Tema: Málimleme, til xat, túsinik xat, isenim xat, xızmet xatları MÁlimleme

Málimleme
Sizge biziń toparımız studentleri N.Yusupov, Sh.Rametov hám Ya.Tólegenov usı jıl
10-oktyabrde oqıwǵa sebepsiz qatnaspaǵanın málim etemen.
00.00.0000. (qolı) S.Elmuratova





2. TILXAT

Tilxat- pul, hújjet, kitap, qımbat bahalı buyımlar yaki basqa bir nárselerdi qarızǵa yamasa basqa maqsetlerde alınǵanlıǵın tastıyıqlawshı rásmiy jazba hújjet. Tilxat bir ǵana nusqada tayarlanadı hám aqsha yamasa qımbat bahalı hújjet sıyaqlı saqlanadı.

Tilxattıń zárúrli bólimleri tómendegilerden ibarat:
1. Hújjettiń atı (Tilxat).
2. Hújjettiń mazmunı.
a) Tilxat beriwshiniń ismi-sháriypi, oqıw ornı, kursı (jumıs islese mákemesiniń atı, lawazımı) tolıq keltiredi.
b) Tilxat alıwshınıń ismi-sháriypi, jumıs ornı, lawazımı (zat, pul hújjet, kitap, qımbat bahalı buyımlardıń muǵdarı yaki danası sanlar menen kórsetiledi hám qawıs ishinde sózler menen jazılıp, anıqlıq keltiriledi.
3.Sáne.
4. Tilxat jazıwshınıń qolı.

Úlgiler:

(qarızǵa pul alǵan jaǵdayda)

Tilxat Men, Shamuratova Hurliman Dosjanovna, Shomanay rayonı M.Áwezov kóshesi 7-jay turaman, pasportımnıń seriyası hám nomeri SK 073257, NMPI matematikanı oqıtıw metodikası qánigeliginiń 2-kursında oqıyman. Nókis qalası, M.Jumanazarov kóshesi 124-jay turǵını, pasport seriyası hám nomeri SK 000808 bolǵan krey jay iyesi Asanov Abat aǵadan 200000 (eki júz mıń) sum qarızǵa aldım. Bul puldı 2021-jıldıń 30-mayǵa shekem qaytarıp beremen. 00.00.0000. (qolı) H.Shamuratova

(kitap alǵan jaǵdayda)

Tilxat Men, Saparbay Tájenov, shet tilleri fakultetiniń 1^g kurs talabasıman. NMPIdıń málimleme resurs orayınan U.Embergenovtıń avtorlıǵındaǵı «Qaraqalpaq tiliniń punktuaciyasın úyretiw usılları» atamasındaǵı metodikalıq kórsetpesinen 30 (otız) dana kitabın qaytarıp beriw shárti menen aldım. Oqıw kursı tamamlanǵannan keyin qaytarıp alıp kelemen. 00.00.0000. (qolı) S.Tájenov