Siz o‘tgan o‘quv yilida «Hozirgi o‘zbek adabiy tili» predmeti, hozirgi

 
387-mashq. «Men endi 17 daman» mavzusida matn tuzing. Uni bahs-
munozaraga aylantiring. 
388-mashq. Bir so‘zni qayta qo‘llash orqali hosil bo‘lgan juft so‘zlarga 
misollar yozing, ular ishtirokida gaplar tuzing. 
N a m u n a: Paydar-pay, tog‘ma-tog‘... Ma’ruzachiga paydar-pay 
savollar berila boshlandi. 
389-mashq. Berilgan xalq hikmatlarini o‘qing. Yosh olim Najmiddining 
har bir javoblarini izohlab bering. 
YOSH DONISHMAND 
O‘zga mamlakatlardagi ne-ne madrasalarda ta’lim olib, vataniga qaytgan 
Najmiddinni podshoh boshliq saroy ahli mudarrislikka tayinlashdan oldin 
sinovdan o‘tkazishdi: 
— Ayting-chi, ey o‘qimishli zot, dunyoda eng jasur inson kim? 
— Farzandi himoyasiga bel bog‘lagan ayol, — javob berdi yosh olim.
— Dunyoda eng sertashvish odam kim?
— Farzandi kelajagi uchun kuyib-pishadigan ona! 
— Olamda eng go‘zal mavjudotni aytib bera olasizmi? 
— Bolasini erkalatayotgan ayoldan go‘zalroq mavjudot yo‘q.
— Eng hayotbaxsh qudrat egasi kim?
— Avval Olloh, so‘ng ayol... 
Shoh maxsus farmon bilan Najmiddinni bosh vazir etib tayinladi. 
 
40.2 QISQARТMA SO‘ZLAR VA ULARNING
USLUBIY XUSUSIYAТLARI 
Dars maqsadi: talabalarning qisqartma so‘zlar haqidagi bilimlarini 
chuqurlashtirish. 
Qisqartma so‘zlardan foydalanish ko‘nikmasini shakllantirish. 
R e j a:
* Qisqartma so‘zlar haqida ma’lumot. 

---

* Qisqartma so‘zlar va ularning to‘liq varianti 
o‘rtasidagi munosabat.
* Qisqartma so‘zlarni hosil qilish yo‘llari. 
Inson o‘z faoliyatida doimo oz mehnat sarflab, ko‘proq 
natijaga erishishga urinadi. Bunda nutqiy faoliyat natijasida bir 
qancha barqaror birikmalarni qisqartirish yo‘li bilan qisqartma