Siz o‘tgan o‘quv yilida «Hozirgi o‘zbek adabiy tili» predmeti, hozirgi

132-mashq. Quyidagi ustunchalarni davom ettiring.

---

Sifat sinonimlar 
Fe’l sinonimlar 
Gavdali, jussali,
Gangimoq, dovdiramoq, 
barvasta, norg‘ul,
esankiramoq, kalovlanmoq,
barzangi
talmovsiramoq 
133-mashq. Quyidagi so‘zlarning sinonimlarini topib, ular ishtirokida 
gaplar tuzib yozing. 
Ozod, rost, soqchi, mashaqqat, g‘amgin, tanti, ittifoq, ayovsiz, asil, 
va’dalashmoq, vaqt, dang‘illama, yorug‘, istamoq, ixlosmand. 
134-mashq. Тilshunos olim A. Hojiyevning «O‘zbek tili sinonimlarining 
izohli lug‘ati»dan misollar o‘qing. Xotirangizda nechtasini eslab qoldingiz. 
Uni daftaringizga ko‘chirib yozing. 
135-mashq. Uyga topshiriq. Shukur Qurbonning «Ay, ona til!» she’rini 
yozing va yod oling. So‘ngra she’rda ishlatilgan: bandalari, on, xiyonat, 
kuchli, yarog‘, aynimadi, hasadgo‘y kabi so‘zlarning sinonimik qatorlarini 
ham yozing. 
AY, ONA ТIL!
Seni xudo bergan menga, mening xalqimga,
Bandalari yo‘qotolmas, tortib ololmas.
Seni xato baholagan — kulgi har kimga,
Senga ola qarabdi kim, ko‘r bo‘lmay qolmas.
Senda Davlat maqomi ne, yaralganing on
Xalq maqomin olgansan-ku, qutlug‘, poyidor.
Shuhratparast zotmidingki, har turfa nishon
Ko‘kragingga ilib olsang qator va qator.
Balli! Hanuz xiyonatning yuzlari qora,
Balli! Hanuz sadoqatdan gurkiraydi qalb
Ohanglaring dunyodagi eng kuchli yarog‘,
Shu yarog‘-la axir asrab-avaylanar xalq.
Chegaralar yo‘qdir senga, sarhadlar osha

---

Sen tufayli aynimadi qancha bag‘irdosh.
O‘zbekligim, ay, ona til, dilingda yashar,
Тil ostiga joylanganday qimmatbaho tosh.
Ne tong, asos — mohiyatni belgilar azal,
Ne tong, eski yozuv o‘xshar ko‘hna ildizga.
Novdalari yuraklarda, ruhda mukammal,
Shox barglari, g‘unchalari yetgan yulduzga.
Senga faqat hasadgo‘ylar qilar yovqarash,
Seni manfur bosqinchilar yoqtirmas faqat.
Ay, ona til, o‘zing uchun o‘zing ham kurash,
Ay, ona til, g‘animlarga aylama shafqat.
«Nun» ko‘zlaring kattaroq och, «dol»laring yoy qil,
«Alif»laring o‘q qilib ot ular ko‘ksiga.
Ma’nolaring namoyon et, yovlarni loy qil,
Yetmish olam mo‘jizasin ko‘rsat ko‘zimga.
 
 
 
 
 
 
 
(Sh. Qurbon)