Siz o‘tgan o‘quv yilida «Hozirgi o‘zbek adabiy tili» predmeti, hozirgi
Download 1.48 Mb. Pdf ko'rish
|
hozirgi o\'zbek adabiy tili 2
352-mashq. O‘qing. Bog‘lovchilarni topib, ma’no guruhlariga ko‘ra
turini qavs ichiga yozing. 1. Ayol va ijod tushunchalari ayol va bahor kabi bir-biriga yaqin, uyg‘un. 2. Iрak kiyim-kechaklar dazmollanmasligi ma’qul, agar zarur bo‘lsa, teskari tomonidan yoki ustiga zig‘ir tolasidan to‘qilgan mato qo‘yib, qattiq qizimagan dazmol bilan dazmollanadi. 3. Alla ayting, shunday aytingki, bolangiz ulg‘ayib, dunyoni mehrga chulg‘asin. 4. Qo‘zg‘algan kasallikni yengish uchun tirik tanda «antitanacha»lar hosil bo‘ladi, ammo bu kasallikni yengish uchun har doim ham mikroorganizmlarning samaradorligi sezilarli bo‘lmasligi mumkin. 5. O‘rta maxsus, kasb-hunar ta’limi tizimiga shunchaki bakalavr emas, balki qo‘sh ixtisoslikni ko‘zda tutgan bakalavr — mutaxassis zarurligini hisobga olish va barcha hujjatlarni shu yo‘nalishga moslashtirish kerak. 6. Muallifning Vatan, davlat va jamiyat oldidagi mas’uliyati shu qadar yuksakki, shaxsiy manfaat, mukofot yoki lavozim ilinjiga o‘rin qolmasin. 7. Nobel neft va portlovchi moddalar ishlab chiqarishdan orttirgan boyligini nafaqat fizik hamda ximiklarga, balki vrachlar, adabiyotshunoslar va tinchlikparvarlarga ham berilishini vasiyat qilib ketdi. 8. Mustaqillik! Seni hayotim bilan ham, san’atim, she’rim bilan ham asrayman. (Gazetadan) 9. Men buyuk yurt o‘g‘lidurman, Men bashar farzandiman, Lekin avval senga bo‘lsam Sodiq o‘g‘lon, o‘zbegim. (E. Vohidov) 353-mashq. Quyida berilgan hikoyatni o‘qing. Тeng va ergashtiruvchi bog‘lovchilarni topib, ularning turini, grammatik vazifasini qavs ichiga yozing. SADOQAТ Qadim zamonlarda shunday bir yurt bor ekanki, uning xalqi mehnatkash, podshosi odil, hayoti tinch ekan. Shu bois, boshqa bir mamlakatning shohi g‘ayirligi kelib, o‘sha yurtni bosib olmoqchi bo‘libdi. Biroq daf’atan hujum qilishga jur’at etolmay, o‘sha yurtga o‘z xufiyasini yuboribdi. Xufiya o‘sha yurtga boribdi va mulozimlari safiga kiribdi. So‘ng o‘z mamlakatiga borib, shohiga bu yurtni olib bo‘lmaslikni aytibdi. «Qal’asi mustahkam emas, lashkari ham ko‘p emas», deb o‘zi guvoh bo‘lgan voqeani aytib beribdi: Bir kuni o‘sha podsho shikorga chiqqan edi: men ham, yigitlar ham birga bordik. Podsho uchqur bir kiyik ortidan ot qo‘ydi. Shu bois, hammamiz unga ergashdik, biroq kiyik narigi cho‘qqiga o‘tib ko‘zdan g‘oyib bo‘ldi. Тerlab ketgan podsho ro‘molcha bilan peshonasini artmoqchi edi, nogahon shamol kelib, ro‘molchani daraga uchirib ketdi. Shu sababli qirq yigitning hammasi o‘zini tubsiz jarlikka otdi. Qanchasi mayib-majruh bo‘ldi, ammo omon qolgan bir yigit ro‘molchani olib chiqdi va podshoga topshirdi... U yurtda bunday yigitlar ko‘p, shuning uchun ham bunaqa yurtni yengib bo‘lmaydi. (O‘. Hoshimov) Тopshiriq. Siz ham yuqoridagi matnga asoslanib, «Hech kimga bermaymiz seni, O‘zbekiston» mavzusida bahs-munozara o‘tkazing. Download 1.48 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling