Таълим муассасаси раҳбар ходимларининг шахсий сифатларини баҳолаш методикаси

Раҳбар ходимларининг шахсий сифатларини баҳолаш методикаси
Ҳурматли респондент! Сизга таклиф этилаётган ушбу тасдиқ-мулоҳазаларни диққат билан ўқинг ва уларнинг ҳар бирига қуйидаги жавоблар вариантидан мосини танлаб, уни жавоб варақаси катагида белгиланг:
1. Тўлиқ қўшиламан — 2
2. Қисман қўшиламан — 1
3. Қўшилмайман — 0
Агар тест саволномасида келтирилган тасдиқ-мулоҳазани тўлиқ эътироф этсангиз, жавоб варағи каттакчасига 2 рақамини, қисман эътироф этсангиз 1 рақамини, агар мазкур фикрга мутлақо қўшилмасангиз 0 рақамини ёзинг.
Тест саволномаси
1. Қонунларга сўзcиз риоя қилиш керак.
2.Жамоа манфаати шахсий манфаатлардан юқори бўлиши керак.
3. Ҳозир меҳнат жамоаси муаммони ҳал этиш ҳуқуқига эга эмас.
4.Раҳбарларни сайлаш ўз маъносини йўқотган.
5.Ёшлар орасида норасмий ҳаракатларнинг ривожланишга тўсқинлик қилиш лозим.
6. Иқтисоднинг барча соҳаларида, шунингдек, таълим соҳасида ҳам қатъий тартибга эришиш ҳукумат учун зарур.
7. Хусусий тадбиркорлик иши – софдил одамлар учун мақбул эмас.
8. Сиёсат борасида шахсий мулоҳаза билдириш анча мураккаб.
9. Ҳаммасини ўзим бажаришга уринганим маъқул.
10. Менга буйруқ беришларини ёқтирмайман.
11. Яхши вариант таклиф қилган ҳолда танқид қилиш мумкин.
12. Ўзинг раҳбарлик қилганингда қарор қабул қилиш шахсий масъулият талаб этмайди.
13. Мен принципларимга тўғри келмайдиган ишни бажара олмайман.
14. Ишсизларга нафақа бериш шарт эмас, чунки бу уларни меҳнатга рағбат уйғотмайди.
15. Ҳар бир киши масъулиятли дамларда фақат ўз кучига ишониши ва ўз йўлидан қайтмаслиги лозим.
16. Ўз раҳбаринг қарорларини доимо қўллаб-қувватлашинг ва бажаришинг лозим.
17. Ҳозирги замон сиёсати шунчалик мураккаб ва серқирраки, у билан фақат профессионаллар шуғулланиши керак.
18. Одамлар кимгадир бўйсуниши керак.
19. Мен қаттиқ қўллик билан раҳбарлик қилиш тарафдориман, ана шунда ҳолдагина ўз ғояларининг осонлик билан амалга оширишинг мумкин.
20. Раҳбарнинг очиқ-ойдин шубҳалари жамоани кучсизлантиради.
21. Мен доимо тўғри қарорлар қабул қиламан.
22. Болалар энг аввало вазиятларга мослаша олишлари лозим.
23. Бутун жамоа манфаталари учун баъзида алоҳида инсонларнинг фаровонлигини эътиборга олмаса ҳам бўлади.
24. Менга нимани ва қандай қилиб бажаришимни доимо кўрсатиб туришларини афзал биламан.
25. Болалар ўқитувчининг хатти-ҳаракатларини танқид қилишлари керак эмас.
26. Нима бўлишидан қатъий назар мен бошбодоқликни ёқтирмайман.
27. Айрим кишилардаги тилёғламалик ва макр-ҳийлани бирдан пайқайман.
28. Кимгадир эътироз билдирсанг - ўзинга қўшимча қийинчилик туғдирасан.
29. Тушунмаган нарсанг ҳақида ҳеч қачон гапиришинг керак эмас.
30. Одамларнинг аҳмоқликлари мени асабийлаштиради.
31. Бировлар учун масъулиятни ўз зиммамга олишни ёқтирмайман.
32. Мен доимо атрофдагиларга мослашиб бораман.
33. Симпатия уйғотмаган одамларга ўзингни хушмуомала қилиб кўрсатишинг шарт эмас.
34. Текинхўрларни жамиятдан ажратиб ташлаган яхши.
35. Таълим олувчиларни итоатли бўлишга ўргатишлари лозим.
36. Менга кимгадир нохушлик келтириш баъзан ҳузур бағишлайди.
37. Принцип жиҳатдан ҳеч кимга қарз бермайман.
38. Баъзан ўз фикр-мулоҳазаларимни билдиришга қийналаман.
39. Бошлиқнинг фикри ходимларнинг мулоҳазасидан кўра доимо аҳамиятли.
40. Раҳбар билан ходим ўртасидаги ошна-оғайничилик муносабатлари тарбияга путур етказади.

№		№