Tema: Er adamalar kiyimlerine pishilgen boleklerine qayta islew, kiydirip koriwge tayarlaw

«Er adamlar shalbarınıń aldınǵı bólegindegi qıya qaltaǵa qayta islew»
Shalbarlarda túrli qırqpa, qaptal tareplerdegi aldınǵı hám artqı bóleklerine qalta tigiledi. Shalbarlardaǵı hámme qaltalar boylamasız etip tigiledi. (onıń ornında qalta boladı).
Er adamlar shalbarın tigiwde aldınǵı bóleklerinde de hár qıylı qıya qalta túrlerinen paydalanıp tıgıw múmkin. Mısalı, aldınǵı bólekte ápiwayı usılda islew beriletuǵın qıya qalta, qaqpaqlı qıya qalta, ramkalı qıya qalta, bezewli qıya qalta hám t.b. Bunday qaltaǵa qayta islew texnologiyalıq kartalar járdeminde standartda kórsetilgen boyınsha tigiledi. Mısalı, tómende qıya ramkalı qalta, maǵızlı qalta hám shalbar aldınǵı bólegi tarepindegi qiya qalta keltirilgen.
Shalbardıń aldınǵı bóleklerindegi qıya ramkalı qaltaǵa qayta islew beriw.
Ramkalı qalta tıgıw ushın tómendegi bólekler zárúr: kiyim gezlemesinen pishilgen maǵız (2); kiyim gezlemesinen pishilgen kórinbe; qalta gezlemesinen pishilgen qalta (1).
Pishimli shalbardıń aldınǵı bóleginde bir boylama hám eki kese sızıq belgilep alınadı. Qalta tıgıwdı ańsatlastırıw ushın tayın qalta ramkası eninen eki ret úlken aralıqta eki qosımsha sızıq túsiriledi. Eger ramkanıń eni 0,5 sm bolsa, qosımsha sızıqlar boylama sızıqtan 1 sm shetinen sızıladı. Teris qalta sızıǵı astına qalta sonday qoyıladı shalbardıń joqarı kesindileri bir-birine tuwrı keletuǵın bolsın. Sonnan keyin eki tigis qatar menen kóklenedi: birinshisi joqarı kesindisinen 1 sm, ekinshisi joqarı kesindisine parallel tárizde; qalta ushınan 1 sm tómenlewden túsiriledi. Qaltalardı ramkaları terisine qayırıladı:
birewi kesindiden 1-1,5 sm shetinen, ekinshisi ortasınan boylamasına bugiledi.
Maǵızlar aldınıń ońına bugilmeleri qosımsha sızıqlarǵa tagib qoyıladı, kóklenedi hám 0,5sm ishinen mashinada kóklenedi. Jikler eki tárepke jatqızıladı.
Qalta kesindii teris jaǵınan tegis qatarlar ortasınan qırqıladı, qalta kesindisi ushlarina tegis qatarlarǵa salıstırǵanda qıya kesindiler qırqıladı. Ramkalar terisine awdarıladı; ramkalardı tıgıw jikleri tuwrılanadı, shetleri kóklenedi hám utyuglenedi. Qaltalardıń úshleri terisinen eki tegis qatar menen tigiledı. Bunda múyeshlerin tuwrılap hám maǵızlar tartıp turıladı.
aldınǵı bolektin ishki kesindisi ishine 0,5-0,7 sm qayiriladi hám qalta qayırılǵan jerinen 0,1 sm ishine bastırıp tıgıw múmkin, biraq aldın kesindilerdi jamap alıw kerek. Keyininen qalta kórinbe qoyılatuǵın jay belgilep alınadı. Kórinbe kesindileri úsh tárepinen terisine 0,5-0,7 sm bugiledi hám utyuglenedi. Kórinbe qalta ústine qoyıladı hám qayırılǵan jerinen 0,1 sm ishinen eki tárepinen bastırıp tigiledi. Kórinbeni, kesindilerdi tereńligin qayırmay bastırıp tıgıw da múmkin, biraq bunda aldın kesindilerdi 0,3-0,4 sm keńliktegi tegis qatar menen mashinada jamap alıw zárúr boladı.
Qalta universal mashinada tigiledi, jik menen tigiliwi múmkin. Bul halda qalta kórinbeni maǵızǵa bekkemlew tegis qatari qalta tigilgennen keyin túsiriledi. Ziyni kóklew sabaqları so'tib taslanadı. Qalta utyuglenedi, ushlarina flezelin qoyıladı. Qalta kesindi kóklenedi.