|
Pahmoq qo‘g‘irchoqlar yordamida ertaklarni sahnalashtirish.
Pahmoq qo‘g‘irchoqlar yordamida ertaklarni sahnalashtirishning o‘ziga xos tomoni shundaki‚ kichkintoylar‚ ertak qahramonlarining aynan o‘zini ko‘radilar. Personajlar pahmoq ekranga yopishtiriladi. Ekran tayyorlash uchun balandligi 40 uzunligi 60 sm li qalin karton yoki faner ustiga pahmoq gazlamasi yopishtiriladi. Personajlar ekranda mana shu pahmoq orqali yopishtiriladi. Bolalar uchun mo‘ljallangan pahmoq qo‘g‘irchoqlar yordamida ertaklarni sahnalashtirish ertak ishtirokchilari, personajlar, dekoratsiyalar, ertak matni, boshlovchi, ertakchi bobo yoki momolardan iborat bo‘ladi.
Pahmoq qo‘g‘irchoqlari yordamida ertaklarni sahnalashtirish uchun personajlar quyidagicha tayyorlanadi: personajlar karton qog‘ozdan qirqib olinadi va rangli bo‘yoqda, guashda bo‘yaladi. Tayyor bo‘lgan personajlar ertak matni bilan birga papkaga solib qo‘yiladi.
Do'stlaringiz bilan baham: |
