Savollar: Byudjet ijrosida g’aznachilik tizimining zaruriyati nimada? G’aznachilikning xususiyatlaridan qaysi biri asosiy hisoblanadi? Davlat moliyasining soha va bo’g’inlari qaysilar? Byudjet ijrosi necha turga bo’linadi?

2. Davlat moliyasini boshqarish - davlat o’z vazifalarini samarali bajarishini ta’minlash, moliyaviy resurslarni safarbar qilishda ma’lum samaraga erishish, yagona tizim asosida moliyaviy resurslarni taqsimlash va ishlatish va nihoyat iqtisodiy barqarorlashtirish va jamiyat rivoji uchun sharoit yaratish borasida davlat tomonidan ko’riladigan tadbirlar yig’indisidir.

G’aznachilik - byudjetdan mablag’ oluvchilarning majburiyatlarini ijroga qabul qiladi va byudjet tashkilotlariga etkazib berilgan tovar mahsulotlar, bajarilgan ishlar va ko’rsatilgan xizmatlar uchun G’aznachilik ularning nomidan va ularning topshirig’iga binoan vakolatni o’z zimmasiga oladi va byudjet mablag’larining maqsadli ishlatilishini ta’minlash va nazorat qilish asosida to’lovlarni amalga oshiradi.

G’aznachilik faoliyat ko’rsatishi uchun uning quyidagi tashkiliy elementlari mavjud bo’lishi va o’zaro bog’liqlikda amal qilishi zarur:

1. G’aznachilikning yagona hisobraqami;

2. G’aznachilikning bosh kitobi;

3. G’aznachilik organlari;

4. G’aznachilikning axborot tizimi;

5. G’aznachilikda byudjet mablag’larini boshqarish.