Tariyx fakulteti

Birinshiden, jámiyetlik paydali miynet penen támiyinlenbegen xaliqti jumis penen támiyinledi, jumissizliqtiń kúsheyiwiniń aldi alindi.
ekinshiden, xaliqtiń real dárámatlari asti, shártnamalar tiykarinda awil xojaliq ónimlerin jetistirip atirǵan miynetkeshler miynet dáptershelerin aliw hám qartayǵanda pensiya alip sociyalliq kepilleniw huquqina iye boldi.
Úshinshiden, xaliqti turmisliq áhimiyetli aziq-awqat ónimleri menentámiyinlew-dey mashqalaǵa sheshim boldi.
Tórtinshiden, awil miynetkeshlerin úy-jay menen támiyinlew-dey sociyalliq áhimiyetli másele de óz sheshimin tawdi.
Besinshiden, respublikada sociyalliq-siyasiy jaǵday turaqlilasti hám jaqsilandi.
Ózbekistanniń jańa basshisi Islam Karimov «ózbekler isi», «paxta isi» jalasi menen kemsitilgen ózbek milletti,haqiyqiy ǵárezsizlikke alip shiǵiwdi óziniń tiykarǵı waziypasi etip belgileydi.
Islam Karimov respublika prokurori lawazimina Usatovtan keyin milliy kadr tayinlaniwin Oraydan talap etedi hám buǵan erisedi 1990-jil, 31-oktyabrde joqari Sovettiń 12-shaqiriq úshinshi sessiyasinda Ózbekistan Prezidenti usinisi menen respublika prokuroriniń awqam prokurorina qaramligina shek qoyiw hám bul dúzimniń gárezsizligin támiyinlew maqsetinde B.Mustafaev Ózbekistan Bas prokurori etip tastiyiqlandi. Bul jurt tariyxinda birinshi márte respublikada prokurordiń respublika joqarǵi organi tárepinen tastiyiqlaniwi edi. Prezident baslamasi menen ámelge asirilǵan bul is respublika prokurorina ǵárezsiz is alip bariw, prokuratura organlarin óz is ornina ilayiqli bolmaǵan kadrlardan tazalaw imkániyatin jaratti. Prezident tárepinen respublika Bas prokurori moyinina Gdlyan-Ivanovlarǵa qarata jinayiy is qozǵaw, bul jinayatlardi Ózbekistanda ámelge asirǵanliǵin tiykar etip, jinayiy isti kórip shiǵiwdi Ózbekistan iqtiyarina tapsiriwǵa baylanisli SSSR Bas prokuraturasi menen baylanisti áste-aqirin úziw hám bul jaǵdayǵa úzil-kesil sheshiw waziypasi qoyildi
«Ózbekler isi», «paxta isi» dep ataliwshi xalq abiroyina qara daǵ sipatinda jabistirilǵan istiń qayta kóriliwi hám 1991-jil martina shekem 2 miń adamniń aqlaniwi, Stalinsha quwdalawlar sebepli 20-50-jillarda jala menen ayiplanǵanlardiń aqlaniwi Ózbekistandaǵi sociyalliq-siyasiy hám mánáwiy ortaliǵiniń jaqsilaniwina unamli tásir kórsetedi.
Ózbekistan basshisi kadrlardi tańlaw, tárbiyalaw hám orin-ornina qoyiwda da óziniń gárezsiz jolin belgilep aldi. Bul jóninde tiykarǵı itibar jergilikli xalq wákillerine qaratildi. Álbette bul jaǵday da xalqtiń ruwxiy jaǵdayin kóteriwde úken ahimiyetke iye boldi.
Ózbekistan húkimetiniń dinge hám diniy shókemlerge bolǵan múnásibeti keskin ózgerdi.Sebebi Islam Karimov aytqaninday «...Musilman mádeniyatindaǵi xalqti ruwxiy krzisten shiǵariw múmkin bolǵan tiykarǵı baǵdar din erkinligin, islam menen baylanisqan milliy úrip-ádetlerge ámel etiw erkinligin jaratip beriwden ibárat edi. Biz uzaq kútilgen usi erkinlikti sózde emes, ámelde támiyinledik».
Xalqimizdiń eń áyyemgi tariyxiy dástúlerinen biri hám bárshe waqit qádirlep kelgen bayrami «Nawriz» qaytadan tiklendi hám dem alis kúni dep jariyalandi. Oraza hayt hám Qurban haytlarina jańa ómir berildi. Ózbekistannan áskeriy xizmetke shaqirilatuǵin jigitler, respublika aymaǵinda óz minnetlemesin atqaratuǵin boldi. Álbette bul ilájler Ózbekistan húkimetine xalqtiń múnásibetin unamli tárepke ózgerttirdi hám mámlekette sociyalliq-siyasiy awhalin jaqsiladi
1989-jil, fevral-aprel aylarinda Ózbekistan Oliy Kengashi hám jergilikli keńeslerge saylawlar bolip ótti. Bul saylawlardiń aldinǵi saylawlardan parqi, mámleket tariyxinda birinshi márte kóplegen okruglerde saylawlar bir neshe kondidatlar dawagerlginde ótkerildi.Biraq Ózbekistan Oliy Kengashi ne talaban kórsetken 500 okrugten 174 inde talabanlar kórsetilmedi. Saylawdi shólkemlestiriw hám ókeriw processin demokratiyaliq talaplar sheńberinde boldi, dep aytalmaymiz,kondidaturasi kórsetilgen wákillerdiń hámmesine birdey sharayat hám imkaniyatlar jaratilmadi. Bul hám basqa sebeplerge baylanisli saylanǵan kondidatlardiń 95 payizin kommunistlik aǵim aǵzalari quradi. «Jańa shaqirilgán 12-shaqiriq Ózbekistan Oliy Kengashi 1-sessiyasiniń respublika keleshegi ushin úlken ahimiyetke iye hám burinǵi awqam sheńberinde birinshi bolǵan siyasiy qarari- Ózbekistanda Prezidentlik basqariwin engiziw boldi. 1990-jil, 24-martta respublika kompartiyasiniń birinshi xatkeri Islam Karimov Ózbekistanniń birinshi Prezidenti etip saylandi.