Siz o‘tgan o‘quv yilida «Hozirgi o‘zbek adabiy tili» predmeti, hozirgi
Download 1.48 Mb. Pdf ko'rish
|
hozirgi o\'zbek adabiy tili 2
- Bu sahifa navigatsiya:
- Uyga topshiriq.
|
325-mashq. Ko‘makchi fe’lli so‘z qo‘shilmalarini aniqlang va ularga
izoh bering. 1. Тog‘lar loqayd bir ulug‘vorlik bilan sukut saqlashar va bag‘ridagi odamlarning yaxshi-yomon ishlariga tilsiz guvoh bo‘lib turishar edi. (P. Qodirov) 2. Yerdan aziz narsa yo‘q! Otamiz rahmatlik, bobolarimiz, undan narilar — hammasi bir shapaloq yerdan rizqini chiqarib kelgan... Rostmi? (Abdulhamid Cho‘lpon) 3. Shundoq bekat ro‘parasida ikki qavatli univermag oynavand eshiklarini ochgan, xaridorlar chumoliday g‘imirlashib kirib-chiqib turishardi. (O‘. Hoshimov) 4. Тurg‘unoy yovvoyi quyonday har bir so‘z, har bir harakatdan hurkib o‘tirar va to Maston olib bermaguncha qo‘l uzatib bir narsa olmas edi. (A. Qahhor) 5. Kishi yaxshi narsaga intiladi, yomon narsadan qochadi. Тurg‘unlikka, ayniqsa, uzoq davom etgan turg‘un holatga ko‘nikadi. Illatga ko‘nikish esa qabohatga olib keladi. (G‘aybulla- as-Salom) 6. Oqil ma’no guruhida zinhor, Hech or aylama gadolig‘din. Kim, bularga gadolig‘ ortiqdur, Ahli suratqa podsholig‘din. (A. Navoiy) 326-mashq. Ko‘makchi fe’lli so‘z qo‘shilmalarini o‘zi bog‘langan so‘z bilan birga ko‘chirib oling va ularga tavsif bering. Eshik ochilganda Sherzod mudrab yotardi. U ildam qaddini rostladi-yu, ichkariga kirib kelayotgan bo‘lim mudirini ko‘rdi. Mudir xalatining tugmalarini yechib yuborgan, ingichka bo‘ynidagi guldor galstugining bog‘ichini bo‘shatib qo‘ygan, tez yurib kelganidan bo‘lsa kerak, yonoqlari turtib chiqqan, yuzi qizarib ketgan edi. «Joyning egasini olib kelayotgan bo‘lsa kerak», deb o‘yladi Sherzod undan ko‘z uzmay. Bo‘lim mudiri palata o‘rtasida to‘xtadi-da, eshik tomon qarab gapirdi: — Sayfi Soqiyevich! Marhamat, kiravering. U bu gapni xuddi aziz mehmonni uyiga chorlagan mezbon singari ichki hurmat bilan iymanib aytdi... (O‘. Hoshimov) Uyga topshiriq. Quyidagi ko‘makchi fe’lli so‘z qo‘shilmalari ishtirokida gaplar tuzing. Ularni har xil ko‘rinishlarda qo‘llab ko‘ring. Aytib turmoq turib aytmoq Yugurib turmoq turib yugurmoq Olib turmoq turib olmoq O‘ylab turmoq turib o‘ynamoq O‘ynab turmoq turib o‘ylamoq O‘qib turmoq turib o‘qimoq. Download 1.48 Mb. Do'stlaringiz bilan baham: 
|