Sifat so‘z turkumi

QO'SHMA SIFATLARNING TARKIBI QUYIDAGICHA BO'LADI:
1. ot + ot: toshbag'ir, sheryurak, bodomqovoq;
2. sifat + ot: kaltafahm, sofdil, qorasoch, oqko'ngil, shirinso'z;
3. ravish + ot: hozirjavob, kamquvvat, kamhosil;
4. olmosh + ot: umumjahon, umumxalq ;
5. ot + fe’l: tinchliksevar, ishyoqmas, mehnatsevar, ichakuzdi, osmono'par ;
6. ravish + fe’l: tezyurar, ertapishar, tezpishar, tezoqar ;
7. son + fe’l: beshotar.
JUFT SIFATLAR - o'zaro yaqin yoki zid ma’noli asosning juft kelishidan hosil bo'lgan sifatlardir.
Juft sifat qismlari chiziqcha bilan yoziladi.

• katta- kichik, sarg'ish-qo'ng'ir, baland-past, turli-tuman, esli-hushli, o'ydim-chuqur, arzon- garov, alg'ov-dalg'ov, yakkam-dukkam, g'adir-budur.

Juft sifatlar -u, -yu vositasida bog'lansa, ular o'rtasiga chiziqcha qo'yiladi va ajratib yoziladi:

• yakka-yu yagona

TAKRORIY SIFATLAR - bir asosning aynan takrorlanishidan hosil bo'lgan sifatlardir.
Takroriy sifatlar belgini ta’kidlab, kuchaytirib ifodalaydi.

• barra-barra, katta-katta, yangi-yangi, uzun-uzun.

Takroriy sifat qismlari chiziqcha bilan ajratib yoziladi.