rejimidan almashtirish rejimiga o‘tishni ta’minlaydi.
  
• 
  [Backspase] (yoki [Enter] ustidagi chapga yo‘nalgan chiziq) tugmachasi kursordan chapdagi belgini o‘chiradi.
  
• 
  [], [], [], [], [Home], [End], [PgUp], [PgDn] tugmachalari kursorni boshqarish tugmachalari deyiladi. Qoidaga ko‘ra, bu tugmachalarning bosilishi kursorni mos yo‘nalishda (Home - satr boshiga, End - satr oxiriga) surilishiga va matnni "varaqlashga" (PgUp - orqaga, PgDn - oldinga) olib keladi.
  
• 
  [Num Lock] (raqamlar rejimi) tugmachasi bosilgan holda, klaviatura-ning o‘ng tomonida joylashgan 1 - 9,0 raqamlaridan foydalanish mumkin, aks holda [], [], [], [], [Home], [End], [PgUp], [PgDn], [Ins] va [Del] tugmachalari ishlaydi.
  
• 
  [Esc] tugmachasi komandani bekor qilish, programmadan chiqish uchun foydalaniladi.
  
• 
  [F1] - [F12] funksional tugmachalar turli maxsus amallarni bajarish uchun zarur. Ularning vazifasini bajarayotgan programma belgilaydi.
  
• 
  [Ctrl] va [Alt] maxsus tugmachalar vazifasini o‘zgartiradi. Bu tugmachalar boshqa tugmachalar bilan birgalikda programma ishiga ta’sir ko‘rsatadi.
  
• 
  [Print Screen] - tugmachasi ekrandagi tasvirni printerga chiqaradi.
  
• 
  [Break] - tugmachasi programma ishini to‘xtatish uchun ishlatiladi.
  

Digitayzer – ya’ni qog‘ozdagi ma’lumotlarni raqamlashtiruvchi qurilma.
Digitayzer quyidagilardan tashkil topgan bo‘ladi:

• 
  planshet, qog‘ozni joylashtirish uchun xizmat qiladi;
  
• 
  pero, planshetda nuqtaning joyini aniqlash uchun xizmat qiladi.
  

Planshet bo‘yicha pero yuritilganda kompyuter xotirasida nuqta koordinatalari o‘rin topadi.