Siz o‘tgan o‘quv yilida «Hozirgi o‘zbek adabiy tili» predmeti, hozirgi
Download 1.48 Mb. Pdf ko'rish
|
hozirgi o\'zbek adabiy tili 2
361-mashq. Matani o‘qing. Yuklamalarning ma’nosi va yozilishiga izoh
bering. VAТAN MADHI Vatandan shirinroq hech narsa yo‘q. Axir, odamlar nimaniki muqaddas deb hisoblasa, nimaniki teran mazmun bilan sug‘orilgan, deb bilsa, bularning barini ularga Vatan o‘rgatgan emasmi? Mayli, ko‘pgina odamlar o‘zga yurtlarning qudrati-yu ajoyibotidan zavqlansin, imoratlarning dabdaba-yu vasvasasiga qoyil bo‘lsin, lekin hamma Vatanini sevadi. O‘zga yurtlarning behisob mo‘jizalarini ko‘pchilik ko‘rgan, ammo hech kim ularga mahliyo bo‘lib o‘z yurtini unutib qo‘ygan emas-ku?!. Barcha odamlar Ollohdan Vatanini farovonlikda boshqa shaharlarga teng qilishni so‘raydi-yu, lekin tanlashga kelganda har qancha faqir-u ko‘rimsiz bo‘lsa-da, faqat o‘z Vatanini tanlaydi. Vatan hamma odamlar uchun shu qadar azizki, qonun chiqaruvchilar hamma joyda eng katta jinoyatlar uchun oliy jazo sifatida Vatandan badarg‘a qilishni belgilab qo‘yishgan. Axir, janglarda safda turganlar uchun eng oliy, eng ulug‘ xitob — Vatan uchun jangga undaydigan xitobdir. Bu xitobni eshitgan hech bir odam undan bo‘yin tovlashni o‘ziga munosib bilmaydi-da. Negaki, «Vatan» so‘zi hurkak odamga ham jasorat bag‘ishlaydi. (Lukian) 362-mashq. -mi, -chi, -a, -ya, -ku, -ham, -u (-yu) -da, -oq, -yoq, -ki (- kim), axir, hatto, nahotki, -gina (-kina, -qina), faqat, naq, na yuklamalari ishtirokida gaplar tuzing, ularni imlo qoidalariga rioya qilib yozing. 363-mashq. -chi yuklamasi so‘roq, buyruq, iltimos, xohish, ta’kid (uqtirish) ma’nolarini bildiradi. Shunga ko‘ra, Siz ham yuqoridagidek hissiy bo‘yoq beradigan gaplar tuzing va yozing. Yordamchi so‘zlarga oid grammatik topishmoqlarning ma’nosiga e’tibor bering, javobini toping. 1. Yordamchi so‘z o‘zlari Qo‘shimchadek so‘zlari. Ma’nosi nuqul so‘roq, Oxirida bor o‘roq? 2. Qalam bilan yozamiz, Men bilan sen yozamiz. Bunda ikki «bilan» bor. Bir-biridan farqi bor, Тoping, qanday farqi bor? 3. Shu so‘zi uchun, bilan, Uchun ham shuning bilan Qachon bo‘lar bog‘lovchi? Misol topib ayting-chi? Bilan, uchun so‘zlari Qachon bo‘ladi -chun, -la? O‘ylab toping misollar Qo‘llansin -chun hamda -la 4. Bir xil so‘roqli so‘zlar O‘rtasida qo‘llanar Bog‘lovchi -la almashar, Belgi bo‘lib ko‘rinar? 5. Sen ham men xatni yozdik. Karim ham xatni yozdi. Bunda ikkita «ham» bor, Тoping, qanday farqi bor? 6. Yuklamalardir -u, -yu, Ko‘p hunarlidir -u, -yu. Bog‘lovchi bo‘lar -u, -yu. Bog‘lovchi-yu yuklama Qanday bo‘ladi u, yu? Download 1.48 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling