«старость и настоящее время: текущая ситуация, тенденции развития и предстоящие проблемы»

“Keksalik va hozirgi zamon: mavjud holat, rivojlanish tendensiyalari va istiqboldagi muammolar” 
mavzusidagi respublika ilmiy-amaliy konferensiya materiallari to‘plami
23
Nodira Musayeva, 
“Nuroniy” jamg‘armasi Respublika boshqaruvi bo‘lim boshlig‘i, 
falsafa fanlari doktori
QADRIYATGA AYLANAYOTGAN AN’ANA
Annotatsiya. Maqolada davlat tomonidan keksa va nuroniylarni qo‘llab-quvvatlash siyosati 
xalqimizning hayotida an’ana sifatida azal-azaddan shakllangani va qadriyatga aylanayotgani 
ochib berilgan. 
Kalit so‘zlar: an’ana, qadriyat, keksalar, mehnat faxriysi, “Nuroniy” jamg‘armasi, keksalar 
haftaigi, keksalar maslahat guruhi. 
Аннотация. В статье выявлено, что политика поддержки государством пожилых людей 
и интеллигенции сформировалась как традиция в жизни нашего народа с незапамятных 
времен и становится ценностью.
Ключевые слова: традиция, ценность, пожилые люди, ветеран труда, фонд «Нурони», 
неделя пожилых людей, консультативная группа пожилых людей.
Annotation. The article reveals that the policy of state support for the elderly people has been 
formed as a tradition in the life of our people since immemorial times and is becoming a value.
Key words: tradition, value, elderly people, labor veteran, Nuroni Foundation, the week of the 
elderly people, advisory group of the elderly.
O‘zbekistonda yangi davr boshlandi. Davlatimiz rahbari “Xalqimiz bilan boshlagan 
demokratik islohotlar yo‘lini yanada qat’iy davom ettiramiz va bu yo‘ldan hech qachon 
ortga qaytmaymiz! Yangi O‘zbekistonni birgalikda, albatta, barpo etamiz!” deya 
juda ko‘p davralarda ta’kidlamoqda. Ishonch bilan aytilgan bu so‘zlar barchamizni 
yanada faolroq ishlashga da’vat etmoqda. 2022-yilda inson qadrini ulug‘lash nomli 
atamaning tez-tez quloqqa chalina boshlagani besh yil muqaddam boshlangan tub 
islohotlardan ortga qaytmasligimizdan dalolatdir. 
Yangi O‘zbekistonda “Davlat – inson uchun” tamoyili asosida inson huquqlarini 
mustahkamlash, odamlarni rozi qilish islohotlarning eng ustuvor yo‘nalishiga aylandi 
va bu boradagi sa’y-harakatlar kelgusida ham izchil davom etadi. Ularning nechog‘li 
samarador bo‘lishida esa jamiyatimiz asosi bo‘lgan mahalla hal qiluvchi o‘rin tutadi. 
Shu jihatdan, mazkur tizimdagi ishlar yanada takomillashtirilib, har bir mahallani 
hokimliklar bilan bog‘lash maqsadida mahallalarda hokim yordamchisi lavozimi 
joriy etilgani, amaliy ko‘nikmalarga ega nuroniylarimizni ijtimoiy faollikka chorlash 

---