Тадбиркорлик ва педагогика

Мақола номи (инглиз тилида)
Муаллифларнинг фамилияси ва исми, отасининг исмини бош харфлари (инглиз тилида)
Ташкилотнинг расмий номи, шаҳар, мамлакат (инглиз тилида)


Реферат (аннотация) инглиз тилида. Хажми 80-100 тагача сўз. Реферат аниқ ва маълумотли (умумий гаплар, иккинчи даражали маълумотлардан ташкил топмаган), оригинал (рус тилидаги аннотациядан айнан кўчирилмаган), мазмунли (мақоланинг асосий мазмунини ифодалаши), структураланган (матн битта хатбоши сифатида ёзилган, аммо мақолада натижаларни тавсифлаш кетма-кетлигига риоя қилинган), “инглизча” (инглиз тилида сифатли ёзилган) бўлиши керак. Реферат мақсадни, тадқиқот усулларининг қисқача тавсифини, асосий натижаларнинг тавсифини ва ихчам хулосаларни ўз ичига олиши керак. Муаллиф халқаро аудитория учун ёзаётгани инобатга олиниши керак. Матн изчил бўлиши керак, жумлаларни бирлаштириш учун «consequently», «moreover», «for example», «the benefits of this study», «as a result» ва бошқа иборалардан фойдаланиш керак. Пассив нисбат эмас, фаол нисбатдан фойдаланиш керак («It was tested in this study» эмас, «The study tested»). Emerald Group Publishing сайтида рефератларни тайёрлаш намуналари келтирилган. Шуни ёдда тутиш керакки, мақола журналда нашр этилгандан сўнг олинадиган халқаро маълумотлар базалари ҳеч нарсани транслитерация ёки таржима қилмайди, улар муаллифнинг фамилияси ва исми, отасининг исмини бош харфларининг, мақолада кўрсатилган ташкилот номининг ҳар қандай вариантини, ҳатто хатолар билан ҳам қабул қилишади.
Мақолани тайёрлашда нашриёт томонидан тақдим этилган қоидаларга риоя қилиниши керак (мақола ҳажми, шрифт, шрифт катталиги, қатор оралиғи, ҳошиялар, варақ). Матнли материаллар, қоида тариқасида, MS Word (* .doc) редакторида, математик формулалар ва тенгламалар – Microsoft Equation тенгламалар редакторида тайёрланиши керак. Халқаро ўлчов бирликларидан фойдаланиш лозим.

• 
  Мақола сарлавҳасида унинг мазмуни ҳақида қисқача маълумот берилиши, шунингдек нашриёт томонидан рухсат этилган сўзлар ёки белгиларнинг максимал сонидан ошмаслиги керак. УДК (https://teacode.com/online/udc/)нинг бўлиши талаб этилади.
  
• 
  Эмпирик мақола қуйидаги бўлимларни ўз ичига олиши керак: кириш, материал ва тадқиқот усуллари, натижалар ва мунозара, хулосалар, библиографик хаволалар.
  
• 
  Шарҳ мақоласи эркин танланган сарлавҳали, турлича миқдордаги бўлимлардан ташкил топиши мумкин, аммо хулосалар бўлиши талаб қилинади.
  
• 
  Жадваллар ва расмлар мақола мазмунига мувофиқ рақамланган бўлиши керак. Статистик ва бошқа маълумотлар жадвал остидаги эслатмаларда берилиши керак. Жадвалдаги материаллар мақола матнида улар ҳақида биринчи марта айтиб ўтилганидан сўнг дарҳол жойлаштирилади.
  
• 
  Расмлар матнда уларни муҳокама қилиш тартибида рақамланади. Тасвирлардаги барча матн элементлари (графикалар, диаграммалар, схемалар), агар иложи бўлса, ТimesNewRoman шрифтига эга бўлиши керак. Чоп этиб чиқаришда сканердан кейинги тасвир аниқ бўлиши, асосий матннинг равшанлигига мос келиши керак.
  
• 
  Мақолани қайта кўриб чиқишга қайтаришда муаллиф таҳририятнинг барча тақризларини инобатга олиши ва тузатилган материалларни белгиланган муддатда таҳририятга юбориши керак. Қоида тариқасида, таҳририят матнни тузатиш ва қисқартириш ҳуқуқини ўзида сақлаб қолади. Муаллифлар тақдим этилган материаллар таркибининг тўғрилиги учун жавобгардир.