Tasdiqlayman” Qarshi muhandislik-iqtisodiyot instituti rektori O. Sh. Bazarov “ ” 2023 yil Qarshi muhandislik-iqtisodiyot instituti huzuridagi ilmiy darajalar beruvchi PhD

t.f.n., dotsent Razzakov T.
1-savol. 3.1-rasm. Baliqlarga ozuqa tarqatish qurilmasining texnologik sxemasi nusxasining umumiy ko‘rinishi keltirilgan, shu yerda 8-zanjirli deyapsiz nima vazifani bajaradi, buni qanday izohlaysiz?
Javob: Baliqlarga ozuqa tarqatish qurilmasining texnologik sxemasi keltirilgan rasmda 8-zanjirli uzatma bo‘lishi kerak, texnik xatolik ketibdi, albatta to‘g‘rilayman. Zanjirli uzatmaning vazifasi bunkerni ozuqa tarqatish yelkasi bo‘ylab g‘ildirakcha orqali harakatlanadi. Buning uchun yulduzchali mexanizm ruchkasi bilan harakatga keltiriladi va bunker hovuz chetiga olib kelinib ozuqani yuklash va uning tarqatilishini nazorat qilish imkonini beradi.
2-savol. Baliqlarga ozuqa tarqatish qurilmasining texnologik sxemasida
10-ruchka deyilyapti, ruchka nima vazifani bajaradi, bu to‘g‘rimi dastak deyilishini siz qanday izohlaysiz?
Javob: E’tirozingiz o‘rinli ruchka so‘zini dastak so‘ziga almastirib to‘g‘rilayman, ruchkaning vazifasi bunkerni siljitish mexanizmi yulduzchasini harakatlantirishdan iborat.
3-savol. Yana shu bo‘yicha savolim, baliqlarga ozuqa tarqatish qurilmasining texnologik sxemasida 13-zinapoya-ballast deb nomlangan, ushbu qurilmada bu nimaga kerak o‘zi?
Javob: Qurilma qirg‘oqda joylashishi, yelka uzunligi va bunkerdagi ozuqaning massasini hisobga olib og‘irlikni teng taqsimlanishi va qurilma muvozanatini ta’minlash uchun bu yerda albatta zinopoya qo‘shimcha ballast vazifasini ham bajaradi.
4-savol. Mineral o‘g‘itlarni sochishga mo‘ljallangan qishloq xo‘jaligi mashinalari bor NRU-0,5 yoki RMU-0,5, aytishimiz mumkin sizni qurilmangizdagi diskli ozuqa tarqatkich bilan ushbu mashinalardagi diskning nima farqlari bor?
Javob: NRU-0,5 yoki RMU-0,5 o‘g‘it sepish mashinalari ham kurakchali disk orqali o‘g‘itlarni sochishni amalga oshiradi hamda traktorning quvvat olish validan yuqori aylanma tezlikda harakatni olib ishlaydi. Ular keng katta maydonlarda harakatlanib, ya’ni yurib turib o‘g‘it sochadi. Ularning o‘g‘it sochish kurakchalari diskka to‘g‘ri shaklda joylashtirilgan. Baliqlarga ozuqa tarqatish qurilmasi kichik xo‘jaliklar uchun moljallangan bo‘lib, bir joyda turib ishlashi, disk diametri kichikligi va kurakchalar diskka parabolik shaklda joylashganligi hamda asosan ozuqalarni yoyib tarqatishga mo‘ljallanganligi bilan farq qiladi.