Счетлар режаси

Т/р	Хўжалик муомалаларининг мазмуни
Счётларнинг боғланиши
Дебет	Кредит
1	Узоқ муддатли банк кредитлари ва қарзлар олинди	5110-5530	7810-7820
2	Узоқ муддатли банк кредитлари ва қарзлар ҳисобига олинган ТМЗ қабул қилинди	1010-2910	7810-7820
3	Узоқ муддатли банк кредитлари ва қарзлар ҳисобидан бўнаклар берилди	4310-4330, 4410, 4510-4520	7810-7820
4	Узоқ муддатли кредитлар ва қарзлар ҳисобидан мол етказиб берувчилар ва пудратчиларга бўлган қарз тўланди	6010	7810-7820
5	Берилган вексел ва облигациялар эвазига узоқ муддатли қарз олинди	5110-5530	7830-7840
6	Узоқ муддатли кредитлар, қарзлар, облигациялар ва векселларни жорий қисмга ўтказиш	7810-7840	6950

6-§. Турли кредиторларга бўлган узоқ муддатли қарзларни ҳисобга олувчи счётлар (7900)

334. Корхонанинг турли жисмоний ва юридик шахслар олдидаги узоқ муддатли ижара, нотижорат муомалалар (ўқув юртлари, илмий корхоналар ва ҳоказо); транспорт корхоналарининг кўрсатган хизматлари бўйича, суд идораларининг қарорларига ва бошқа ҳужжатларга асосан турли корхоналар ва алоҳида шахслар манфаати учун корхона ишчиларининг иш ҳақидан ушланган суммалар бўйича узоқ муддатли мажбуриятлари тўғрисидаги ахборотларни умумлаштириш қуйидаги счётларда амалга оширилади:

7910 “Тўланадиган узоқ муддатли ижара”;
7920 “Турли кредиторларга бўлган узоқ муддатли қарзлар”.

335. 7910 “Тўланадиган узоқ муддатли ижара” счётида ижарага олинган узоқ муддатли активлар учун ижарага берувчи билан ҳисоб-китоблар ҳисобга олинади.

Корхонага келиб тушган узоқ муддатли активлар учун ижарага берувчи олдидаги қарзлар 0310 “Узоқ муддатли ижара шартномаси бўйича олинган асосий воситалар” счёти билан боғланган ҳолда 7910 “Тўланадиган узоқ муддатли ижара” счётининг кредитида ҳисобга олинади.

336. Корхонанинг турли кредиторларга бўлган узоқ муддатли қарзлари 7920 “Турли кредиторларга бўлган узоқ муддатли қарзлар” счётининг кредитида ТМҚ ва харажатларни ҳисобга олувчи счётлар билан боғланган ҳолда акс эттирилади.

7920 “Турли кредиторларга бўлган узоқ муддатли қарзлар” счёти бўйича аналитик ҳисоб ҳар бир кредитор бўйича алоҳида юритилади.

337. Турли кредиторларга бўлган узоқ муддатли қарзларни ҳисобга олувчи счётлар (7900)нинг боғланиши