Shovqin va titrashning Ularning inson organizmiga zararli ta´siri

Titrashdan himoyalanish usullari va vositalari.
Titrash ta’siridan himoyalanish, loyihalash bosqichlaridayoq boshlanib, barcha jihozlar, asbob – uskunalarni pasportlaridagi shovqin va titrash ko’rsatkichlariga qarab, eng qulaylarini tanlab olinadi.
Bunda tebranuvchan va shovqinli dastgohlar mavjud bo’lgan binolarni, alohida ajratib shamol yo’nalishi bo’ylab hudud chekkasiga joylashtirish maqsadga muvofiq bo’ladi.
Manbalardagi titrashlarni zararli ta’sirini kamaytirish usullarini ikki guruhga ajratish mumkin. Birinchisi manbalardagi titrashni qo’zg’atuvchi kuchlarni pasaytirish bo’lsa, ikkinchisi ularning poydevori bilan va boshqa dastgohlar hamda qurilish konstruktsiyalari bilan bog’langan joylarida titrashni pasaytirishdir.
Manbalardagi titrashlarni pasaytirishda mashina, jihoz, aslahalarni to’g’ri o’rnatish, ularni o’z vaqtida sifatli ta’mirlash, moylab turish, ish tartibini to’g’ri tashkillashtirish va ularni zo’riqtirmasdan me’yorida ishlashini ta’minlash, jihozlarni masofadan turib boshqarish hamda shaxsiy muhofaza qurollari va kiyimlaridan o’rinli foydalanish kutilgan samaraga erishish imkoniyatini yaratadi.

Ultra va infratovushlarning inson organizmiga zararli ta´siri. Yuzaga kelish manbalari va sabablari. Himoyalanish vositalari.
Inson sanoat korxonalarida ishlash jarayonida faqatgina shovqin ta'sirida bo'lib qolmasdan, mashina-mexanizmlar ajratadigan infra va ultra tovushlarning ham ta'sirida bo'ladi.Inson kulogi 16 Gts dan 20000 Gts gacha bulgan chastotali tovushlarni eshita oladi. 16 Gts dan kichik chastotali tovushlar – infratovushlar, 20000 Gts.dan katta chastotadagi tovushlar- ultratovushlar deb ataladi .

Mashinasozlik sanoatida infra tovushlarning asosiy manbayi ichdan yonar dvigatellar, ventilatorlar, porshenli kompressorlar hisoblanadi.

Infra tovushlar darajasi 100-120 dB dan oshib ketgan taqdirda ishchida bosh og'rishi, sezilarli darajada quloq pardasining harakati vujudga keladi. Infra tovush darajasi orta borgan sari ichki organlarda tebranish hissi vujudga keladi, ishlash qobiliyati keskin susayadi, qo'rquv paydo bo'ladi.
http://fayllar.org